ಮದುವೆ ಆಗದವರು ಇಲ್ಲಿ ಕಂಕಣ ಕಟ್ಟಿದರೆ ಕನ್ಯೆ ಸಿಗುತ್ತೆಂಬ ನಂಬಿಕೆ!

ಮೊಳಕೆ ಒಡೆದ ಧಾನ್ಯ ಮಾತ್ರ ಬಿತ್ತನೆ । ಮೈಲಾರದಲ್ಲಿ ಆಗಿ ಹುಣ್ಣಿಮೆ ವಿಶೇಷ ಆಚರಣೆ

ರಾಜ್ಯದಲ್ಲಿ ರೈತರು ಮಕ್ಕಳಿಗೆ ಕನ್ಯೆ (ವಧು) ಸಿಗದ ಹಿನ್ನೆಲೆ ಸಾಕಷ್ಟು ಯುವಕರು, ಮದುವೆ ಆಗದೇ ಹಾಗೆ ಇದ್ದಾರೆ. ಆದರೆ ಇಲ್ಲಿ ದೈವರ ಮುಂದೆ ಕೈ ಕಂಕಣ ಕಟ್ಟಿದರೆ ಸಾಕು, ವರ್ಷದೊಳಗೆ ಕನ್ಯೆ ಸಿಕ್ಕು ಮದುವೆಯಾಗುತ್ತಾರೆಂಬ ನಂಬಿಕೆ ಇದೆ.

ಆಗಿ ಹುಣ್ಣಿಮೆಯ 9 ದಿನಗಳ ಹಿಂದೆ ರೈತರು ಬಿತ್ತನೆ ಮಾಡುವ ಎಲ್ಲ ಧವಸ ಧಾನ್ಯಗಳನ್ನು ನೀರಿನಲ್ಲಿ ನೆನೆಯಲು ಹಾಕುತ್ತಾರೆ, ಹುಣ್ಣಿಮೆಯ ದಿನ ಮೊಳಕೆಯೊಡೆದಿರುವ ಧಾನ್ಯಗಳನ್ನು ಬಿತ್ತನೆ ಮಾಡಿದರೆ ಉತ್ತಮ ಬೆಳೆ ಬರುತ್ತದೆ ಎಂಬ ನಂಬಿಕೆ ರೈತರದ್ದು. ಆ ಕಾರಣಕ್ಕಾಗಿ ಬಹುತೇಕ ರೈತ ಸಮುದಾಯ ದೇವಸ್ಥಾನಕ್ಕೆ ಆಗಮಿಸಿತ್ತು.

ರಾತ್ರಿ ಜರುಗಿದ ಮೈಲಾರಲಿಂಗೇಶ್ವರ ಸ್ವಾಮಿ ರಥೋತ್ಸವಕ್ಕೆ ಸಾಕಷ್ಟು ಸಂಖ್ಯೆಯಲ್ಲಿ ಭಕ್ತರು ನರೆದಿದ್ದರು.

ಮೈಲಾರಲಿಂಗೇಶ್ವರ ದೇವಸ್ಥಾನದಲ್ಲಿ ಆಗಿ ಹುಣ್ಣಿಮೆಗೂ ಮುನ್ನ ಮೈಲಾರಲಿಂಗೇಶ್ವರ ಗಂಗಿಮಾಳಮ್ಮನ ಕಲ್ಯಾಣ ಮಹೋತ್ಸವ ಜರುಗಲಿದೆ. ಮದುವೆ ಆಗದೇ ಇರುವ ಯುವಕರು ದೇಗುಲಕ್ಕೆ ಬಂದು ಕೈ ಕಂಕಣ ಕಟ್ಟಿದರೆ ವರ್ಷದೊಳಗೆ ಮದುವೆಯಾಗಿರುವ ನಿರ್ದರ್ಶನಗಳಿವೆ. ಜತೆಗೆ ದೇಗುಲದಲ್ಲಿ ಹುಣ್ಣಿಮೆಗೂ ರೈತರು ಬಿತ್ತನೆ ಮಾಡುವ ಕಾಳುಗಳನ್ನು ನೀರಿನಲ್ಲಿ ನೆನೆಯಲು ಹಾಕುತ್ತಾರೆ. ಚೆನ್ನಾಗಿ ಮೊಳಕೆಯೊಡೆದರೆ ಆ ಬೆಳೆ ಉತ್ತಮವಾಗಿ ಬೆಳೆ ಬರುತ್ತದೆ ಎಂಬ ನಂಬಿಕೆ ಇದೆ ಎನ್ನುತ್ತಾರೆ ಮೈಲಾರಲಿಂಗೇಶ್ವರ ದೇವಸ್ಥಾನದ ಧರ್ಮಕರ್ತ ಗುರು ವೆಂಕಪ್ಪಯ್ಯ ಒಡೆಯರ್‌.