ಕುಟುಂಬ ಐಡಿ ತಪಾಸಣೆ ಕೈ ಬಿಡಿ: ಸರ್ಕಾರಕ್ಕೆ ಕಾರ್ಮಿಕರ ಮನವಿ

ಕೊಪ್ಪಳ:

ಈಗಾಗಲೇ ಕಾರ್ಮಿಕರ ಸೌಲಭ್ಯಕ್ಕಾಗಿ ಅರ್ಜಿ ಸಲ್ಲಿಸಿದ್ದಾರೆ. ಆದರೆ, ಕಟ್ಟಡ ಕಾರ್ಮಿಕ ಮಂಡಳಿಯ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ತೇಜಾವತಿ ಅವರು ಯಾವುದೇ ಸೂಚನೆ-ಸಲಹೆ ನೀಡದೆ ಅರ್ಜಿದಾರರ ಕುಟುಂಬದ ಐಡಿ ಪರಿಶೀಲಿಸಿಲಿಸುವಂತೆ ಹೇಳಿದ್ದಾರೆ. ಇದೊಂದು ಅವೈಜ್ಞಾನಿಕ ನಡೆಯಾಗಿದೆ. ಅರ್ಜಿ ಸಲ್ಲಿಸಿದ ಅರ್ಜಿಗಳನ್ನೇ ಮತ್ತೆ ಪುನರ್ ಪರಿಶೀಲನೆ ಮಾಡುವುದು ಸರಿಯಲ್ಲ. ಈ ಹಿಂದೆ ಕುಟುಂಬ ಐಡಿ ಯೋಜನೆಯಡಿ ವಿವಿಧ ಹುದ್ದೆಗಳ ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಕುಟುಂಬ ಐಡಿಯ ಹಿಂದೆ ಹಲವಾರು ಕಾರಣಗಳು ಇವೆ. ಈಗ ಕಾರ್ಮಿಕ ಅಥವಾ ಮತ್ತ್ಯಾವುದೇ ಹುದ್ದೆ ಮಾಡುತ್ತಿರಬಹುದು. ಆ ಕಾರಣ ನೀಡಿ ಅರ್ಜಿ ತಿರಸ್ಕಾರ ಸರಿಯಲ್ಲ. ಅಧಿಕಾರಿಗಳ ಈ ನಡೆ ಸಹಿಸಲ್ಲ. ಈ ಬಗ್ಗೆ ಅಧಿಕಾರಿಗಳು ಅಧಿಕೃತ ಆದೇಶ ಹೊರಡಿಸಲಿ. ಸುಮ್ಮನೆ ಅನ್ಯ ಮಾರ್ಗದಲ್ಲಿ ಅಧಿಕಾರ ದುರುಪಯೋಗ ಮಾಡುವುದು ಸರಿಯಲ್ಲ ಎಂದು ಆರೋಪಿಸಿಸರ್ಕಾರಕ್ಕೆ ಮನವಿ ಸಲ್ಲಿಸಲಾಯಿತು.