ಕಲಾವಿದನ ಕೈಯಲ್ಲಿ ಅರಳಿದ ಸಮಗ್ರ ಕೃಷಿ ಮೇಳದ ಚಿತ್ರ

ಧಾರವಾಡ: ಸೆ. 13ರಿಂದ ನಾಲ್ಕು ದಿನಗಳ ವರೆಗೆ ಇಲ್ಲಿಯ ಕೃಷಿ ವಿವಿ ಆವರಣದಲ್ಲಿ ನಡೆಯುತ್ತಿರುವ ರೈತರ ಜಾತ್ರೆ ಎಂದೇ ಖ್ಯಾತಿ ಪಡೆದಿರುವ ಕೃಷಿ ಮೇಳಕ್ಕೆ ವಿಶ್ವವಿದ್ಯಾಲಯವು ಸಂಪೂರ್ಣ ಸಜ್ಜಾಗಿದೆ.

ಪೌಷ್ಟಿಕ ಆಹಾರ ಭದ್ರತೆಗೆ ಮಣ್ಣಿನ ಆರೋಗ್ಯ ಮತ್ತು ಸಂಪ್ರದಾಯಿಕ ತಳಿಗಳು ಹೆಸರಿನಲ್ಲಿ ಈ ಬಾರಿ ಮೇಳ ಆಯೋಜಿಸಿದ್ದು, ಈಗಾಗಲೇ ಆವರಣದಲ್ಲಿ 500ಕ್ಕೂ ಹೆಚ್ಚು ಮಳಿಗೆ ಹಾಕಲಿದ್ದು ಆವರಣ ರೈತರನ್ನು ಆಕರ್ಷಿಸಲು ಸಂಪೂರ್ಣ ಸಜ್ಜಾಗಿದೆ.

ಸೆ. 13ರಿಂದಲೇ ಮೇಳವು ಪ್ರಾರಂಭವಾದರೂ ಸೆ.14ರಂದು ರಾಜ್ಯಪಾಲರು ಬೀಜ ಮೇಳಕ್ಕೆ ಚಾಲನೆ ನೀಡಲಿದ್ದಾರೆ. ಸೆ. 15ರಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇಳಕ್ಕೆ ಅಧಿಕೃತವಾಗಿ ಚಾಲನೆ ನೀಡಲಿದ್ದಾರೆ.

ಅಧಿಕ ಫಸಲಿಗೆ ಸಂಬಂಧಿಸಿದಂತೆ ಯಂತ್ರೋಪಕರಣಗಳನ್ನು ಅಲ್ಲಲ್ಲಿ ಯಥಾವತ್ತಾಗಿ ಚಿತ್ರೀಸಲಾಗಿದೆ. ಈ ವರ್ಷದ ಕೃಷಿ ಮೇಳದ ಘೋಷವಾಕ್ಯ ಕುರಿತಂತೆ ಬಗೆಬಗೆ ಹಣ್ಣುಗಳು ತರಹೇವಾರಿ ತರಕಾರಿಗಳ ಪ್ರದರ್ಶನ ಮತ್ತು ಹಲವು ಬಗೆಯ ಸಿರಿ ಧಾನ್ಯಗಳಿಂದ ತುಳುಕುತ್ತಿದೆ. ಹಲವಾರು ಅಲಂಕಾರಿಕ ಹೂವಿನ ಬೆಳೆಗಳು ಕೃಷಿ ಮೇಳದ ಅಂದ ಹೆಚ್ಚಿಸಿವೆ.