ಕನ್ನಡಾಂಬೆಯ ಉತ್ಸವ ನಿತ್ಯೋತ್ಸವವಾಗಲಿ

ಅಳ್ನಾವರ:

ತಾಲೂಕು ಆಡಳಿತ, ಪಟ್ಟಣ ಪಂಚಾಯಿತಿ, ಕನ್ನಡ ಸಾಹಿತ್ಯ ಪರಿಷತ್ ಸಹಯೋಗದಲ್ಲಿ ತಾಲೂಕು ಆಡಳಿತದ ಸಭಾ ಭವನದಲ್ಲಿ ಆಯೋಜಿಸಿದ್ದ ಕರ್ನಾಟಕ ರಾಜ್ಯೋತ್ಸವ ಸಮಾರಂಭದಲ್ಲಿ ಮಾತನಾಡಿದ ಅವರು, ಕಲೆ, ಸಾಹಿತ್ಯ, ಸಂಗೀತದಲ್ಲಿ ಕನ್ನಡಿಗರ ಕೊಡುಗೆ ಅಪಾರವಾಗಿದ್ದು ಕನ್ನಡ ಭಾಷೆಗೆ ಎಂಟು ಜ್ಞಾನಪೀಠ ಪ್ರಶಸ್ತಿಗಳು ದೊರೆತ್ತಿರುವುದು ಹೆಮ್ಮೆಯ ಸಂಗತಿ ಎಂದರು.

2000 ವರ್ಷ ಇತಿಹಾಸ ಹೊಂದಿರುವ ಕನ್ನಡದ ಕಲಿಕೆಯ ಮಾರ್ಗ ಅತ್ಯಂತ ಸರಳವಾಗಿದೆ. ನಾನಾ ವೈವಿಧ್ಯೆತೆ ಒಳಗೊಂಡಿರುವ ರಾಜ್ಯವು ಸಾಂಸ್ಕೃತಿಕ ರಾಜ ಧಾನಿ ಎನಿಸಿಕೊಂಡಿದೆ. ಇಲ್ಲಿನ ಭಾಷಾ ವೈವಿಧ್ಯೆತೆ ಎಲ್ಲರಿಗೂ ಮಾದರಿಯಾಗಿದೆ ಎಂದ ಅವರು, ಎಲ್ಲರನ್ನು ನಮ್ಮವರೆಂದು ಅಪ್ಪಿಕೊಳ್ಳುವ ಮನೋಭಾವನೆ ಹೊಂದಿರುವ ಕನ್ನಡಿಗರು ತ್ಯಾಗ ಮತ್ತು ಹೋರಾಟದ ಗಟ್ಟಿ ಮನಸ್ಸುಳ್ಳವರಾಗಿದ್ದಾರೆ. ಅನೇಕರ ಹೋರಾಟದ ಫಲವಾಗಿ ರಚನೆಯಾಗಿರುವ ಕರ್ನಾಟಕ ರಾಜ್ಯ ಸಂಪದ್ಭರಿತವಾದ ನಾಡಾಗಿದೆ ಎಂದರು.

ರಾಜ್ಯೋತ್ಸವದ ಅಂಗವಾಗಿ ನಡೆದ ಮೆರವಣಿಗೆಗೆ ತಹಸೀಲ್ದಾರ್‌ ಬಸವರಾಜ ಬೆಣ್ಣೆಶಿರೂರ ಹಾಗೂ ಪಪಂ ಅಧ್ಯಕ್ಷ ಅಮೋಲ ಗುಂಜೀಕರ ಭುವನೇಶ್ವರಿ ದೇವಿಯ ಭಾವಚಿತ್ರಕ್ಕೆ ಪುಷ್ಪಾರ್ಷನೆ ಮಾಡುವ ಮೂಲಕ ಚಾಲನೆ ನೀಡಿದರು. ಭಾವಚಿತ್ರವನ್ನು ಸಿಂಗರಿಸಿದ ವಾಹನದಲ್ಲಿಟ್ಟು ಜಾನಪದ ಕಲಾ ತಂಡಗಳೊಂದಿಗೆ ಮೆರವಣಿಗೆಯನ್ನು ಬಸ್ ನಿಲ್ದಾಣದಿಂದ ತಾಲೂಕು ಕಚೇರಿ ವರೆಗೆ ಮಾಡಲಾಯಿತು.

ಕಾರ್ಯಕ್ರಮದಲ್ಲಿ ತಾಪಂ ಇಒ ಪ್ರಶಾಂತ ತುರಕಾಣಿ, ಮುಖ್ಯಾಧಿಕಾರಿ ಪ್ರಕಾಶ ಮಗದುಮ್, ಪಿಎಸ್‌ಐ ಬಸವರಾಜ ಯದ್ದಲಗುಡ್ಡ, ಪಪಂ ಉಪಾಧ್ಯಕ್ಷ ಛಗನಲಾಲ ಪಟೇಲ, ಸದಸ್ಯರಾದ ತಮೀಮ ತೇರಗಾಂವ, ನದೀಮ ಕಂಟ್ರಾಕ್ಟರ್‌, ರಮೇಶ ಕುನ್ನೂರಕರ, ಯಲ್ಲಾರಿ ಹುಬ್ಬಳ್ಳಿಕರ, ನೇತ್ರಾವತಿ ಕಡಕೋಳ, ಭಾಗ್ಯವತಿ ಕುರುಬರ, ಶಾಲೆಟ್ ಬರೆಟ್ಟೋ, ರಶ್ಮಿ ತೇಗೂರ, ಹಸನಅಲಿ ಶೇಖ, ಸುರೇಂದ್ರ ಕಡಕೋಳ, ಮಂಜುಳಾ ಅಂಬಡಗಟ್ಟಿ, ಪ್ರವೀಣ ಪವಾರ, ಜಯಶ್ರೀ ಉಡುಪಿ, ಪೂರ್ಣಿಮಾ ಮುತ್ನಾಳ ಸೇರಿದಂತೆ ಇತರರು ಇದ್ದರು.