ಭಾರತೀಯ ಸಂಸ್ಕೃತಿ, ಪರಂಪರೆಯಲ್ಲಿ ಮಹಿಳೆಯರಿಗೆ ಉನ್ನತ ಸ್ಥಾನ

ಕನ್ನಡಪ್ರಭ ವಾರ್ತೆ ಬೀದರ್

ಅವರು ನಗರದ ಪ್ರಸಾದ ನಿಲಯದಲ್ಲಿ ಅಕ್ಕ ಮಹಾದೇವಿ ಮಹಿಳಾ ಸಾಂಸ್ಕೃತಿಕ ಸಂಘದಿಂದ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮದ ಸಾನ್ನಿಧ್ಯ ವಹಿಸಿ ಮಾತನಾಡಿ, ಸಮಾಜವು ಮಹಿಳೆಯನ್ನು ಗೌರವ, ಆದರದಿಂದ ಕಂಡಾಗ ಕುಟುಂಬದ ಸಮಗ್ರ ಬೆಳೆವಣಿಗೆಯಾಗವುದು. ಮಹಿಳೆಯೇ ಪ್ರಮುಖ ಶಕ್ತಿಯಾಗಿದ್ದಾಳೆ. ಮಗುವಿಗೆ ಉತ್ತಮ ಸಂಸ್ಕೃತಿ, ಸಂಸ್ಕಾರಯುತ ಶಿಕ್ಷಣ ನೀಡುವದು ಮಹಿಳೆಯ ಪ್ರಮುಖ ಕರ್ತವ್ಯವಾಗಿದೆ ಎಂದರು.

ಕರ್ನಾಟಕ ಗಡಿ ಅಭಿವೃದ್ಧಿ ಪ್ರಾಧಿಕಾರದ ಸದಸ್ಯ ಡಾ.ಸಂಜೀವಕುಮಾರ ಅತಿವಾಳೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಮಹಿಳೆಯು ಎಲ್ಲಾ ರಂಗದಲ್ಲಿ ತನ್ನ ಪ್ರತಿಭೆ ಅರಳಿಸುತ್ತಿದ್ದಾಳೆ. ಆಕೆಯ ಪ್ರತಿಭೆಯು ಸಮಾಜದಲ್ಲಿ ಪ್ರದರ್ಶಿಸಬೇಕಾದರೆ ಸಂಘಟನೆ ಮುಖಾಂತರ ಕಾರ್ಯ ಮಾಡುವುದರ ಜೊತೆಗೆ ಆಕೆಯ ಸಾಮರ್ಥ್ಯ ಕೂಡ ಸಮಾಜಕ್ಕೆ ತೋರಿಸಬೇಕಾಗಿದೆ ಎಂದರು.

ಸಾಹಿತಿಗಳಾದ ಕಸ್ತೂರಿ ಎಸ್. ಪಟಪಳ್ಳಿ ಅವರು ‘ಮಹಿಳೆ ಮತ್ತು ಸಮಾಜ’ ಕುರಿತು ಉಪನ್ಯಾಸ ಮಂಡಿಸಿದರು.

ಲಕ್ಷ್ಮಿ ಬಿರಾದಾರ ಸ್ವಾಗತಿಸಿ, ವಿಜಯಲಕ್ಷ್ಮಿ ಹುಗ್ಗೆಳ್ಳಿ ನಿರೂಪಿಸಿ, ಪ್ರೇಮಾ ಮುಚಳಂಬೆ ವಂದಿಸಿದರು. ಪ್ರಮುಖರಾದ ಪ್ರೊ. ಭಾರತಿ ಕೊಂಡಾ, ಮಹಾದೇವಿ ಬಿರಾದಾರ, ಮಹಾನಂದಾ ಸ್ವಾಮಿ, ಜಗದೇವಿ, ಇಂದುಮತಿ ಬಿರಾದಾರ, ಸವಿತಾ, ಕಸ್ತೂರಬಾಯಿ ಬಿರಾದಾರ, ಪ್ರೊ. ಉಮಾಕಾಂತ ಮೀಸೆ, ಶ್ರೀಕಾಂತ ಸ್ವಾಮಿ, ಸಂಗ್ರಾಮಪ್ಪಾ ಬಿರಾದಾರ, ಶಿವಲೀಲಾ, ಸುನಿತಾ, ತೀರ್ಥಮ್ಮ, ವಿಜಯಕುಮಾರ ಹದನೂರೆ, ಪ್ರೊ. ಸಂಗ್ರಾಮ್ ಏಂಗಳೆ ಭಾಗವಹಿಸಿದ್ದರು.