ರನ್ನ ವೈಭವಕ್ಕೆ ಕಾರ್ಯಕ್ರಮಕ್ಕೆ ಕ್ಷಣಗಣನೆ

ಕನ್ನಡಪ್ರಭ ವಾರ್ತೆ ಮುಧೋಳ

ಶುಕ್ರವಾರ ಸಂಜೆ ರನ್ನ ಕ್ರೀಡಾಂಗಣದಲ್ಲಿ ಹಾಕಲಾಗಿರುವ ಭವ್ಯ ವೇದಿಕೆ ಮತ್ತು ಊಟದ ವ್ಯವಸ್ಥೆ ವೀಕ್ಷಿಸಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿ, ಫೆ.22ರಂದು ಬೆಳಗ್ಗೆ 10 ಗಂಟೆಗೆ ರನ್ನ ಬೆಳಗಲಿಯ ಶ್ರೀ ಬಂದಲಕ್ಷ್ಮೀ ದೇವಸ್ಥಾನದಿಂದ ಕವಿ ಚಕ್ರವರ್ತಿ ರನ್ನ ವೇದಿಕೆಯವರೆಗೆ 50ಕ್ಕೂ ಅಧಿಕ ಜಾನಪದ ಕಲಾ ತಂಡಗಳದೊಂದಿಗೆ ಹೊರಡುವ ಮೆರವಣಿಗೆಗೆ ಜಿಲ್ಲಾ ಉಸ್ತುವಾರಿ ಸಚಿವ ಆರ್.ಬಿ. ತಿಮ್ಮಾಪೂರ ಚಾಲನೆ ನೀಡುವರು.

ಗೋಷ್ಠಿ-1- ರನ್ನ ಕಾವ್ಯಧಾರೆಯಲ್ಲಿ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಸದಸ್ಯೆ ಡಾ.ಮೈತ್ರಾಯಿಣಿ ಗದಿಗೆಪ್ಪಗೌಡರ ಅವರು ಮಹಾಕವಿ ರನ್ನನ ಕಾವ್ಯದಲ್ಲಿ ಸ್ತ್ರೀವಾದ ನಿಲುವು (ನೆಲೆ) ವಿಷಯದ ಕುರಿತು, ಸಾಹಿತಿ ಡಾ.ಮೈನುದ್ದಿನ್‌ ರೇವಡಿಗಾರ ಅವರು ಗದಾ ಯುದ್ಧದಲ್ಲಿ ರನ್ನನ ಸ್ವಗತ ವಿಷಯದ ಕುರಿತು ಮಾತನಾಡುವರು.

22ರಂದು ಸಂಜೆ 4 ಗಂಟೆಗೆ ರನ್ನ ಬೆಳಗಲಿಯಲ್ಲಿ ವಿವಿಧ ಕಲಾವಿದರಿಂದ ಚೌಡಕಿ ಪದಗಳು, ಶಾಸ್ತ್ರೀಯ ಸಂಗೀತ, ಡೊಳ್ಳಿನ ಪದಗಳು, ಗೊಂದಳಿ ಪದ, ಸಮೂಹ ನೃತ್ಯ, ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ, ಭಜನೆಗಳು, ಜೋಗತಿ ಮತ್ತು ದೀಪ ನೃತ್ಯ, ಲಂಬಾಣಿ ನೃತ್ಯ, ಭರತನಾಟ್ಯ, ಹಾಸ್ಯಸಂಜೆ, ಸಿದ್ಧಿ ಡಮಾಮಿ ನೃತ್ಯ, ಜಾನಪದ ಸಂಗೀತ ಕಾರ್ಯಕ್ರಮ ನಡೆಯಲಿವೆ.

22ರಂದು ರಾತ್ರಿ 9 ಗಂಟೆಗೆ ಖ್ಯಾತ ಗಾಯಕ ಗುರುಕಿರಣ ಹಾಗೂ ತಂಡದವರಿಂದ ಚಿತ್ರ ಸಂಗೀತ ಸುಧೆ ಕಾರ್ಯಕ್ರಮ ನಡೆಯಲಿವೆ

ಜಿಲ್ಲಾಧಿಕಾರಿ ಜಾನಕಿ ಕೆ.ಎಂ., ಜಿಪಂ ಸಿಇಒ ಶಶಿಧರ ಕುರೇರ, ಗೋವಿಂದಪ್ಪ ಗುಜ್ಜನ್ನವರ, ಉದಯಕುಮಾರ ಸಾರವಾಡ, ಮಹಾಂತೇಶ ಮಾಚಕನೂರ, ಅಪ್ಪಣ್ಣ ರೂಗಿ, ಹನುಮಂತ ತಿಮ್ಮಾಪೂರ, ಸಂಗಪ್ಪ ಇಮ್ಮನ್ನವರ, ಸದೂಗೌಡ ಪಾಟೀಲ, ಮುದಕಣ್ಣ ಅಂಬಿಗೇರ, ವೀರೇಶ ಕಲಾದಗಿ, ಮಹಾಲಿಂಗಪ್ಪ ಚಿನಿವಾಲ, ಎಸ್.ವೈ. ಬಸರಿಗಿಡದ, ಮಹೇಶ ಪರೀಟ, ಸಿ.ಎಲ್. ರೂಗಿ ಸೇರಿದಂತೆ ಇತರರು ಇದ್ದರು.