ಡಂಪಿಂಗ್‌ ಯಾರ್ಡ್‌ ಆಯ್ತೇ ಕುಸುಗಲ್ ರಸ್ತೆ?

ಶಿವಾನಂದ ಗೊಂಬಿ

ನಿತ್ಯ ಇಲ್ಲಿ ಕಟ್ಟಡಗಳ ತ್ಯಾಜ್ಯದ ಜೊತೆಗೆ ಪಾಲಿಕೆಯ ಕಸದ ವಾಹನಗಳು ಸಹ ಕಸ ಸುರುವಿ ಹೋಗುತ್ತಿದ್ದರಿಂದ ದಿನೇ ದಿನೆ ಈ ಡಂಪಿಂಗ್‌ ಯಾರ್ಡ್‌ ಬೆಳೆಯುತ್ತಿದೆ. ಅದರಲ್ಲಿ ಬೆಂಕಿ ಉರಿಯುತ್ತ ಸದಾ ಅಪಾರ ಪ್ರಮಾಣದ ಹೊಗೆ ಉಗುಳುತ್ತಿರುತ್ತದೆ.

ಆದರೆ, ಕಟ್ಟಡದ ತ್ಯಾಜ್ಯದಲ್ಲಿ ಬರೀ ಕಲ್ಲು, ಮಣ್ಣು, ಇಟ್ಟಿಗೆ ಮಾತ್ರ ಇರುತ್ತದೆ. ಹೀಗಾಗಿ, ಅದಕ್ಕೆ ಬೆಂಕಿ ತಗಲುವುದಿಲ್ಲ. ಇಲ್ಲಿರುವುದು ಕೊಳೆತ ಹಣ್ಣು, ಬಟ್ಟೆ ಬರೆ, ಪ್ಲಾಸ್ಟಿಕ್‌ ಬಾಟಲಿ ಹೀಗೆ ಪಾಲಿಕೆ ವ್ಯಾಪ್ತಿಯಲ್ಲಿ ಸಂಗ್ರಹವಾಗುವ ಕಸದ ರಾಶಿ ಇರುತ್ತದೆ. ಆದಕಾರಣ ಈ ಕಸವನ್ನು ಪಾಲಿಕೆ ಸಿಬ್ಬಂದಿ ಕೂಡ ಡಂಪ್‌ ಮಾಡಿ ಹೋಗುತ್ತಿದೆ. ಅದಕ್ಕೆ ಬೆಂಕಿ ಕೂಡ ತಗುಲುತ್ತದೆ ಎಂದು ಸಾರ್ವಜನಿಕರು ಆರೋಪಿಸುತ್ತಾರೆ. ಹಾಗಾಗಿ ಅಧಿಕೃತ ಡಂಪಿಂಗ್‌ ಯಾರ್ಡ್‌ನಲ್ಲಿ ಯಾವ ರೀತಿ ಬೆಂಕಿ ಹೊತ್ತಿರುತ್ತದೆಯೋ ಅದೇ ರೀತಿ ಇಲ್ಲೂ ಬೆಂಕಿ ಸದಾಕಾಲ ಇದ್ದೇ ಇರುತ್ತದೆ. ಇದರಿಂದ ಸುತ್ತಮುತ್ತಲಿನ ಪ್ರದೇಶಗಳು ಗಬ್ಬೆದ್ದು ನಾರುವಂತಾಗಿದೆ. ಅನಾರೋಗ್ಯಕರ ವಾತಾವರಣ ಸೃಷ್ಟಿಯಾಗಿ ಪರಿಸರವೆಲ್ಲ ಹಾಳಾಗುತ್ತಿದೆ.

ಜನಪ್ರತಿನಿಧಿಗಳಿಗೆ ಕಾಣದು

ಸಾರ್ವಜನಿಕರು ಕಸ ಎಸೆದರೆ ದಂಡ ಹಾಕುವ ಪಾಲಿಕೆ ಆಡಳಿತ ಮಂಡಳಿ ಇಲ್ಲೇ ಅನಧಿಕೃತವಾಗಿ ಅವರ ಸಿಬ್ಬಂದಿಯೇ ಸುರಿದು ಕಸದ ರಾಶಿಯನ್ನೇ ಮಾಡಿದರೂ ಪಾಲಿಕೆ ಮೇಯರ್‌, ಆಯುಕ್ತರು, ಪರಿಸರ ವಿಭಾಗದ ಅಧಿಕಾರಿಗಳ್ಯಾರೂ ಈ ಬಗ್ಗೆ ಕ್ರಮ ಕೈಗೊಳ್ಳುತ್ತಿಲ್ಲ.

ಇಲ್ಲಿ ಸಂಗ್ರಹವಾಗುವ ಕಸ ನೋಡಿದರೆ ಬರೀ ಕಟ್ಟಡದ ತ್ಯಾಜ್ಯ ಅಷ್ಟೇ ಅಂತ ಅನಿಸುವುದಿಲ್ಲ. ಪಾಲಿಕೆ ಸಿಬ್ಬಂದಿಯೂ ಕಸವನ್ನು ಸುರುವಿ ಹೋಗುತ್ತಾರೆ ಎಂಬ ಸಂಶಯ ಬರುತ್ತದೆ. ಜತೆಗೆ ಇಲ್ಲಿನ ಕಸದ ರಾಶಿಗೆ ಬೆಂಕಿ ಸದಾಕಾಲ ಇದ್ದೇ ಇರುತ್ತದೆ. ಇದು ಕಟ್ಟಡ ತ್ಯಾಜ್ಯಕ್ಕೆ ಬೆಂಕಿ ತಗುವುದಿಲ್ಲ. ಈ ಬಗ್ಗೆ ಪಾಲಿಕೆ ಕ್ರಮಕೈಗೊಳ್ಳಬೇಕು.

ಕ್ರಮ

- ಮಲ್ಲಿಕಾರ್ಜುನ, ಪರಿಸರ ಅಭಿಯಂತರು, ಪಾಲಿಕೆ