ಐತಿಹಾಸಿಕ ದ್ವಾರಸಮುದ್ರ ಕೆರೆಗೆ ಬಾಗಿನ ಅರ್ಪಣೆ

ಕನ್ನಡಪ್ರಭ ವಾರ್ತೆ ಹಳೇಬೀಡು

ಕಾರ್ಯಕ್ರಮದ ಸಾನ್ನಿಧ್ಯ ವಹಿಸಿದ್ದ ಪುಷ್ಪಗಿರಿ ಮಹಾಸಂಸ್ಥಾನದ ಶ್ರೀ ಸೋಮಶೇಖರ ಶಿವಾಚಾರ್ಯ ಸ್ವಾಮೀಜಿ ಮಾತನಾಡಿ, ಸುರೇಶ್ ಶಾಸಕರಾದ ಬಳಿಕ ಹೋಬಳಿಯ ಎಲ್ಲ ಕೆರೆಗಳೂ ಸತತವಾಗಿ ತುಂಬಿ ಹರಿಯುತ್ತಿವೆ. ಮಳೆರಾಯನ ಕೃಪೆಯೂ ಚೆನ್ನಾಗಿದ್ದು ರೈತರು ಸಂತಸದಲ್ಲಿದ್ದಾರೆ. ಹೋಬಳಿಯ ಜತೆಗೆ ಹೊರ ಜಿಲ್ಲೆಯ ಚಿಕ್ಕಮಗಳೂರು, ಚಿತ್ರದುರ್ಗ ಕೆರೆಗಳಿಗೂ ದ್ವಾರಸಮುದ್ರ ಕೆರೆಯಿಂದ ಹೊರ ಹೋಗುವ ನೀರು ವರದಾನವಾಗುತ್ತಿದೆ. ಹಾಗಾಗಿ ಶೀಘ್ರದಲ್ಲಿ ರಣಘಟ್ಟ ಕಾಲುವೆ ಕಾಮಗಾರಿಯನ್ನು ಮುಗಿಸಿ ಅದರಲ್ಲಿ ಯಗಚಿ ನದಿಯ ನೀರನ್ನು ಹರಿಸಬೇಕು. ದ್ವಾರಸಮುದ್ರ ಕೆರೆಯ ಪರಿಸರದಲ್ಲಿ ಸುಂದರ ಉದ್ಯಾನವನ ನಿರ್ಮಿಸಿ, ಬೆಳಗ್ಗೆ ಮತ್ತು ಸಂಜೆ ವಾಯುವಿಹಾರಕ್ಕೆ ಜನರು ಬರುವ ವಾತಾವರಣ ಸೃಷ್ಟಿಸಬೇಕು. ಬರುವ ಜನತೆಗೆ ಕೂರಲು ಆಸನಗಳ ವ್ಯವಸ್ಥೆ ಮಾಡಬೇಕು ಎಂದು ಸಲಹೆ ನೀಡಿದರು. ಗ್ರಾಮ ಪಂಚಾಯಿತಿ ಅಧ್ಯಕ್ಷ ಮಧುಕುಮಾರ್‌ ಮಾತನಾಡಿ, ಕೆರೆಯ ಸುತ್ತಲಿನ ಸೌಂದರ್ಯವರ್ಧನೆಗೆ ಪಂಚಾಯಿತಿ ವತಿಯಿಂದ ಸಹಕಾರ ನೀಡುತ್ತೇವೆ ಎಂದು ಹೇಳಿದರು.