ಹೆಚ್ಚಿನ ಬೆಲೆಗೆ ಡಿಎಪಿ ಮಾರಾಟ, ಪರವಾನಗಿ ಅಮಾನತು

ಕನಕಗಿರಿ: ಡಿಎಪಿ ರಸಗೊಬ್ಬರವನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡಿದ ಪಟ್ಟಣದ ಲಲಿತಾ ಟ್ರೇಡರ್ಸ್ ಅಂಗಡಿಯ ಪರವಾನಗಿಯನ್ನು ಕೃಷಿ ಇಲಾಖೆ ಅಮಾನತು ಮಾಡಿದೆ.

ರೈತನ ದೂರಿನ ಮೇಲೆ ಸ್ಥಳೀಯ ಕೃಷಿ ಅಧಿಕಾರಿ ಹಾಗೂ ತಾಲೂಕು ಸಹಾಯಕ ನಿರ್ದೇಶಕರು ಕೂಲಂಕಷವಾಗಿ ಪರಿಶೀಲಿಸಿ ಟ್ರೇಡರ್ಸ್ ಮಾಲೀಕರಿಗೆ ಶೋಕಾಸ್ ನೋಟಿಸ್ ನೀಡಿದ್ದು, ೧೯೮೫ರ (೩)(೪) ನಿಯಮ ಉಲ್ಲಂಘನೆಯಾಗಿದೆ ಎಂದು ಕಚೇರಿ ಆದೇಶದಲ್ಲಿ ಉಲ್ಲೇಖವಾಗಿದೆ. ಇನ್ನೂ ಶೋಕಾಸ್ ನೋಟಿಸ್ ತಲುಪಿದ ೨೪ ಗಂಟೆಯೊಳಗೆ ಅಂಗಡಿ ಮಾಲೀಕರು ಸಲ್ಲಿಸಿದ ಸಮಜಾಯಿಷಿ ಸಮಂಜಸವಾಗಿಲ್ಲ. ೧೯೮೫ ಹಾಗೂ ೧೯೫೫ರ ನಿಯಮಗಳು ಉಲ್ಲಂಘಿಸಿರುವುದನ್ನು ಪರಿಗಣಿಸಿ, ಕೃಷಿ ಪರಿಕರ ಮಾರಾಟ ಅಂಗಡಿ ಮಳಿಗೆ ಪರವಾನಗಿ ಮುಂದಿನ ೨೧ ದಿನಗಳ ವರೆಗೆ ಅಮಾನತಿನಲ್ಲಿ ಆದೇಶ ಹೊರಡಿಸಲಾಗಿದೆ.