ಕಠಿಣ ಅಭ್ಯಾಸ ಮಾಡಿದರೆ ಸಾಧನೆ ಸುಲಭ: ಎಸ್ಪಿ ರೋಹನ್‌ ಜಗದೀಶ್

ಕನ್ನಡಪ್ರಭ ಯುವ ಆವೃತ್ತಿ ಸಂದರ್ಶನ

ವೀರೇಶ ಎಸ್‌. ಉಳ್ಳಾಗಡ್ಡಿ, ಮಾಲಗಿತ್ತಿ

ಅವರು ಯಾರೂ ಗೊತ್ತಾ?. 2019ರ ಕರ್ನಾಟಕ ಬ್ಯಾಚ್‌ನ ಐಪಿಎಸ್ ಅಧಿಕಾರಿ ಶ್ರೀ ರೋಹನ್ ಜಗದೀಶ್. ಇವರು ಮೂಲ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೊಡ್ಡಬಲ್ಳಾಪುರ ತಾಲೂಕಿನ ಕನ್ನಮಂಗಲ ಗ್ರಾಮದವರಾಗಿದ್ದು, ಹುಟ್ಟಿ ಬೆಳೆದಿದ್ದು ಬೆಂಗಳೂರಿನಲ್ಲಿ. 2023ರ ಸೆಪ್ಟೆಂಬರ್‌ದಿಂದ 2025ರ ಜುಲೈ 15ರವರೆಗೆ ಬೆಳಗಾವಿ ನಗರದಲ್ಲಿ ಉಪ ಪೊಲೀಸ್ ಆಯುಕ್ತರಾಗಿ ಸೇವೆ ಸಲ್ಲಿಸಿದ್ದಾರೆ. ಪ್ರಸ್ತುತ ಗದಗ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರು ಕನ್ನಡಪ್ರಭ ಯುವ ಆವೃತ್ತಿಯೊಂದಿಗೆ ಮುಖಾಮುಖಿಯಾಗಿ ತಮ್ಮ ಶೈಕ್ಷಣಿಕ ಹಿನ್ನೆಲೆ ಹಾಗೂ ಐಪಿಎಸ್‌ ಅಧಿಕಾರಿಯಾಗಲು ಯಾವ ರೀತಿ ತಯಾರಿ ನಡೆಸಿದ್ದಾರೆ ಎಂಬುದರ ಬಗ್ಗೆ ನಮ್ಮೊಂದಿಗೆ ಹಂಚಿಕೊಂಡಿದ್ದಾರೆ. ಬನ್ನಿ ಅವರ ಐಪಿಎಸ್‌ ಪಯಣ ಹೇಗಿತ್ತು ಎಂಬುದರ ಬಗ್ಗೆ ಸಂಪೂರ್ಣವಾಗಿ ತಿಳಿದುಕೊಳ್ಳೋಣ.

ಬೆಂಗಳೂರಿನ ಸೆಂಟ್‌ ಜೋಸೆಫ್‌ ಬಾಯ್ಸ್‌ ಹೈಸ್ಕೂಲ್‌ನಲ್ಲಿ ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಮುಗಿಸಿದ್ದೇನೆ. ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಪದವಿ ಕೋರ್ಸ್‌ ಆದ ಬ್ಯಾಚುಲರ್ ಆಫ್ ಆಟ್ಸ್‌ ಆ್ಯಂಡ್‌ ಬ್ಯಾಚುಲರ್ ಆಫ್ ಲೆಜಿಸ್ಲೇಟಿವ್ ಲಾ ( ಬಿ.ಎ. ಎಲ್‌. ಎಲ್‌. ಬಿ) ಪೂರ್ಣಗೊಳಿಸಿದ್ದೇನೆ. ಎಲ್ಲರ ರೀತಿ ನಾನು ಅಭ್ಯಾಸ ಮಾಡಿದ್ದೇನೆ. ಕಠಿಣ ಪರಿಶ್ರಮದಿಂದ ಅಭ್ಯಾಸ ಮಾಡಿದೆ. ಹೀಗಾಗಿ ಯುಪಿಎಸ್ಸಿ ಪಾಸ್‌ ಆಗಲು ಸುಲಭವಾಯಿತು.

