1952ರಿಂದ ನಿರಂತರ ಮತದಾನ ಮಾಡಿ ಮಾದರಿಯಾದ ಶತಾಯುಷಿಗಳು

ಮೊಗಲಪ್ಪ ನಾಯಕಿನ್‌

ಅನೇಕರು ಮತದಾನದಿಂದ ದೂರ ಉಳಿಯುವ ಸನ್ನಿವೇಶದ ನಡುವೆಯೂ ಗುರುಮಠಕಲ್ ಮತಕ್ಷೇತ್ರದಲ್ಲಿರುವ ಇಬ್ಬರು ಶತಾಯುಷಿಗಳು ಮತದಾನಕ್ಕೆ ಸ್ಫೂರ್ತಿಯ ಚಿಲುಮೆಯಾಗಿದ್ದಾರೆ.

ಭಾರತ ಚುನಾವಣೆ ಆಯೋಗವು 85 ವರ್ಷ ಮೇಲ್ಪಟ್ಟವರಿಗೆ ಹಾಗೂ ವಿಶೇಷಚೇತನರಿಗೆ ನಿಯಮ 12ಡಿ ಮುಖಾಂತರ ಅರ್ಜಿ ಸಲ್ಲಿಸಿದ ಮತದಾರರಿಗೆ ಮನೆಯಿಂದಲೇ ಮತದಾನ ಮಾಡುವ ಅವಕಾಶವನ್ನು ಇವರಿಬ್ಬರು ಸದುಪಯೋಗಪಡಿಸಿಕೊಂಡಿದ್ದಾರೆ.

ಗೋಮಾಳಿ ಬಾಯಿ "ಮೊದಲ ನನ್ನ ಮತದಾನ ಹಾಕಿದ್ದು ಈಗಲೂ ನೆನೆಪಿದೆ. ತಮ್ಮ ಆಶಾಪುರಿ ತಾಂಡಾದಿಂದ 6 ಕಿ. ಮೀ ದೂರದಲ್ಲಿರುವ ಎಲ್ಲೇರಿ ಗ್ರಾಮಕ್ಕೆ ನಡೆದುಕೊಂಡು ಬಂದು ಮತ ಚಲಾಯಿಸಿದ್ದೆ. ನಂತರ ವಾಹನಗಳಲ್ಲಿ ನಮ್ಮೂರಿನ ಹಿರಿಯರು ಕರೆದುಕೊಂಡು ಹೋಗಿ ವಗ್ರಾಣಿ (ಸೂಸಲ) ತಿನ್ನಿಸುತ್ತಿದ್ದರು. ಈಗಿನ ಹಾಗೆ ಹಣ ಕೊಡುತ್ತಿಲ್ಲ. ವಗ್ರಾಣಿ ಮತ್ತು ಚಹಾ ಕುಡಿದು ಓಟ್ ಹಾಕಿ ನಮ್ಮ ತಾಂಡಗಳಿಗೆ ಬರುತ್ತಿದ್ದೆವು ಎಂದು ಮೆಲುಕು ಹಾಕಿದರು.

ತಾಲೂಕಿನ ಮೋಟನಹಳ್ಳಿ ಗ್ರಾಮದ ಮರೆಮ್ಮ ಭೀಮಣ್ಣ ನಾಟೆಕಾರ್ (100) ಶತಾಯುಷಿ ಮಹಿಳೆಯು ಮೊದಲಿನ ಚುನಾವಣೆಯಿಂದ ಪಂಚಾಯಿತಿ ಚುನಾವಣೆ, ವಿಧಾನಸಭೆ ಚುನಾವಣೆ ಹಾಗೂ ಲೋಕಸಭೆ ಚುನಾವಣೆಗಳಿಗೆ ಮತ ಚಲಾಯಿಸಿದ ಅನುಭವ ಇದೆ.