ಕರ್ನಾಟಕಕ್ಕೆ ಮತ್ತೆರಡು ರತ್ನ- ವಿಷ್ಣು, ಸರೋಜಾದೇವಿಗೆ ಮರಣೋತ್ತರವಾಗಿ ರಾಜ್ಯದ ಅತ್ಯುಚ್ಚ ಪುರಸ್ಕಾರ- ಕುವೆಂಪುಗೆ ಮರಣೋತ್ತರ ಭಾರತ ರತ್ನಕ್ಕಾಗಿ ಕೇಂದ್ರಕ್ಕೆ ಶಿಫಾರಸು: ಸಂಪುಟ

75ನೇ ಹುಟ್ಟುಹಬ್ಬಕ್ಕೆ

- 220 ಸಿನಿಮಾಗಳಲ್ಲಿ ನಟಿಸಿರುವ ಡಾ। ವಿಷ್ಣುವರ್ಧನ್‌ 75ನೇ ಹುಟ್ಟುಹಬ್ಬ ಸೆ.18ಕ್ಕೆ. ಅದಕ್ಕೆ ಒಂದು ವಾರ ಮೊದಲು ಭರ್ಜರಿ ಉಡುಗೊರೆ- 14 ಸಿನಿಮಾಗಳಲ್ಲಿ ದ್ವಿಪಾತ್ರಗಳಲ್ಲಿ ಅಭಿನಯಿಸಿದ ಏಕೈಕ ಚಿತ್ರನಟ ವಿಷ್ಣು. 2009ರ ಡಿ.30ರಂದು ಮೈಸೂರಿನಲ್ಲಿ ನಿಧನರಾಗಿದ್ದರು

- ಕೆಲ ದಿನಗಳ ಹಿಂದಷ್ಟೇ ಪತ್ನಿ ಭಾರತಿ, ಅಳಿಯ ಅನಿರುದ್ಧ ಮತ್ತು ಕೆಲ ಚಿತ್ರ ನಟಿಯರು ಸಿಎಂ, ಡಿಸಿಎಂರನ್ನು ಭೇಟಿ ಮಾಡಿ ಮನವಿ ಮಾಡಿದ್ದರು

ದಕ್ಷಿಣದ ಮೊದಲ ಲೇಡಿ

- ದಕ್ಷಿಣ ಭಾರತದ ಮೊದಲ ಮಹಿಳಾ ಸೂಪರ್‌ಸ್ಟಾರ್‌ ಎಂದೇ ಜನಪ್ರಿಯರಾಗಿದ್ದ ಬಿ. ಸರೋಜಾ ದೇವಿ- 17ನೇ ವಯಸ್ಸಿಗೇ ಬಣ್ಣ ಹಚ್ಚಿ, ದಕ್ಷಿಣ ಭಾರತದ ನಾಲ್ಕೂ ಸೂಪರ್‌ಸ್ಟಾರ್‌ಗಳ ಸಿನಿಮಾದಲ್ಲಿ ನಟಿಸಿದ್ದರು- 200ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದರು. ಪುನೀತ್‌ ನಟನೆಯ ‘ನಟಸಾರ್ವಭೌಮ’ ಕೊನೆಯ ಚಿತ್ರ- 2025ರ ಜು.14ರಂದು ನಿಧನರಾದರು. ಅವರ ಹೆಸರನ್ನು ಯಾವುದಾದರೂ ರಸ್ತೆಗೆ ಇಡುವಂತೆ ಬೇಡಿಕೆ ಬಂದಿತ್ತು

ವಿಷ್ಣು ಸ್ಮಾರಕಕ್ಕೆ ಜಾಗಪಡೆವ ಹಾದಿ ಸಲೀಸುಡಾ। ವಿಷ್ಣು ಅವರ ಅಂತ್ಯಕ್ರಿಯೆ ನಡೆದ ಬೆಂಗಳೂರಿನ ಅಭಿಮಾನ್‌ ಸ್ಟುಡಿಯೋ ಆವರಣಲ್ಲಿ ಸ್ಮಾರಕ ನಿರ್ಮಾಣ ಮಾಡಲು 10 ಗುಂಟೆ ಜಾಗ ನೀಡುವಂತೆ ಅವರ ಪತ್ನಿ ಭಾರತಿ ಅವರು ಇತ್ತೀಚೆಗೆ ಸಿಎಂಗೆ ಮನವಿ ಮಾಡಿದ್ದರು. ಕರ್ನಾಟಕ ರತ್ನ ಘೋಷಿಸಿರುವುದರಿಂದ ಜಾಗ ಮಂಜೂರು ಸುಲಭವಾಗಲಿದೆ. ಪ್ರಶಸ್ತಿ ಪುರಸ್ಕೃತರಿಗೆ ಜಾಗ ನೀಡಲು ನಿಯಮಾವಳಿಗಳಲ್ಲೇ ಅವಕಾಶವಿದೆ.