ನೀವು ಯುಪಿಎಸ್ಸಿ ಪರೀಕ್ಷೆಗೆ ಹೇಗೆ ತಯಾರಿ ನಡೆಸಿದ್ದೀರಿ?

ನೀವು ಯುಪಿಎಸ್ಸಿ ಪರೀಕ್ಷೆಗಾಗಿ ತಯಾರಿ ನಡೆಸುವಾಗ ಯಾವ್ಯಾವ ಪುಸ್ತಕಗಳನ್ನು ಅಭ್ಯಾಸ ಮಾಡಿದ್ದೀರಿ?

ಯುಪಿಎಸ್ಸಿ ಪರೀಕ್ಷೆ ತಯಾರಿ ನಡೆಸುತ್ತಿರುವ ವಿದ್ಯಾರ್ಥಿಗಳು ಹಾಗೂ ಯುವ ಸ್ಪರ್ಧಾರ್ಥಿಗಳಿಗೆ ನೀವು ಯಾವ ರೀತಿಯ ಸಲಹೆಗಳನ್ನು ಕೊಡುತ್ತೀರಿ?

ಸ್ಪರ್ಧಾರ್ಥಿಗಳು ಐಎಸ್‌ಎಸ್‌, ಐಪಿಎಸ್‌, ಐಎಫ್‌ಎಸ್‌, ಐಆರ್‌ಎಸ್‌, ಕೆಎಎಸ್‌ ಸೇರಿದಂತೆ ಇನ್ನಿತರ ಉನ್ನತ ಹಂತದ ಹುದ್ದೆಗಳನ್ನು ಪಡೆಯಬೇಕೆಂದು ಗುರಿ ಇಟ್ಟುಕೊಂಡು ಓದುತ್ತಿರುತ್ತಾರೆ. ಆದರೆ ಪಿಎಸ್‌ಐ, ಕಾನ್ಸ್‌ಸ್ಟೇಬಲ್‌ ಹುದ್ದೆ ಸಿಕ್ಕರೆ ಅದಕ್ಕೆ ತೃಪ್ತಿಯಾಗಿ ಸುಮ್ಮನಾಗುತ್ತಾರೆ. ಅಂತಹವರಿಗೆ ನೀವು ಏನು ಹೇಳಲು ಬಯಸುತ್ತೀತಿರಿ?

ನೀವು ಕೇಂದ್ರ ಸರ್ಕಾರದ ಯಾವುದಾದರೂ ಹುದ್ದೆ ಸಿಗಲಿ ಅಂತನೋ ಅಥವಾ ಐಪಿಎಸ್‌ ಅಧಿಕಾರಿಯಾಗಬೇಕೆಂದು ಯುಪಿಎಸ್ಸಿ ಪರೀಕ್ಷೆ ಬರೆದ್ರಾ?

