ಫೆ. 14ರಿಂದ ರಂಗಾಯಣದಲ್ಲಿ ಬಹುಭಾಷಾ ನಾಟಕೋತ್ಸವ

ಧಾರವಾಡ:

ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು, ಕನ್ನಡದ ಜತೆಗೆ ಹಿಂದಿ, ಮರಾಠಿ, ಮಲೆಯಾಳಂ ಭಾಷೆಯ ನಾಟಕಗಳ ಮೂಲಕ ಹೆಣ್ಣಿನ ಅಸ್ಮಿತೆಯ ಹೋರಾಟ, ಕಲಾವಿದನ ಅಸ್ಮಿತೆಯ ಬಿಕ್ಕಟ್ಟು, ಮನುಷ್ಯನಾಗುವುದೆಂದರೆ ಸಹಜ-ಸರಳವಾಗಿರುವುದು ಎಂಬ ಸಂದೇಶ ನೀಡುವ ನಾಟಕಗಳನ್ನು ಆಯ್ದುಗೊಳ್ಳಲಾಗಿದೆ. ನಾಟಕೋತ್ಸವಕ್ಕೆ ಖ್ಯಾತ ನಾಟಕಕಾರ, ಸಾಹಿತಿ ಡಾ. ಸಿದ್ದಲಿಂಗ ಪಟ್ಟಣಶೆಟ್ಟಿ ಫೆ. 14ರಂದು ಸಂಜೆ 6ಕ್ಕೆ ಉದ್ಘಾಟಿಸಲಿದ್ದಾರೆ ಎಂದರು.

ಫೆ. 14ರಂದು ಮಾಯಾರಾವ್‌ ರಚನೆ, ನರೇಂದ್ರ ಸಾಚರ ನಿರ್ದೇಶನದ ಗ್ವಾಲೆ ಮತವಾಲೆ ಎಂಬ ಹಿಂದಿ ನಾಟಕವನ್ನು ರಿವಿಂಗ್‌ ಲೈಟ್ಲಿ ಹಾಗೂ ಬೆಂಬೆ ಥಿಯೇಟರ್‌ ಗ್ರುಪ್‌ ರಂಗಾಯಣದ ಸಹಕಾರದಲ್ಲಿ ಪ್ರದರ್ಶಿಸಲಿದೆ. ಫೆ. 15ರಂದು ಕಾವಾಲಂ ನಾರಾಯಣ ಪಣಿಕ್ಕರ ರಚಿಸಿದ ಸಂಜೀವಶರ್ಮಾ ನಿರ್ದೇಶನದ ಕಲಿವೇಷಂ ಮಲಿಯಾಳಂ ನಾಟಕವನ್ನು ಕೇರಳಾದ ಸೋಪಾನ ತಂಡವು ಪ್ರದರ್ಶಿಸಲಿದೆ. ಫೆ. 16ರಂದು ಜಿತೇಂದ್ರ ದೇಶಪಾಂಡೆ ರಚನೆ ಹಾಗೂ ನಿರ್ದೇಶನದ ಶ್ವೇತವರ್ಣಿ ಶಾಮಕರ್ಣಿ ಮರಾಠಿ ನಾಟಕವನ್ನು ಕೊಲ್ಲಾಪುರದ ಅಭಿರುಚಿ ತಂಡವು ಪ್ರಸ್ತುತ ಪಡಿಸಲಿದೆ ಎಂದು ತಿಳಿಸಿದರು.

ರಂಗಾಯಣದ ಆಡಳಿತಾಧಿಕಾರಿ ಶಶಿಕಲಾ ಹುಡೇದ ಮಾತನಾಡಿ, ನಾಟಕ ಕಟ್ಟುವಲ್ಲಿ ಬಹುದೊಡ್ಡ ಶ್ರಮವಿದೆ. ಆದ್ದರಿಂದ ಪ್ರತಿ ನಾಟಕಕ್ಕೂ ₹ 100 ಪ್ರವೇಶ ದರ ಹಾಗೂ ಆರೂ ನಾಟಕಗಳಿಗಾಗಿ ₹ 500 ದರ ನಿಗದಿಪಡಿಸಲಾಗಿದೆ. ಎಲ್ಲ ನಾಟಕಗಳು ಪ್ರತಿದಿನ ಸಂಜೆ 6.30ಕ್ಕೆ ಪ್ರದರ್ಶನಗೊಳ್ಳಲಿವೆ. ನಾಟಕದ ಪೂರ್ವದಲ್ಲಿ ಪ್ರತಿದಿನ ಮಧುರವೇಣಿ ನೃತ್ಯಾಲಯ ವಿದ್ಯಾರ್ಥಿಗಳಿಂದ ಶಾಸ್ತ್ರೀಯ ನೃತ್ಯ ಪ್ರದರ್ಶನವಿರುತ್ತದೆ ಎಂಬ ಮಾಹಿತಿ ನೀಡಿದರು. 8ರಂದು ಸತ್ತವರ ನೆರಳು..