ಸೇಡಂ ಪಟ್ಟಣಕ್ಕೆ ಕಾಚೂರು ಬಾಂದಾರು ನೀರು: ಡಾ. ಶರಣಪ್ರಕಾಶ

ಕಲಬುರಗಿ: ಎಲ್ಲವೂ ಅಂದುಕೊಂಡತೆ ನಡೆದದ್ದಾದಲ್ಲಿ 2050ರ ವರೆಗೂ ಕುಡಿಯುವ ನೀರಿನ ಸಮಸ್ಯೆ ಜಿಲ್ಲೆಯ ಕಾಗಿಣಾ ತೀರದ ಸೇಡಂ ಪಟ್ಟಣದ ಹತ್ತಿರಕ್ಕೂ ಸುಳಿಯೋದಿಲ್ಲ.

ಕೇಂದ್ರ ಪುರರಸ್ಕೃತ ಅಮೃತ ಯೋಜನೆಯಡಿ ₹47. 85 ಕೋಟಿ ವೆಚ್ಚದ ಈ ಯೋಜನೆಗೆ 2023ರಲ್ಲೇ ಆಡಳಿತಾತ್ಮಕ ಅನುಮೋದನೆ ರಾಜ್ಯ ಸರ್ಕಾರ ನೀಡಿತ್ತು. ಈ ಯೋಜನೆಗೀಗ ಡಾ. ಪಾಟೀಲ್‌ ಸೇಡಂ ಪಟ್ಟಣದ ಊಡಗಿ ರಸ್ತೆಯ 705 ಆಶ್ರಯ ಕಾಲೋನಿಯಲ್ಲಿ ಅಡಿಗಲ್ಲಿಟ್ಟರು.

ಸೇಡಂ ಪಟ್ಟಣಕ್ಕೆ ಸದ್ಯ ಇರುವ ನೀರಿನ ಪೂರೈಕೆ ಜಾಲ ಈಗಿನ ಜನವಸತಿಗೆ ಸಾಕಾಗುತ್ತಿಲ್ಲವೆಂಬುದು ತಮಗೆ ಮನವರಿಕೆಯಾದ ಮರುಕ್ಷಣವೇ ಕಾಚೂರು ಬಾಂದಾರಿನಿಂದ ನೀರನ್ನು ತಂದು ಪರ್ಯಾಯ ಮಾರ್ಗ ರೂಪಿಸುವ ಚಿಂತನೆಯ ಫಲವೇ ಇಂದಿನ ಸಮಾರಂಭವೆಂದು ಸಚಿವರು ಹಳಿದರು.

ಆಶ್ರಯ ಕಾಲೋನಿ, ಕಲಬುರಗಿ ರಸ್ತೆ, ಚಿಂಚೋಳಿ ರಸ್ತೆ ಸೇರಿದಂತೆ 5 ಕಡೆ ಮೇಲ್‌ಸ್ತರದ ಟ್ಯಾಂಕ್‌ ನಿರ್ಮಾಣವಾಗಲಿವೆ ಎಂದು ಡಾ. ಶರಣಪ್ರಕಾಶ ಹೇಳಿದರು.

ಕಲಬುರಗಿ ಹೆಲ್ತ್‌ ಹಬ್‌: ಬರುವ ದಿನಗಳಲ್ಲಿ ಅತ್ಯಾಧುನಿಕ ಬರ್ನ್‌ ವಾರ್ಡ್‌, ಇಂದಿರಾಗಾಂಧಿ ಮಕ್ಕಳ ಆಸ್ಪತ್ರೆ, ನಿಮ್ಹಾನ್‌, ಡಯಾಬೆಟಾಲಜಿ ಸಂಸ್ಥೆಗಳು ಬರಲಿವೆ. ಬಡವರು ಖಾಸಗಿ ಆಸ್ಪತ್ರೆಗೆ ಹೋಗದೆ ಸರ್ಕಾರಿ ಸಂಸ್ಥೆಗಳಲ್ಲಿ ಉತ್ಕೃಷ್ಟ ಸೇವೆ ಹೊಂದಬಹುದಾಗಿದೆ ಎಂದರು.

ಸೇಡಂ ತಾಲೂಕು ಆಸ್ರತ್ರೆಗೆ ₹5 ಕೋಟಿ ಮಂಜೂರುಸೇಡಂ ತಾಲೂಕು ಆಸ್ಪತ್ರೆಯಲ್ಲಿನ ಹಾಸಿಗೆ ಸಂಖ್ಯೆ 100 ರಿಂದ 150 ಕ್ಕೆ ಹೆಚ್ಚಿಸಲಾಗಿದೆ. ಇಲ್ಲಿ ಅಭಿವೃದ್ಧಿ ಕೆಲಸಗಲಿಗೆ ಇನ್ನೂ ₹5 ಕೋಟಿ ಮಂಜೂರಾಗಿದೆ. ಸೇಡಂನಲ್ಲಿಯೂ ಆರೋಗ್ಯ ಜಾಲ ಬಲವರ್ಧನೆಯೇ ತಮ್ಮ ಗುರಿ, ಬಡವರು ಖಾಸಗಿ ಆಸ್ಪತ್ರೆಗೆ ಹೋಗದೆ ಸರ್ಕಾರಿ ಸೇವೆಯನ್ನು ಹೊಂದುವಂತೆ ಕರೆ ನೀಡಿದರು.