ಅವರಿಗೆ ಯಾವ ರೀತಿ ಅನುಕೂಲವಾಗುತ್ತದೆ ಹಾಗೆ ಮಾಡಬೇಕು. ನಾನು ಬಿ.ಎ. ಎಲ್‌. ಎಲ್‌. ಬಿ ಮುಗಿಸಿದ ನಂತರ ಸ್ವಲ್ಪ ದಿನ ಲಾ ಪ್ರಾಕ್ಟೀಸ್‌ ಮಾಡಿದೆ. 23-24 ವಯಸ್ಸಿಗೆ ಓದಲು ಆರಂಭಿಸಿದೆ. 27ನೇ ವಯಸ್ಸಿಗೆ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಪಾಸ್‌ ಆಗಿ ಐಪಿಎಸ್‌ ಅಧಿಕಾರಿಯಾದೆ. ನಾನು ಚಿಕ್ಕವನಿಂದ ಓದಿದ್ದು ಆತರ ಏನಿಲ್ಲ. ಎಲ್ಲಾ ಹುಡುಗರ ಕ್ರೀಕೆಟ್‌, ಪುಟ್‌ಬಾಲ್‌ ಆಡಿ ಬೆಳೆದರು ನಾನು ಹೇಗೆ ಬೆಳೆದು. ನನ್ನಲ್ಲಿ ಏನು ವಿಶೇಷತೆಗಳಿಲ್ಲ. ಎಲ್ಲರಂತೆ ನಾನು ಸಾಧಾರಣ ವ್ಯಕ್ತಿ. 23-24 ವಯಸ್ಸಿಗೆ ಓದಬೇಕು ಅನಕೊಂಡು ಬಹಳ ಸಾಧಾರಣವಾದ ರೀತಿಯಲ್ಲಿ ಕಷ್ಟಪಟ್ಟು ಓದಿ ಯುಪಿಎಸ್ಸಿ ಪಾಸ್‌ ಮಾಡಿದೆ. ಬೇರೆಯವರ ರೀತಿ ನನ್ನದು ಅದ್ಬುತವಾದ ಕಥೆ ಏನಿಲ್ಲ. ನಾನು ಬಹಳ ಸಾಧಾರಣವಾಗಿ ಓದಿದ್ದೇನೆ. ನಾನು ಬಹಳ ಸಾಧಾರಣ ವ್ಯಕ್ತಿ.

ಕೋಚಿಂಗ್‌ ತೆಗೆದುಕೊಳ್ಳುವುದು, ಬಿಡುವುದು ಅವರ ಮೇಲೆ ಡಿಫೆಂಡ್‌ ಆಗಿರುತ್ತದೆ. ನಾನು ಸ್ವಲ್ಪ ಕೋಚಿಂಗ್‌ ತೆಗೆದುಕೊಂಡಿದ್ದೇನೆ. ಯುಪಿಎಸ್ಸಿ ಎಂದರೆ ಏನು, ಹೇಗೆ, ಯಾವ ರೀತಿ ಓದಬೇಕು. ಪರೀಕ್ಷೆಯನ್ನು ಯಾವ ರೀತಿ ಎದುರಿಸಬೇಕು ಮತ್ತು ಪರೀಕ್ಷೆಯಲ್ಲಿ ಯಾವ ರೀತಿ ಪ್ರಶ್ನೆಗಳನ್ನು ಕೇಳಬಹುದು ಎಂಬುದನ್ನು ತಿಳಿದುಕೊಳ್ಳಬೇಕಾದರೆ ಸ್ವಲ್ಪ ಕೋಚಿಂಗ್‌ ತೆಗೆದುಕೊಂಡರೆ ಅನುಕೂಲವಾಗುತ್ತದೆ.

ಗ್ರಾಮೀಣ, ಪಟ್ಟಣ, ನಗರದ ಅಂತ ಏನೂ ಇಲ್ಲ. ನಮ್ಮ ಭಾರತದ ಸಂವಿಧಾನದಲ್ಲಿ ಸೆಡ್ಯೂಲ್‌ 8 ಅಲ್ಲಿ ಎಷ್ಟು ಭಾಷೆಯನ್ನು ಗುರುತಿಸಲಾಗಿದೆ. ಅಷ್ಟೂ ಭಾಷೆಯಲ್ಲಿ ಪರೀಕ್ಷೆ ಬರೆಯಬಹುದು. ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೂ ಹಾಗೂ ಗುಜರಾತ್‌ನಿಂದ ಅರುಣಾಚಲಪ್ರದೇಶದವರೆಗೂ ಎಲ್ಲರಿಗೂ ಸಮತೋಲನವಾಗಿ ಪರೀಕ್ಷೆಯನ್ನು ರೂಪಿಸಿರುತ್ತಾರೆ. ಯುಪಿಎಸ್ಸಿ ಪರೀಕ್ಷೆಯನ್ನು ಕನ್ನಡದಲ್ಲಿ ಕೂಡ ಬರೆಯಬಹುದು. ಸಂದರ್ಶನವನ್ನು ಕೂಡ ಕನ್ನಡದಲ್ಲಿ ಕೊಡಬಹುದು. ಯಾವುದೇ ಭಾಷೆಯಾದರೂ ನಡೆಯುತ್ತದೆ. ಯಾರೂ ಪರಿಶ್ರಮ ಪಟ್ಟು ಓದುತ್ತಾರೆ ಅವರು ಪಾಸ್‌ ಆಗುತ್ತಾರೆ.

