ಉಪಚುನಾವಣೆಯಲ್ಲಿ ಎಡಗೈ ಹೆಬ್ಬರಳಿಗೆ ಶಾಯಿ ಹಾಕಬೇಕು: ಡಿ.ಎನ್.ಮಂಜುನಾಥ್‌ ಸೂಚನೆ

ತಾಲೂಕು ಕಚೇರಿ ಸಭಾಂಗಣದಲ್ಲಿ ಮತಗಟ್ಟೆ ಅಧಿಕಾರಿ, ಸಿಬ್ಬಂದಿಗೆ ತರಬೇತಿ

ಮುತ್ತಿನಕೊಪ್ಪ ಗ್ರಾಪಂನ ಲ್ಲಿ ನ.23 ರ ಶನಿವಾರ ನಡೆಯುವ ಉಪ ಚುನಾವಣೆಯಲ್ಲಿ ಅಳಿಸಲಾಗದ ಶಾಯಿಯನ್ನು ಎಡಗೈನ ಹೆಬ್ಬರಳಿಗೆ ಹಾಕಬೇಕು ಎಂದು ಮಾಸ್ಟರ್‌ ಟ್ರೈನರ್‌ ಡಿ.ಎನ್‌.ಮಂಜುನಾಥ್‌ ಸೂಚಿಸಿದರು.

ಚುನಾವಣಾಧಿಕಾರಿ ಸಾಗರ್‌ ಮಾತನಾಡಿ, ಮುತ್ತಿನಕೊಪ್ಪ ಗ್ರಾಪಂನಲ್ಲಿ 2 ತೆರವಾದ ಸ್ಥಾನಗಳಿಗೆ ನ. 23 ರ ಶನಿವಾರ ಬೆಳಿಗ್ಗೆ 7 ರಿಂದ ಸಂಜೆ 5 ರ ವರೆಗೆ ಚುನಾವಣೆ ನಡೆಯಲಿದೆ. 1-ಕೆ.ಕಣಬೂರು ಕ್ಷೇತ್ರದ ಚುನಾವಣೆ ಕೆ.ಕಣಬೂರು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಲಿದೆ. ಕೆ.ಎಸ್‌.ಅತೀಶ್‌, ಕೆ.ಆರ್.ನಾಗೇಂದ್ರ ಚುನಾವಣಾ ಕಣದಲ್ಲಿದ್ದಾರೆ. ಇಲ್ಲಿ 826 ಮತದಾರರಿದ್ದು, 395 ಪುರುಷರು, 431 ಮಹಿಳಾ ಮತದಾರರಿದ್ದಾರೆ. 3-ಬೈರಾಪುರ ಕ್ಷೇತ್ರದ ಉಪ ಚುನಾವಣೆ ಬೈರಾಪುರ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಲಿದೆ. ಇಲ್ಲಿ ಬಿ. ಆಕಾಶ್‌ ಹಾಗೂ ಡಿ.ದೇವಂತ ಕುಮಾರ್‌ ಚುನಾವಣೆ ಕಣದಲ್ಲಿದ್ದಾರೆ. ಇಲ್ಲಿ 759 ಮತದಾರರಿದ್ದಾರೆ. 389 ಪುರುಷ ಹಾಗೂ 370 ಮಹಿಳಾ ಮತದಾರರಿದ್ದಾರೆ. ಎರಡೂ ಸಾಮಾನ್ಯ ಕ್ಷೇತ್ರ. ಪ್ರತಿ ಮತಗಟ್ಟೆ ಒಬ್ಬರು ಪಿಆರ್‌ಒ ಹಾಗೂ 3 ಜನ ಸಿಬ್ಬಂದಿಗಳಿದ್ದಾರೆ ಎಂದರು.