ಸದ್ವಿಚಾರದಿಂದ ಜ್ಞಾನ ಹೆಚ್ಚಳದ ಜತೆಗೆ ಜೀವನ ಜಾಗೃತ

ಮುಂಡರಗಿ: ಸಂಸಾರಸ್ಥರಿಗೆ ಮನೆಯಲ್ಲಿ ಮಗು ಹುಟ್ಟಿದರೆ ಅದು ಪುತ್ರೋತ್ಸವ ಆಗುತ್ತದೆ.ಅದೇ ಸನ್ಯಾಸಿಗಳಿಗೆ ಮಠಗಳಲ್ಲಿ ಪುಸ್ತಕಗಳು ಪ್ರಕಟಗೊಂಡರೆ ಅದು ಪುಸ್ತಕೋತ್ಸವವಾಗುತ್ತದೆ ಎಂದು ಕೊಪ್ಪಳದ ಜ.ಅಭಿನವ ಗವಿಸಿದ್ದೇಶ್ವರ ಮಹಾಸ್ವಾಮೀಜಿ ಹೇಳಿದರು.

ಮನುಷ್ಯನಿಗೆ ಎಂದಿಗೂ ಸದ್ವಿಚಾರ, ಒಳ್ಳೆಯ ಮಾತು ಇದ್ದರೆ ಜ್ಞಾನ ಹೆಚ್ಚುತ್ತ ಜೀವನ ಜಾಗೃತವಾಗಿರುತ್ತದೆ. ಅದೇ ಕೆಟ್ಟ ವಿಚಾರದ ಮಾತುಗಳಿಂದ ಜೀವನ ಹಾಳಾಗುತ್ತದೆ, ಹೀಗಾಗಿ ಸದ್ಭಕ್ತರಲ್ಲಿ ಇಂತಹ ವಿಚಾರ ತುಂಬಲು ಧರ್ಮಸಭೆ ಮತ್ತು ಸ್ವಾಮೀಜಿಗಳ ಹಿತ ವಚನ ಏರ್ಪಡಿಸಲಾಗುತ್ತಿದೆ ಎಂದರು.

ಹೂವಿನಶಿಗ್ಲಿಯ ಡಾ. ಚನ್ನವೀರಸ್ವಾಮಿಗಳು , ದೊಡ್ಡಯಂಕಣ್ಣ ಯರಾಶಿ ಸೇರಿದಂತೆ ಅನೇಕರು ಮಾತನಾಡಿದರು. ಕಾರ್ಯಕ್ರಮದಲ್ಲಿ ನವದೆಹಲಿಯ ಶ್ರೀಕಂಠ ಚೌಕಿಮಠ ಅವರಿಗೆ ಶ್ರೀಜಗದ್ಗುರು ಅನ್ನದಾನೀಶ್ವರ ಪ್ರತಿಷ್ಠಾನ ಪುರಸ್ಕಾರ ನೀಡಿ ಗೌರವಿಸಲಾಯಿತು. ಗೌರವ ಸ್ವೀಕರಿಸಿದ ಶ್ರೀಕಂಠ ಚೌಕಿಮಠ ಮಾತನಾಡಿ, ಸಮಾಜಕ್ಕಾಗಿ ಯಾವುದೇ ಪ್ರತಿಫಲಾಪೇಕ್ಷೆ ಇಲ್ಲವರನ್ನು ಶ್ರೀಮಠ ಗುರುತಿಸಿ ಗೌರವಿಸುವದು ಒಂದು ಕಡೆಯಾದರೆ ಇದು ದೊಡ್ಡ ಜವಾಬ್ದಾರಿ ಹೊರಿಸಿದಂತಾಗಿದೆ ಎಂದರು.

ಉತ್ತರಾಧಿಕಾರಿ ಡಾ. ಮಲಿಕಾರ್ಜುನ ಸ್ವಾಮೀಜಿ, ಕನಕಗಿರಿ ಡಾ. ಚನ್ನಮಲ್ಲ ಸ್ವಾಮೀಜಿ, ಕುಕನೂರ ಮಹಾದೇವ ಸ್ವಾಮೀಜಿ, ಜಾತ್ರಾ ಸಮಿತಿ ಅಧ್ಯಕ್ಷ ವಿ.ಜಿ. ಹಿರೇಮಠ, ಕರಬಸಪ್ಪ ಹಂಚಿನಾಳ, ಡಾ.ಬಿ.ಜಿ. ಜವಳಿ, ಎಂ.ಎಸ್. ಶಿವಶೆಟ್ಟರ, ನಾಗೇಶ ಹುಬ್ಬಳ್ಳಿ, ಹೇಗಿರೀಶ ಹಾವಿನಾಳ, ರವೀಂದ್ರಗೌಡ ಪಾಟೀಲ, ದೇವು ಹಡಪದ, ಶಿವು ವಾಲಿಕಾರ, ಮುದಿಯಪ್ಪ ಕುಂಬಾರ, ಶಿವು ನಾಡಗೌಡರ, ಎಸ್.ಸಿ. ಚಕ್ಕಡಿಮಠ, ಅನುಪಕುಮಾರ ಹಂಚಿನಾಳ, ವಿರೇಶ ಸಜ್ಜನರ, ಮಂಜುನಾಥ ಶಿವಶೆಟ್ಟರ್‌, ಪ್ರಶಾಂತಗೌಡ ಗುಡದಪ್ಪನವರ, ಗುಡದೀರಪ್ಪ ಲಿಂಬಿಕಾಯಿ ಸೇರಿದಂತೆ ಯಾತ್ರಾ ಸಮಿತಿ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಎಸ್.ಎಸ್. ಮಠದ, ಎಸ್.ಎಸ್. ಇನಾಮತಿ, ನಾಗಭೂಷಣ ಹಿರೇಮಠ ನಿರೂಪಿಸಿದರು.