ಮೊಹಬ್ಬತ್ ಕಿ ದುಕಾನ್‌ನಲ್ಲಿ ನಕಲಿ ವಿಡಿಯೋ ಮಾರಾಟ: ಮೋದಿ

- ಕೃತಕ ಬುದ್ಧಿಮತ್ತೆ ಬಳಸಿ ನಮ್ಮ ಹೇಳಿಕೆ ತಿರುಚಲು ಕಾಂಗ್ರೆಸ್‌ ಯತ್ನ

‘ಬಿಜೆಪಿ ನೇತೃತ್ವದ ಸರ್ಕಾರವನ್ನು ಎದುರಿಸಲು ಸಾಧ್ಯವಾಗದ ಪ್ರತಿಸ್ಪರ್ಧಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ನಕಲಿ ವಿಡಿಯೋ ಪ್ರಸಾರ ಮಾಡಲು ತಂತ್ರಜ್ಞಾನವನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಆರೋಪಿಸಿದ್ದಾರೆ. ಈ ಮೂಲಕ ಸತತ 2ನೇ ದಿನವೂ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರ ತಿರುಚಿದ ಭಾಷಣದ ವಿಡಿಯೋ ಬಗ್ಗೆ ಪ್ರಸ್ತಾಪಿಸಿದ್ದಾರೆ.

ಇನ್ನು ಎನ್‌ಸಿಪಿ ಅಧ್ಯಕ್ಷ ಶರದ್ ಪವಾರ್ ಅವರನ್ನು ‘ಅಲೆದಾಡುವ ಆತ್ಮ’ (ಅತೃಪ್ತ ಆತ್ಮ) ಎಂದು ಕರೆದ ಮೋದಿ, ‘ಅವರು ಕೇಂದ್ರ ಕೃಷಿ ಸಚಿವರಾಗಿದ್ದಾಗ ರೈತರಿಗೆ ಹೆಚ್ಚಿನದನ್ನು ಮಾಡಲಿಲ್ಲ. ಅವರು ಕೇಂದ್ರ ಕೃಷಿ ಸಚಿವರಾಗಿದ್ದಾಗ, ರೈತರು ತಮ್ಮ ಬಾಕಿಗಾಗಿ ಕಬ್ಬಿನ ಕಚೇರಿಗಳಿಗೆ ಅಲೆಯುತ್ತಿದ್ದರು’ ಎಂದು ಆರೋಪಿಸಿದರು.‘ಮಹಾರಾಷ್ಟ್ರದಲ್ಲಿ ‘ಭಟಕ್ತೀ ಆತ್ಮಾ'''''''' (ಅಲೆದಾಡುವ ಆತ್ಮ) ಇದೆ. ಅದು ತಾನು ಯಶ ಕಾಣದಿದ್ದರೆ ಇತರರ ಒಳ್ಳೆಯ ಕೆಲಸವನ್ನು ಹಾಳು ಮಾಡುತ್ತದೆ. ಮಹಾರಾಷ್ಟ್ರವು ಅದಕ್ಕೆ ಬಲಿಯಾಗಿದೆ. ಈ ಆತ್ಮ 45 ವರ್ಷ ಕಾಲ ಆಡಿದ ಆಟದಿಂದ ಅನೇಕ ಸರ್ಕಾರಗಳು ಪೂರ್ಣಾವಧಿ ಆಡಳಿತ ನಡೆಸಲು ಆಗದೇ ಪತನಗೊಂಡವು’ ಎಂದು ಕಿಡಿಕಾರಿದರು.ಇದೇ ವೇಳೆ, ‘5 ವರ್ಷದ ಹಿಂದೆ ಮಹಾರಾಷ್ಟ್ರದ ನಾಯಕರೊಬ್ಬರು (ಸುಶೀಲ್‌ಕುಮಾರ್‌ ಶಿಂಧೆ) ಮಹಾರಾಷ್ಟ್ರದ ನೀರಿನ ಸಮಸ್ಯೆ ಬಗೆಹರಿಸುವೆ ಎಂದು ಚುನಾವಣೆ ಗೆದ್ದಿದ್ದರು. ಆದರೆ 2014ರಲ್ಲಿ ನಮ್ಮ ಸರ್ಕಾರ ಬಂದಾಗ ಕಳೆದ 60 ವರ್ಷದಲ್ಲಿ ಮಹಾರಾಷ್ಟ್ರದ 26 ಸೇರಿ 100 ನೀರವರಿ ಯೋಜನೆಗಳು ನನೆಗುದಿಗೆ ಬಿದ್ದಿದ್ದನ್ನು ನಾನು ಗಮನಿಸಿದೆ. ಹೀಗಾಗಿ ಜನರಿಗೆ ಕುಡಿಯಲು ಹನಿ ನೀರು ಕೊಡದವರು ಇನ್ನೇನು ಅಭಿವೃದ್ಧಿ ಮಾಡಬಲ್ಲರು’ ಎಂದು ಮೋದಿ ಹರಿಹಾಯ್ದರು.ಆದೆ ತಮ್ಮ ಸರ್ಕಾರದ 10 ವರ್ಷಗಳ ಮತ್ತು 60 ವರ್ಷಗಳ ಕಾಂಗ್ರೆಸ್ ಆಡಳಿತದ ನಡುವಿನ ವ್ಯತ್ಯಾಸವನ್ನು ಜನರು ನೋಡುತ್ತಿದ್ದಾರೆ ಎಂದು ಮೋದಿ ಹೇಳಿಕೊಂಡರು.

ಬಹುಮತದಷ್ಟು ಸ್ಥಾನದಲ್ಲೂ ಕಾಂಗ್ರೆಸ್‌ ಸ್ಪರ್ಧೆ ಇಲ್ಲ: ಮೋದಿ ವ್ಯಂಗ್ಯ