ಕೆಲ ಸಂಘಟನೆಗಳು ಪ್ರತಿಭಟನೆ ಬ್ಲ್ಯಾಕ್ಮೆಲ್‌ಗೆ ಸೀಮಿತವಾಗಿವೆ: ಶಾಸಕ ಪ್ರಭು ಚವ್ಹಾಣ್‌ ಬೇಸರ

ಕನ್ನಡಪ್ರಭ ವಾರ್ತೆ, ಔರಾದ್‌

ಪಟ್ಟಣದ ತಾಲೂಕು ಪಂಚಾಯತ್‌ ಸಭಾಂಗಣದಲ್ಲಿ ಕನಲನಗರ ಹಾಗೂ ಔರಾದ್‌ ತಾಲೂಕು ಸಾಹಿತ್ಯ ಪರಿಷತ್‌ ಜಂಟಿ ಸಹಯೋಗದಲ್ಲಿ ಏರ್ಪಡಿಸಲಾದ ಸಾಹಿತಿ ಸಂಗಮ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿ, ನಾಡ ರಕ್ಷಣೆ ಮಾಡಬೇಕಾದ ಕೆಲ ಸಂಘಟನೆಗಳು ಪ್ರತಿಭಟನೆ ಹೆಸರಿನಲ್ಲಿ ಅಧಿಕಾರಿಗಳಿಗೆ ಬ್ಲ್ಯಾಕ್‌ ಮಾಡ್ತಿವೆ. ಯಾವ ಸಂಘಟನೆ ಗಡಿ ಭಾಗದ ದಾಬಕಾ, ಎಕಂಬಾ, ಗಣೇಶಪೂರ್‌ ಭಾಗದ ಗ್ರಾಮಗಳಲ್ಲಿ ಹೋಗಿ ಅಲ್ಲಿನ ಸಮಸ್ಯೆಗಳ ವಿರುದ್ಧ ಪ್ರತಿಭಟನೆ ಮಾಡಿವೆ ಹೇಳಿ ಎಂದರು.

ನನಗೆ ಕನ್ನಡ ಬರೋಲ್ಲ ಅಂತಾರೆ. ನನ್ನ ಮಾತೃ ಭಾಷೆ ಲಂಬಾಣಿ, ಶಿಕ್ಷಣ ಪಡೆದಿದ್ದು ಮರಾಠಿ ಭಾಷೆಯಲ್ಲಿ ಆಗ ಕನ್ನಡ ಶಾಲೆಗಳೇ ಈ ಭಾಗದಲ್ಲಿ ಇರಲಿಲ್ಲ. ನಾವು ಕನ್ನಡ ಕಲಿಯದೆ ಸಾಕಷ್ಟು ನಷ್ಟ ಅನುಭವಿಸಿದ್ದೀವಿ. ಆಗಿನ ಪರಿಸ್ಥಿತಿ ಹಾಗಿತ್ತು ನಮ್ಮದೇನ್‌ ತಪ್ಪಿದೆ. ಈಗ ಪ್ರತಿಯೊಬ್ಬರು ಕನ್ನಡ ಕಲಿತಾ ಇದ್ದಾರೆ ಅದಕ್ಕೆ ಪೂರಕವಾಗಿ ನಾವೆಲ್ಲರು ವಾತಾವರಣ ನಿರ್ಮಾಣ ಮಾಡಬೇಕಾಗಿದೆ ಎಂದು ಚವ್ಹಾಣ್‌ ಹೇಳಿದರು.

ವೇದಿಕೆಯಲ್ಲಿ ಹಿರಿಯ ಸಾಹಿತಿ ಶಿವಕುಮಾರ್ ಕಟ್ಟೆ, ಪಪಂ ಅಧ್ಯಕ್ಷೆ ಸರೂಬಾಯಿ ಘೂಳೆ, ತಾಲೂಕು ಕಸಾಪ ಅಧ್ಯಕ್ಷ ಶಾಲಿವಾನ ಉದಗಿರೆ, ಪ್ರಶಾಂತ ಮಠಪತಿ, ಶಿವಕುಮಾರ್‌ ಘಾಟೆ, ಶಿವಾಜಿರಾವ್‌ ಪಾಟೀಲ್‌, ಜ್ಯೋತಿ ಬೊಮ್ಮಾ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.