ಜನಮನ ರಂಜಿಸಿದ ರೌಡಿ ರಣರಂಗದಲ್ಲಿ ಸತ್ಯವಂತನ ಗೆಲುವು ನಾಟಕ

ಕನ್ನಡಪ್ರಭ ವಾರ್ತೆ ದಾಂಡೇಲಿ

ದಾಂಡೇಲಿಯ ಹಳೆ ನಗರಸಭೆ ಮೈದಾನದಲ್ಲಿ ನಟರಾಜ ನಾಟ್ಯ ಸಂಘದ ವತಿಯಿಂದ ರೌಡಿ ರಣರಂಗದಲ್ಲಿ ಸತ್ಯವಂತನ ಗೆಲವು ನಾಟಕದ ಉದ್ಘಾಟನೆ ನೆರವೇರಿಸಿ ಮಾತನಾಡಿದರು.

ಜಿಲ್ಲಾ ಕಸಾಪ ಅಧ್ಯಕ್ಷ ಬಿಎನ್.ವಾಸರೆ ಮಾತನಾಡಿ, ರಂಗಭೂಮಿ ಉಳಿಸುವ ನಿಟ್ಟಿನಲ್ಲಿ ಕಳೆದ 40 ವರ್ಷಗಳಿಂದ ನಟರಾಜ ನಾಟ್ಯ ಸಂಘ ದಾಂಡೇಲಿಯಲ್ಲಿ ಧರ್ಮ ಸಮನ್ವಯತೆ ಹಾಗೂ ಭಾಷಾ ಸೌಹಾರ್ದತೆ ಕಾಪಾಡಿಕೊಂಡು ಬರುತ್ತಿದೆ ಎಂದರು.

ಈ ಸಂದರ್ಭ ಮುಖ್ಯ ಅತಿಥಿಗಳಾಗಿ ಸಿಪಿಐ ಶಿವಾನಂದ ಅಂಬೀಗೇರ, ಪಿಎಸ್ಐ ಅಮೀನ ಅತ್ತಾರ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮೋಹನ್ ಹಲವಾಯಿ, ಬಿಜೆಪಿ ಮಂಡಲ ಅಧ್ಯಕ್ಷ ಬುದುವಂತ ಗೌಡ ಪಾಟೀಲ, ಕಸಾಪ ತಾಲೂಕು ಅಧ್ಯಕ್ಷ ನಾರಾಯಣ ನಾಯ್ಕ, ನಟರಾಜ ನಾಟ್ಯ ಸಂಘದ ಅಧ್ಯಕ್ಷ. ಹನುಮಂತ ಕಾರ್ಗಿ, ಕಾರ್ಯದರ್ಶಿ ರಾಜೇಸಾಬ ಕೇಸನೂರು, ಹಿರಿಯ ಕಲಾವಿದ ಮುರ್ತುಜಾ ಆನೆಹೂಸೂರು, ಸಾಯಿನಾಥ ನವಲೆ ಮುಂತಾದವರಿದ್ದರು.

ದಾಂಡೇಲಿ ಹಿರಿಯ ಕವಿ ದುಂಡಪ್ಪ ಗೂಳೂರು ವಿರುಚಿತ ಈ ನಾಟಕವನ್ನು ಕಲಾವಿದರಾದ ಶ್ರೀಮಂತ ಮದರಿ, ನಾಗರಾಜ್ ನಾಯ್ಕ, ಎಸ್.ಎಸ್. ಕುರುಡೇಕರ್, ಶಂಕರ್ ಮುರುಗೋಡನ್ನವರ, ಲಿಂಗರಾಜ್ ಕುದುರಿ, ಎಸ್.ಎಸ್. ಮಠಪತಿ, ಗಿರೀಶ್ ಶಿರೋಡಕ್ಕ ಮುಂತಾದ ಕಲಾವಿದರು ಅಭಿನಯಿಸಿದರು.