ಮಳೆ-ಗಾಳಿಗೆ ಬಿದ್ದ ಮರಗಳನ್ನು ತೆರವು ಮಾಡಲು ಪಾಲಿಕೆ ಸಿಬ್ಬಂದಿ ಕೊರತೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಜಿಬಿಎ ಅರಣ್ಯ ಇಲಾಖೆಯಲ್ಲಿ ಪ್ರಸ್ತುತ 13 ಅಧಿಕಾರಿಗಳು ಕಾರ್ಯ ನಿರ್ವಹಿಸುತ್ತಾರೆ. ಇವರ ಅಧೀನದಲ್ಲಿ ಮರ ಗಿಡಗಳ ನಿರ್ವಹಣೆಗಾಗಿ ಗುತ್ತಿಗೆ ಆಧಾರದ ಮೇಲೆ ತಲಾ 8 ಸಿಬ್ಬಂದಿ ಇರುವ 33 ‘ಟ್ರಿ ಕೆನಾಪಿ ಮ್ಯಾನೇಜ್‌ಮೆಂಟ್‌’ ತಂಡಗಳು ಕಾರ್ಯ ನಿರ್ವಹಿಸುತ್ತಿವೆ. ಆದರೆ, ಒಂದೇ ದಿನದಲ್ಲಿ ಸಾವಿರಾರು ಮರಗಳಿಗೆ ಹಾನಿಯಾಗಿರುವ ಕಾರಣ ಸೀಮಿತ ಸಂಖ್ಯೆಯ ಸಿಬ್ಬಂದಿಯಿಂದ ಮರಗಳನ್ನು ತೆರವುಗೊಳಿಸುವುದು ಸವಾಲಿನ ಕೆಲಸವಾಗಿದೆ.

ಮರಗಳನ್ನು ಕಡಿಯಲು ಸಕಲೇಶಪುರದಿಂದ ಕಾರ್ಮಿಕರನ್ನು ಕರೆಸಲಾಗುತ್ತಿದೆ. ಆದರೆ, ಅಲ್ಲಿಯು ಸ್ಥಳೀಯವಾಗಿ ಆಚರಿಸುವ ಸುಗ್ಗಿ ಹಬ್ಬ, ಮದುವೆ ಕಾರ್ಯಕ್ರಮಗಳು, ಸಾಲು ರಜೆಗಳು ಇರುವುದರಿಂದ ಕಾರ್ಮಿಕರು ಸಿಗುತ್ತಿಲ್ಲ. ಆದರೂ, ಇಲಾಖೆಯ ಸಂಪರ್ಕದಿಂದ ಹೆಚ್ಚೆಚ್ಚು ಕಾರ್ಮಿಕರನ್ನು ಮರ ಕಡಿಯುವ ಕೆಲಸಕ್ಕೆ ಬಳಸಿಕೊಳ್ಳಲಾಗುತ್ತಿದೆ ಎಂದು ಜಿಬಿಎ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಜಿ.ಕೆ.ಸುದರ್ಶನ್ ಹೇಳಿದರು.

ದುರ್ಬಲ ಮರಗಳೇ ಹೆಚ್ಚು ಧರಶಾಹಿ

ಬಿದ್ದಿರುವ ಮರಗಳನ್ನು ತೆರವುಗೊಳಿಸಲು ಅಗತ್ಯವಿರುವ ಹೆಚ್ಚಿನ ಸಿಬ್ಬಂದಿಯನ್ನು ಸಕಲೇಶಪುರದಿಂದ ಕರೆಸಿಕೊಳ್ಳಲಾಗಿದೆ. ಹೊಸ ಟೆಂಡರ್ ಪ್ರಕ್ರಿಯೆ ಅಂತಿಮಗೊಂಡರೆ ಹೆಚ್ಚಿನ ಸಿಬ್ಬಂದಿ ಲಭ್ಯವಾಗುತ್ತಾರೆ.