ಮಳೆಗಾಲದಲ್ಲಿ ಗಮನ ಹರಿಸಬೇಕಾದ ಆಹಾರ ಕುರಿತ 3 ವಿಚಾರಗಳು

ಮಳೆಗಾಲದಲ್ಲಿ ಆರೋಗ್ಯ ಕುರಿತು ಸ್ವಲ್ಪ ಹೆಚ್ಚು ಕಾಳಜಿ ವಹಿಸಬೇಕಾಗುತ್ತದೆ. ಮಳೆಗಾಲದಲ್ಲಿ ಡೆಂಗ್ಯೂ, ಮಲೇರಿಯಾ, ಟೈಫಾಯಿಡ್ ಇತ್ಯಾದಿ ಜ್ವರಗಳು ಕಾಡುವುದು ಸಾಮಾನ್ಯವಾಗಿದೆ. ನ್ಯೂಟ್ರಿಷನಿಸ್ಟ್, ಎಂಬಿಬಿಎಸ್ ವೈದ್ಯೆ ಡಾ.ರೋಹಿಣಿ ಪಾಟೀಲ್ ಈ ಸಂದರ್ಭದಲ್ಲಿ ಗಮನ ಹರಿಸಬೇಕಾದ ಆಹಾರ ವಿಚಾರಗಳ ಕುರಿತು ವಿವರವಾದ ಮಾಹಿತಿ ನೀಡಿದ್ದಾರೆ.ಮಳೆಗಾಲದಲ್ಲಿ ಜ್ವರದ ಸಮಸ್ಯೆ ಎಲ್ಲೆಲ್ಲೂ ಹರಡಿರುತ್ತದೆ. ವಾತಾವರಣ ಬದಲಾವಣೆಯಿಂದ, ಥಂಡಿಯ ಕಾರಣಕ್ಕೆ ಹಲವು ಬಗೆಯ ಜ್ವರಗಳು ಕಾಣಿಸಿಕೊಳ್ಳುತ್ತವೆ. ಅದರಲ್ಲೂ ಸೊಳ್ಳೆಯಿಂದ ಹರಡುವ ಡೆಂಗ್ಯೂ, ನೀರಿನಿಂದ ಬರಬಹುದಾದ ಟೈಫಾಯಿಡ್, ಗ್ಯಾಸ್ಟ್ರೊಇಂಟೆಸ್ಟೈನಲ್ ಸೋಂಕುಗಳು ಹೆಚ್ಚು ಕಾಡುತ್ತವೆ. ಜೊತೆಗೆ ರೋಗ ನಿರೋಧಕ ವ್ಯವಸ್ಥೆಯ ಶಕ್ತಿ ಕೂಡ ಕುಂದುತ್ತದೆ.

1. ಬಾದಾಮಿಗಳು: ಜೀವನದಲ್ಲಿ ಮಾಡುವ ಸಣ್ಣ ಸಣ್ಣ ಬದಲಾವಣೆಗಳು ಕೂಡ ದೊಡ್ಡ ವ್ಯತ್ಯಾಸ ಉಂಟು ಮಾಡಬಹುದು. ನೀವು ಪ್ರತಿನಿತ್ಯ ಒಂದು ಹಿಡಿ ಬಾದಾಮಿ ತಿನ್ನಲು ಆರಂಭಿಸಿ. ಅದರಿಂದ ನಿಮ್ಮಲ್ಲಿ ಗಣನೀಯವಾದ ವ್ಯತ್ಯಾಸ ಉಂಟಾಗುತ್ತದೆ. ಬಾದಾಮಿಗಳು ತಾಮ್ರ, ಸತು, ಫೊಲೇಟ್ ಮತ್ತು ಕಬ್ಬಿಣದ ಅಂಶಗಳಂತಹ 15 ಅಗತ್ಯ ಪೋಷಕಾಂಶಗಳಿಂದ ಸಮೃದ್ಧವಾಗಿರುತ್ತವೆ. ಜೊತೆಗೆ ಅವು ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತವೆ ಎಂದು ವೈದ್ಯರು ಹೇಳುತ್ತಾರೆ.

3. ತರಕಾರಿಗಳ ಸೂಪ್ ಮತ್ತು ಹರ್ಬಲ್ ಚಹಾ: ದೇಹವನ್ನು ಬೆಚ್ಚಗಿರಿಸಲು ತರಕಾರಿಗಳ ಸೂಪ್ ಅಥವಾ ಹರ್ಬಲ್ ಚಹಾ ಸೇವನೆ ಮಾಡಬಹುದು. ಶುಂಠಿ, ತುಳಸಿ ಮತ್ತು ನಿಂಬೆ ಹುಲ್ಲಿನ ಚಹಾಗಳು ಸಿಕ್ಕರೆ ಇನ್ನೂ ಆಹ್ಲಾದಕರ. ಅದರಿಂದ ಆರೋಗ್ಯ ನೆರವು ಕೂಡ ದೊರೆಯುತ್ತದೆ.

1. ಜಂಕ್ ಫುಡ್: ಮಳೆಗಾಲದಲ್ಲಿ ಬೀದಿ ಬದಿಯ ಆಹಾರ ತಿನ್ನುವುದು ಸ್ವಲ್ಪ ರಿಸ್ಕಿ. ನೀರು ಕಲ್ಮಷವಾಗುವ ಸಾಧ್ಯತೆ ಹೆಚ್ಚಿರುವುದರಿಂದ ಅಪಾಯವೂ ಹೆಚ್ಚು. ಹೆಚ್ಚು ಜಿಡ್ಡಿನ ಪದಾರ್ಥ ಸೇವಿಸುವುದೂ ಒಳ್ಳೆಯದಲ್ಲ.

3. ಕಚ್ಚಾ ತರಕಾರಿಗಳು: ಮಳೆಗಾಲದಲ್ಲಿ ಹಸಿ ತರಕಾರಿ ಸೇವಿಸುವಾಗ ಬಹ‍ಳ ಹುಷಾರಾಗಿ ಇರಬೇಕು. ಥಂಡಿ ವಾತಾವರಣದಿಂದ ಅದರಲ್ಲಿ ಬ್ಯಾಕ್ಟೀರಿಯಾ ಮನೆ ಮಾಡಿಕೊಂಡಿರಬಹುದಾಗಿದೆ. ಸೊಪ್ಪು, ಎಲೆಕೋಸು ಮತ್ತು ಕೋಸುಗಳನ್ನು ಚೆನ್ನಾಗಿ ತೊಳೆದು, ಬೇಯಿಸಿ ಸೇವಿಸುವುದು ಒಳ್ಳೆಯದು.