ನಾವು ಪ್ರತಿಯೊಂದು ಕೆಲಸಗಳನ್ನು ಕೂಡ ಸಾರ್ವಜನಿಕರಿಗೆ ಹತ್ತಿರವಾಗುವುದಕ್ಕೆ ಮಾಡುತ್ತೇವೆ. ಮನೆ ಮನೆಗೆ ಪೊಲೀಸ್‌ ಆಗಿರಲಿ, ಬೀಟ್‌ ವ್ಯವಸ್ಥೆ ಆಗಿರಲಿ, ತೆರದ ಮನೆ ಕಾರ್ಯಕ್ರಮ ಆಗಿರಲಿ ಯಾವುದೇ ಇದ್ದರೂ ಕೂಡ ಜನರ ಜೊತೆಗೆ ಉತ್ತಮ ಸಂಪರ್ಕ ಬೆಳೆಸಿಕೊಳ್ಳುತ್ತೇವೆ. ಇದರಿಂದ ಮಾಹಿತಿ ಆಗಿರಲಿ ಮತ್ತು ಅವರ ಯಾವುದೇ ಸಮಸ್ಯೆ ಪರಿಹರಿಸಲು ಸಹಕಾರಿಯಾಗುತ್ತದೆ. ಸಮಾಜವನ್ನು ಉತ್ತಮ ರೀತಿಯಲ್ಲಿ ಕಟ್ಟಲು ಬಹಳ ಅನುಕೂಲವಾಗುತ್ತದೆ.

ಪ್ರತಿ ದಿನವೂ ನಡೆಯುವ ಘಟನೆಗಳು ಕೂಡ ನನಗೆ ನೆನಪಿನಲ್ಲಿ ಉಳಿಯುವಂತಹ ಘಟನೆಗಳೇ. ಅಲ್ಲದೆ ಪ್ರತಿಯೊಂದು ದಿನವೂ ನಾನು ಮಾಡುವ ಕೆಲಸ ಮೇಲೆ ನನಗೆ ತೃಪಿ ಇದೆ.

ಹೈದರಾಬಾದ್‌ನಲ್ಲಿರುವ ಸರ್ದಾರ್ ವಲ್ಲಭಭಾಯಿ ಪಟೇಲ್ ರಾಷ್ಟ್ರೀಯ ಪೊಲೀಸ್ ಅಕಾಡೆಮಿಯಲ್ಲಿ ಐಪಿಎಸ್‌ ಅಧಿಕಾರಿಗಳಿಗೆ ದೇಶದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಅನುಕೂಲವಾಗುವಂತಹ ತರಬೇತಿಯನ್ನು ಬಹಳ ಉತ್ತಮ ರೀತಿಯಲ್ಲಿ ನೀಡಲಾಗುತ್ತಿದೆ. ನಮಗೆ ಒಂದು ಮುಕ್ಕಾಲು ವರ್ಷ ತರಬೇತಿ ನೀಡಲಾಗುತ್ತದೆ. ಪೊಲೀಸ್‌ ಇಲಾಖೆಗೆ ಏನೇನು ಅವಶ್ಯಕತೆ ಇದೆ. ಮತ್ತು ನಮ್ಮ ಪೊಲೀಸ್‌ ವೃತ್ತಿ ಅಗತ್ಯವಾಗಿ ಬೇಕಾಗಿರುವ ಕೌಶಲ್ಯಗಳನ್ನು ಕಲಿಸುತ್ತಾರೆ. ನಾನು ತರಬೇತಿ ಅವಧಿಯಲ್ಲಿ ಬಹಳ ಚೆನ್ನಾಗಿ ಕಲಿತುಕೊಂಡೆನು.