ಕರ್ನಾಟಕರತ್ನ 11ಕ್ಕೇರಿಕೆ

--

‘ಸಾಹಸ ಸಿಂಹ’ ಡಾ.ವಿಷ್ಣುವರ್ಧನ್‌ ಹಾಗೂ ಪಂಚಭಾಷಾ ತಾರೆ ಬಿ.ಸರೋಜಾದೇವಿ ಅವರಿಗೆ ಮರಣೋತ್ತರವಾಗಿ ರಾಜ್ಯದ ಅತ್ಯುನ್ನತ ನಾಗರಿಕ ಪುರಸ್ಕಾರವಾದ ‘ಕರ್ನಾಟಕ ರತ್ನ’ ನೀಡಲು ಗುರುವಾರ ನಡೆದ ಸಚಿವ ಸಂಪುಟ ಸಭೆ ತೀರ್ಮಾನ ಮಾಡಿದೆ. ಇದೇ ವೇಳೆ ರಾಷ್ಟ್ರಕವಿ ಕುವೆಂಪು ಅವರಿಗೆ ಮರಣೋತ್ತರ ‘ಭಾರತ ರತ್ನ’ ಪ್ರಕಟಿಸುವಂತೆ ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡಲೂ ಸಂಪುಟ ಒಪ್ಪಿಗೆ ನೀಡಿದೆ.

ಜತೆಗೆ ಸೆಪ್ಟೆಂಬರ್‌ ಮೊದಲ ವಾರದಲ್ಲಿ ವಿಷ್ಣುವರ್ಧನ್ ಪತ್ನಿ ಭಾರತಿ ಹಾಗೂ ಅಳಿಯ ಅನಿರುದ್ಧ ಅವರು ಮುಖ್ಯಮಂತ್ರಿಗಳನ್ನು ಖುದ್ದಾಗಿ ಭೇಟಿ ಮಾಡಿ ಮರಣೋತ್ತರ ಕರ್ನಾಟಕ ರತ್ನ ಘೋಷಿಸುವಂತೆ ಹಾಗೂ ಬೆಂಗಳೂರಿನ ಅಭಿಮಾನ್ ಸ್ಟುಡಿಯೋದಲ್ಲಿ ವಿಷ್ಣುವರ್ಧನ್ ಸ್ಮಾರಕ ನಿರ್ಮಾಣಕ್ಕೆ ಕನಿಷ್ಠ 10 ಗುಂಟೆ ಜಾಗ ನೀಡುವಂತೆ ಮನವಿ ಮಾಡಿದ್ದರು.

ಅಭಿಮಾನಿಗಳಿಗೆ ಸಂತಸದ ಸುದ್ದಿ:

ಈ ಮೊದಲು 9 ಮಂದಿಗೆ ಕರ್ನಾಟಕ ರತ್ನ:

ಬಳಿಕ ಮುಂದಿನ 7 ವರ್ಷಗಳ ಕಾಲ ಯಾವುದೇ ಗಣ್ಯರಿಗೂ ಕರ್ನಾಟಕ ರತ್ನ ಪುರಸ್ಕಾರ ನೀಡಿರಲಿಲ್ಲ. 1999ರಲ್ಲಿ ಮಾಜಿ ಮುಖ್ಯಮಂತ್ರಿ ಎಸ್‌. ನಿಜಲಿಂಗಪ್ಪ ಅವರಿಗೆ ನೀಡಲಾಗಿತ್ತು.

