ಬನ್ನಿ ಮತಗಟ್ಟೆಗೆ, ಹಕ್ಕು ಚಲಾಯಿಸಿ

ಕಾರವಾರ: ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ೧೯೭೭ಮತಗಟ್ಟೆಗಳಲ್ಲಿ ಮಂಗಳವಾರ ಲೋಕಸಭಾ ಚುನಾವಣೆಯ ಮತದಾನ ಪ್ರಕ್ರಿಯೆ ನಡೆಯಲಿದೆ. ನಿಯೋಜಿತ ಮತಗಟ್ಟೆ ಅಧಿಕಾರಿಗಳು, ಸಿಬ್ಬಂದಿ ಮತಯಂತ್ರದೊಂದಿಗೆ ನಗರದ ಸೆಂಟ್ ಮೈಕಲ್ ಕಾನ್ವೆಂಟ್ ಶಾಲೆಯಿಂದ ಸೋಮವಾರ ತೆರಳಿದರು.

ಶಿರಸಿ: ಲೋಕಸಭಾ ಚುನಾವಣೆಗೀಗ ಆಖಾಡ ಸಿದ್ಧವಾಗಿದೆ. ನಗರದ ಮಾರಿಕಾಂಬಾ ಪ್ರೌಢಶಾಲೆಯ ಆವರಣದಿಂದ ಸೋಮವಾರ ಮತಗಟ್ಟೆ ಅಧಿಕಾರಿಗಳು ಮತಪೆಟ್ಟಿಗೆಯೊಂದಿಗೆ ಮತದಾನ ಕಾರ್ಯಕ್ಕಾಗಿ ವಿವಿಧೆಡೆ ತೆರಳಿದರು.ಸೋಮವಾರ ಬೆಳಗ್ಗೆಯಿಂದಲೇ ಉಪವಿಭಾಗಾಧಿಕಾರಿ ಅಪರ್ಣಾ ರಮೇಶ ಅವರ ನೇತೃತ್ವದಲ್ಲಿ ಮಸ್ಟರಿಂಗ್ ಕಾರ್ಯ ನಡೆಯಿತು. ಒಟ್ಟೂ ೧೪೦೦ ಮತಗಟ್ಟೆ ಅಧಿಕಾರಿಗಳು ಶಿರಸಿ ಉಪವಿಭಾಗದ ಮತದಾನ ಪ್ರಕ್ರಿಯೆಯಲ್ಲಿ ಭಾಗಿಯಾಗಿದ್ದಾರೆ. ೫೦೦ ಪೊಲೀಸ್ ಸಿಬ್ಬಂದಿಯನ್ನು ನೇಮಕ ಮಾಡಲಾಗಿದೆ. ಸಿಬ್ಬಂದಿ ಮತ್ತು ಅಧಿಕಾರಿಗಳ ಸಲುವಾಗಿ ೪೦ ಖಾಸಗಿ ಟೆಂಪೋ, ೨೪ ಜೀಪು ಹಾಗೂ ೨೬ ಸಾರಿಗೆ ಬಸ್‌ಗಳನ್ನು ಈ ಕಾರ್ಯಕ್ಕೆ ಬಳಸಿಕೊಳ್ಳಲಾಗಿದೆ.