ಇಷ್ಟೇ ಗಂಟೆ ಓದಿದರೆ ಮಾತ್ರ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಪಾಸ್‌ ಆಗುತ್ತಾರೆ ಎಂಬುದೇನಿಲ್ಲ. ಕಷ್ಟಪಟ್ಟು ಓದಬೇಕು, ನಾವು ಎಷ್ಟು ಅಂದುಕೊಂಡಿರುತ್ತೇವೆಯೋ ಅಷ್ಟು ಓದಬೇಕು. ಗಂಟೆಗಳ ಲೆಕ್ಕ ಏನು ಇಲ್ಲ. ಅಲ್ಲದೆ ಓದು ಎಂಬುದು ತಕ್ಕಡಿ ಅಲ್ಲ. ನಿಮ್ಮ ಮನಸ್ಸಿಗೆ ತೃಪ್ತಿ ಆಗುವವರೆಗೂ ಓದಬೇಕು.

ಜೀವನದಲ್ಲಿ ಏನು ಬೇಕು ಎಂಬುದು ವಿದ್ಯಾರ್ಥಿಗಳಿಗೆ ಗೊತ್ತಿದ್ದರೆ ಏನೇ ಡಿಸ್‌ಟ್ರ್ಯಾಕ್ಷನ್ ಬಂದರೂ ಅದನ್ನು ಅವರು ಎದುರಿಸುತ್ತಾರೆ. ಡಿಸ್‌ಟ್ರ್ಯಾಕ್ಷನ್ ಇದೆ ಎಂದರೆ ಡಿಸ್‌ಟ್ರ್ಯಾಕ್ಷನ್ ಒಳಗಾಗುತ್ತಿದ್ದರೆ ಅವರಿಗೆ ಸಿರಿಯಸೇ ಇಲ್ಲ. ಏನೇ ಇದ್ದರನು ನೀವು ಯಾವ ರೀತಿ ಗುರಿ ಇಟ್ಟುಕೊಂಡಿರುತ್ತೀರಿ ಅದರ ಬಗ್ಗೆ ಅತೀ ಹೆಚ್ಚು ಗಮನ ಕೊಡಬೇಕು. ಪಾಲಕರು ಕೂಡ ಮಕ್ಕಳ ಮೊಬೈಲ್‌ ಬಳಕೆ ಬಗ್ಗೆ ನಿಗಾವಹಿಸಬೇಕು.

ಡೊಡ್ಡದು, ಸಣ್ಣದು ಪ್ರಕರಣಗಳು ಅಂತ ಏನು ಇಲ್ಲ. ತುಂಬಾ ಚಿಕ್ಕ ಪ್ರಕರಣಗಳೂ ಕೂಡ ಒಬ್ಬರಿಗೆ ಡೊಡ್ಡ ಪ್ರಕರಣವೇ ಎನಿಸುತ್ತದೆ. ನಾವು ಪ್ರತಿಯೊಂದು ಪ್ರಕರಣಗಳನ್ನು ಮನಸ್ಸಿಂದ ಭೇದಿಸಿರುತ್ತೇವೆ. ನನಗೆ ಪ್ರಕರಣದಲ್ಲಿ ಭೇದ ಭಾವ ಇಲ್ಲ. ಎಲ್ಲವನ್ನು ನಾವು ಜನರ ಹಿತಾಸ್ತಕಿಗೋಸ್ಕರ ಮಾಡಿರುತ್ತೇವೆ.