ಗ್ರಾಮಸಭೆಯಲ್ಲಿ ಅಧಿಕಾರಿಗಳಿಗೆ ಗ್ರಾಮಸ್ಥರ ತರಾಟೆ

ಕನ್ನಡಪ್ರಭ ವಾರ್ತೆ ನಾಲತವಾಡ

ಬಿಜ್ಜೂರ ಗ್ರಾಮದಲ್ಲಿ 2024-25ರ ವಿಶೇಷ ಗ್ರಾಮಸಭೆಯಲ್ಲಿ ನರೇಗಾ ಅಡಿಯಲ್ಲಿ ಕ್ರಿಯಾ ಯೋಜನೆ ರೂಪಿಸುವುದು, 15ನೇ ಹಣಕಾಸಿನ ಖರ್ಚು ವೆಚ್ಚ, ಕುಡಿಯುವ ನೀರಿನ ಬಗ್ಗೆ ಹಾಗೂ ಇನ್ನಿತರ ವಿಷಯದ ಕುರಿತು ಶನಿವಾರದ ಸಭೆಯಲ್ಲಿ ಪ್ರಸ್ತಾಪಿಸಲಾಯಿತು. ಆದರೆ, ಯೋಜನೆ ಬಗ್ಗೆ ಹೆಚ್ಚು ಚರ್ಚೆಯಾಗದೇ ಕಂಪ್ಯೂಟರ್ ಆಪರೇಟರ್ ಬಗ್ಗೆ ಹೆಚ್ಚಿನ ಚರ್ಚೆ ನಡೆಯಿತು.

ಈ ವೇಳೆ ಮಲ್ಲು ತಳವಾರ ಎಂಬಾತ ಮೊದಲು ಕಾಮಗಾರಿಯ ಫೈಲ್‌ ತನ್ನಿ ನಂತರ ಹೇಳಿ ಎಂದು ಅಧಿಕಾರಿಗಳಿಗೆ ಕ್ಲಾಸ್ ತೆಗೆದುಕೊಂಡರು. ಬಳಿಕ, ಫೈಲ್‌ ತಂದು ಮಾಹಿತಿ ನೀಡುವಾಗ ಕಾಮಗಾರಿಗೆ ಬಳಸಿಕೊಂಡ ಕೂಲಿ ಕಾರ್ಮಿಕರ ಸಹಿ ಹಾಗೂ ಇನ್ನಿತರ ದಾಖಲೆ ಇಲ್ಲದಿರುವುದು ಕಂಡು ಬಂತು. ಸರಿಯಾದ ದಾಖಲೆ ಇಲ್ಲದ್ದನ್ನು ಕಂಡ ಮಲ್ಲು ತಳವಾರ ಕಾಮಗಾರಿ ಪೂರ್ಣಗೊಂಡ ಬಗ್ಗೆ ತಮ್ಮ ಬಳಿ ದಾಖಲೆಗಳು ಇಲ್ಲ, ಜಿಪಿಎಸ್ ಫೋಟೋ ಇಲ್ಲ, ಕೂಲಿ ಕಾರ್ಮಿಕರ ಸಹಿಗಳು ಇಲ್ಲ ಎಂದು ಅಧಿಕಾರಿಗಳ ವಿರುದ್ಧ ಹರಿಹಾಯ್ದರು. ಇದರಿಂದ ಸಭೆಯಲ್ಲಿ ಗದ್ದಲ ಉಂಟಾಗಿ ಎಲ್ಲರೂ ಪಿಡಿಒ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.ಆರೋಪಗಳ ಸುರಿಮಳೆ:

ಸಭೆ ಮುಕ್ತಾಯಕ್ಕು ಮುನ್ನವೇ ಕಾರ್ಮಿಕ ಇಲಾಖೆಯ ಡಿ.ಬಿ.ಗುಳಬಾಳ, ಗ್ರಾಮೀಣ ನೀರು ಸರಬರಾಜು ಇಲಾಖೆಯ ಎಇ ಪ್ರಭುದೇವ, ಸಮಾಜ ಕಲ್ಯಾಣ ಇಲಾಖೆ ಮೇಲ್ವಿಚಾರಕಿ ಎಸ್.ಎಂ.ಭಾಸಗಿ ಹಾಗೂ ಅಂಗನವಾಡಿ ಕಾರ್ಯಕರ್ತೆಯರು ಸಭೆಯ ಮಧ್ಯದಲ್ಲಿಯೇ ಎದ್ದು ಹೋದರು. ಆದರೆ, ಪಿಡಿಒ ಮುಂದಿನ ಸಭೆಯ ದಿನಾಂಕ ತಿಳಿಸುವುದಾಗಿ ಹೇಳಿದರು.ಗ್ರಾಪಂ ಸದಸ್ಯೆ ಶರಣಮ್ಮ ಹೊಸಮನಿ, ಉಪಾಧ್ಯಕ್ಷ ಲಕ್ಮಣ ರಬ್ಲರ್, ಅಕ್ಷರ ದಾಸೋಹದ ಸಹಾಯಕ ನಿರ್ದೇಶಕ ಎಂ.ಎಂ.ಬೆಳಗಲ್, ಸದಸ್ಯರಾದ ಡಾ.ಗುರುಮೂರ್ತಿ ಕಣಕಾಲಮಠ, ಗುರುನಾಥ ಬಡಿಗೇರ, ಮಲ್ಲಪ್ಪ ಜೂಲಗುಡ್ಡ, ರಾಮಣ್ಣ ನಂದಿಹಾಳ, ಬಸಪ್ಪ ಬಂಡಿವಡ್ಡರ, ಸಾವಿತ್ರಿ ಹಿರೇಮಠ, ಶ್ವೇತಾ ಪಾಟೀಲ, ರತ್ನಮ್ಮ ಮೇಟಿ ಇತರರು ಇದ್ದರು. ಕೋಟ್‌

ಮಲ್ಲು ತಳವಾರ, ಗ್ರಾಮಸ್ಥ