ಹೆಸರು- ಕ್ಷೇತ್ರ- ವರ್ಷಕುವೆಂಪು - ಸಾಹಿತ್ಯ - 1992ಡಾ. ರಾಜ್‌ಕುಮಾರ್‌ - ಚಲನಚಿತ್ರ - 1992ಎಸ್‌.ನಿಜಲಿಂಗಪ್ಪ - ರಾಜಕೀಯ - 1999ಸಿ.ಎನ್‌.ಆರ್.ರಾವ್ - ವಿಜ್ಞಾನ - 2000ಭೀಮಸೇನ ಜೋಶಿ - ಸಂಗೀತ - 2004ಶ್ರೀ ಶಿವಕುಮಾರ ಸ್ವಾಮೀಜಿ - ಸಾಮಾಜಿಕ ಸೇವೆ - 2007ದೇ. ಜವರೇಗೌಡ - ಸಾಹಿತ್ಯ -2008ಡಿ. ವೀರೇಂದ್ರ ಹೆಗ್ಗಡೆ - ಸಾಮಾಜಿಕ ಸೇವೆ - 2009.ದಿ. ಪುನೀತ್ ರಾಜ್‌ಕುಮಾರ್- ಸಿನಿಮಾ ಹಾಗೂ ಸಾಮಾಜಿಕ ಸೇವೆ -2021ದಿ. ಡಾ.ವಿಷ್ಣುವರ್ಧನ್ - ಸಿನಿಮಾ - 2025ದಿ. ಬಿ.ಸರೋಜಾದೇವಿ- ಸಿನಿಮಾ - 2025-ಬಾಕ್ಸ್-ಡಾ.ವಿಷ್ಣುವರ್ಧನ್‌ ಸ್ಮಾರಕಕ್ಕೆ ಜಾಗ?ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಸಚಿವ ಸಂಪುಟ ಸಭೆಯಿಂದಲೇ ಭಾರತಿ ವಿಷ್ಣುವರ್ಧನ್‌ ಅವರಿಗೆ ಕರೆ ಮಾಡಿ ಕರ್ನಾಟಕ ರತ್ನ ಪ್ರಶಸ್ತಿ ಘೋಷಿಸುತ್ತಿರುವ ಕುರಿತು ಮಾಹಿತಿ ನೀಡಿದರು. ಇನ್ನು ಕರ್ನಾಟಕ ರತ್ನ ಪ್ರಶಸ್ತಿ ಪುರಸ್ಕೃತರ ಸ್ಮಾರಕ ನಿರ್ಮಾಣಕ್ಕೆ ಸರ್ಕಾರ ಅಗತ್ಯ ಜಾಗ ಒದಗಿಸಲು ಕರ್ನಾಟಕ ರತ್ನ ಪ್ರಶಸ್ತಿ ನಿಯಮಾವಳಿಗಳಲ್ಲೇ ಅವಕಾಶ ಇದೆ. ಹೀಗಾಗಿ ಅಭಿಮಾನ್‌ ಸ್ಟುಡಿಯೋದಲ್ಲಿ ಸ್ಮಾರಕಕ್ಕಾಗಿ 10 ಗುಂಟೆ ಜಾಗ ನೀಡುವಂತೆ ಡಾ.ಭಾರತಿ ವಿಷ್ಣುವರ್ಧನ್‌ ಅವರು ಮಾಡಿರುವ ಮನವಿಗೂ ಸರ್ಕಾರ ಸ್ಪಂದಿಸಲಿದೆ. ಈ ಬಗ್ಗೆ ಅರಣ್ಯ ಇಲಾಖೆ ಪ್ರಧಾನ ಕಾರ್ಯದರ್ಶಿ ಅಂಜುಮ್‌ ಪರ್ವೇಜ್‌ ಅವರೊಂದಿಗೆ ಮುಖ್ಯಮಂತ್ರಿಗಳು ಈಗಾಗಲೇ ಮಾತನಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಸೂಪರ್‌ಸ್ಟಾರ್‌ ಬಿ. ಸರೋಜಾದೇವಿಹುಟ್ಟಿದ್ದು 1938ರ ಜ.7ರಂದು. ಊರು ಬೆಂಗಳೂರು. ಪೊಲೀಸ್ ಅಧಿಕಾರಿಯಾಗಿದ್ದ ಭೈರಪ್ಪ ಮತ್ತು ರುದ್ರಮ್ಮ ದಂಪತಿಯ ನಾಲ್ಕನೇ ಸುಪುತ್ರಿ. 17ನೇ ವಯಸ್ಸಿನಲ್ಲಿಯೇ ಬಣ್ಣ ಹಚ್ಚಿದ ಸಾಧಕಿ. ಮೊದಲು ಬಣ್ಣ ಹಚ್ಚಿದ ಚಿತ್ರ ‘ಶ್ರೀರಾಮಪೂಜ’. ಮೊದಲು ಬಿಡುಗಡೆಯಾಗಿದ್ದು ‘ಮಹಾಕವಿ ಕಾಳಿದಾಸ’. 1957ರಲ್ಲಿ ‘ಪಾಂಡುರಂಗ ಮಹಾತ್ಯಂ’ ಮೂಲಕ ತೆಲುಗಿಗೂ, 1958ರಲ್ಲಿ ಎಂಜಿಆರ್‌ಗೆ ನಾಯಕರಾಗಿ ನಟಿಸಿದ್ದ ‘ನಾಡೋಡಿ ಮನ್ನನ್’ ಮೂಲಕ ತಮಿಳಿಗೆ ಪದಾರ್ಪಣೆ ಮಾಡಿದರು. ನಾಲ್ಕು ಭಾಷೆಯ ಸೂಪರ್‌ಸ್ಟಾರ್‌ಗಳ ಜೊತೆ ನಟಿಸಿ ‘ಅಭಿನಯ ಸರಸ್ವತಿ’ ಎಂದು ಕರೆಸಿಕೊಂಡರು. ದಕ್ಷಿಣ ಭಾರತದ ಮೊದಲ ಮಹಿಳಾ ಸೂಪರ್‌ಸ್ಟಾರ್‌ ಎಂಬ ಅಭಿದಾನಕ್ಕೂ ಭಾಜನರಾಗಿದ್ದರು. ಚತುರ್ಭಾಷಾ ತಾರೆ ಅನ್ನಿಸಿಕೊಂಡಿದ್ದ ಅವರು 200 ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದರು. ಅವರ ಅಭಿನಯದ ಕೊನೆಯ ಸಿನಿಮಾ ಪುನೀತ್ ರಾಜ್‌ಕುಮಾರ್ ನಟನೆಯ ‘ನಟ ಸಾರ್ವಭೌಮ’. ಚಿತ್ರರಂಗಕ್ಕೆ ನೀಡಿದ ಅಪಾರ ಕೊಡುಗೆಗಾಗಿ ಅ‍ವರಿಗೆ ಪದ್ಮಭೂಷಣ, ಪದ್ಮಶ್ರೀ, ಕರ್ನಾಟಕ ಸರ್ಕಾರದ ರಾಜ್ಯೋತ್ಸವ ಪ್ರಶಸ್ತಿ, ಡಾ. ರಾಜ್‌ಕುಮಾರ್ ಪ್ರಶಸ್ತಿ, ಆಂಧ್ರ ಪ್ರದೇಶ ಸರ್ಕಾರದ ಎನ್.ಟಿ.ಆರ್. ರಾಷ್ಟ್ರೀಯ ಪ್ರಶಸ್ತಿ, ತಮಿಳುನಾಡು ಸರ್ಕಾರದ ಕಲೈಮಾಮಣಿ ಪ್ರಶಸ್ತಿ ದೊರೆತಿದೆ. ಇವರು 2025ರ ಜುಲೈ 14ರಂದು ನಿಧನರಾದರು.

