ಬದುಕಿನ ಶ್ರೇಯಸ್ಸಿಗೆ ಧರ್ಮಾಚರಣೆಯೇ ಮೂಲ: ಬಾಳೆಹೊನ್ನೂರು ರಂಭಾಪುರಿ ಶ್ರೀ

ಜಯುತಿ । ಡಾ.ವೀರಸೋಮೇಶ್ವರ ಜಗದ್ಗುರು ಅಭಿಮತ । ಜಗದ್ಗುರು ರೇಣುಕಾಚಾರ್ಯರ ಆರಾಧನೆ

ಜನ್ಮ ಜನ್ಮಗಳ ಪುಣ್ಯದ ಫಲದಿಂದ ಮಾನವ ಜನ್ಮ ಪ್ರಾಪ್ತವಾಗಿದೆ. ಜೀವನದ ಉನ್ನತಿಗೆ ಬದುಕಿನ ಶ್ರೇಯಸ್ಸಿಗೆ ಧರ್ಮಾಚರಣೆ ಮೂಲ ಎಂದು ಬಾಳೆಹೊನ್ನೂರು ರಂಭಾಪುರಿ ಡಾ. ವೀರಸೋಮೇಶ್ವರ ಜಗದ್ಗುರು ಹೇಳಿದರು.

ಯಡಿಯೂರು ಶ್ರೀಕ್ಷೇತ್ರದ ಶ್ರೀ ರೇಣುಕಾಶಿವಾಚಾರ್ಯ ಸ್ವಾಮಿಜಿ ಆಶೀರ್ವಚನ ನೀಡಿ, ‘ಇಂದು ವೀರಶೈವ ಸಮಾಜದ ಮೂಲ ಪುರುಷ ಜಗದ್ಗುರು ರೇಣಕಾಚಾರ್ಯರ ಜನ್ಮ ದಿನಾಚರಣೆಯನ್ನು ಎಲ್ಲ ಮಠಮಂದಿರಗಳಲ್ಲೂ ಆಚರಿಸುತ್ತಿರುವುದು ಸಂತಸದ ಬೆಳವಣಿಗೆ. ಮಠಮಂದಿರಗಳ ಉದ್ದಾರದಿಂದ ಸಮಾಜದಲ್ಲಿ ಸಂಸ್ಕಾರ, ಸಂಸ್ಕೃತಿ ವೃದ್ಧಿಸಲಿದೆ. ಇದರಿಂದ ಗ್ರಾಮಗಳು ಸಹ ಆರ್ಥಿಕವಾಗಿ ಸಮೃದ್ಧಿಗೊಳ್ಳಲಿವೆ. ಆದ್ದರಿಂದ, ಮಲೆನಾಡಿನ ಭಾಗದಲ್ಲಿರುವ ಮಠಗಳ ಅಭಿವೃದ್ದಿಗೆ ಭಕ್ತರು ಸಹಕರಿಸಬೇಕು ಎಂದರು.

ಅಖಿಲ ಬಾರತ ವೀರಶೈವ ಸಮಾಜದ ಜಿಲ್ಲಾಧ್ಯಕ್ಷ ಬಿ.ಆರ್ ಗುರುದೇವ್ ಮಾತನಾಡಿ, ಮಲೆನಾಡಿನಲ್ಲಿ ಧಾರ್ಮಿಕ ಸಂಸ್ಕಾರ ಆರಂಭವಾಗಿದ್ದು ಜಗದ್ಗುರುಗಳ ಸಂಚಾರದಿಂದ. ಪಂಚಪೀಠದಿಂದ ಧರ್ಮ ಪ್ರಚಾರ ಸಾವಿರರಾರು ವರ್ಷದಿಂದ ನಡೆಯುತ್ತಿದೆ ಇದರಿಂದಾಗಿ ಇಂದು ನಾಡಿನಲ್ಲಿ ಧರ್ಮ ನೆಲಗೊಳ್ಳಲು ಕಾರಣವಾಗಿದೆ ಎಂದರು.

ಸಮಾರಂಭದ ನಂತರ ಅನ್ನ ದಾಸೋಹ ನೆರವೇರಿತು. ವಿವಿಧ ಕ್ಷೇತ್ರದಲ್ಲಿ ಸಾಧನೆಗೈದವರಿಗೆ ರಂಭಾಪುರಿ ಶ್ರೀಗಳು ಸನ್ಮಾನಿಸಿದರು.

ಸಕಲೇಶಪುರ ತಾಲೂಕಿನ ತೆಂಕಲಗೋಡು ಮಠದಲ್ಲಿ ನಡೆದ ವಿವಿಧ ಧಾರ್ಮಿಕ ಕಾರ್ಯಕ್ರಮವನ್ನು ಬಾಳೆಹೊನ್ನೂರು ಪ್ರಸನ್ನ ವೀರ ಸೋಮೇಶ್ವರ ರಾಜದೇಶಿಕೇಂದ್ರ ಶಿವಾಚಾರ್ಯ ಉದ್ಘಾಟಿಸಿದರು.