220 ಸಿನಿಮಾಗಳಲ್ಲಿ ನಟಿಸಿದ್ದ

ಕನ್ನಡ, ತಮಿಳು, ತೆಲುಗು, ಮಲಯಾಳಂ, ಹಿಂದಿ ಭಾಷೆಗಳಲ್ಲಿ 220ಕ್ಕೂ ಅಧಿಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಕೆಲವು ಚಿತ್ರಗಳಿಗೆ ಹಿನ್ನೆಲೆ ಗಾಯನವನ್ನೂ ಮಾಡಿದ್ದಾರೆ. ಪತ್ನಿ ಭಾರತಿ ವಿಷ್ಣುವರ್ಧನ್‌ ಹಾಗೂ ವಿಷ್ಣುವರ್ಧನ್‌ ಜೋಡಿ ಅನೇಕ ಸಿನಿಮಾದಲ್ಲಿ ಜೊತೆಗೆ ನಟಿಸಿದ್ದು, ಈ ಜೋಡಿ ಬಹಳ ಜನಪ್ರಿಯವಾಗಿತ್ತು. ಸಿನಿಮಾ ಕ್ಷೇತ್ರದಲ್ಲಿನ ಇವರ ಕೊಡುಗೆಗಾಗಿ ಬೆಂಗಳೂರು ವಿಶ್ವವಿದ್ಯಾಲಯ ಡಾಕ್ಟರೇಟ್‌ ಪದವಿ ನೀಡಿ ಗೌರವಿಸಿದೆ. 2009ರ ಡಿಸೆಂಬರ್ 30ರಂದು ಅವರು ವಿಧಿವಶರಾದರು.