ಆರ್‌ಎಂಎಸ್‌ಎ ಪ್ರಸಕ್ತ ಶೈಕ್ಷಣಿಕ ವರ್ಷದಿಂದಲೇ ಆರಂಭ?

ಕನ್ನಡಪ್ರಭ ವಾರ್ತೆ ಗುಂಡ್ಲುಪೇಟೆ

ರಾಜ್ಯ ಸರ್ಕಾರ ೧೦೨೪-೨೫ ನೇ ಸಾಲಿನ ಶಾಲಾ ಶಿಕ್ಷಣ ಲಾಖೆ (ಪದವಿ ಪೂರ್ವ) ಸಂಬಂಧಿಸಿದ ಆಯವ್ಯಯ ಘೋಷಿತ ಕಂಡಿಕೆ ೯೯(೧) ರಲ್ಲಿನ ಕಾರ್ಯಕ್ರಮ ಅನುಷ್ಠಾನಗೊಳಿಸಲು ಸರ್ಕಾರಿ ಆದರ್ಶ ವಿದ್ಯಾಲಯಗಳನ್ನು ವಾಣಿಜ್ಯ ಮತ್ತು ವಿಜ್ಞಾನ ವಿಷಯಗಳ ಸಂಯೋಜನೆಯೊಂದಿಗೆ (K,E PCMB/PCMCs & EBACs) ಪದವಿ ಪೂರ್ವ ಕಾಲೇಜಾಗಿ ಉನ್ನತೀಕರಿಸಲು ರಾಜ್ಯ ಸರ್ಕಾರ ಅನುಮೋದನೆ ನೀಡಿ ಆದೇಶ ಹೊರಡಿಸಿದೆ.

ಖರೀದಿಗಳಿಗೆ ಸಂಬಂಧಿಸಿದಂತೆ ಎಲ್ಲಾ ಖರೀದಿ ನಿಯಮಗಳನ್ನು ಹಾಗೂ ಕರ್ನಾಟಕ ಸಾರ್ವಜನಿಕ ಸಂಗ್ರಹಣೆಗಳಲ್ಲಿ ಪಾರದರ್ಶಕತೆ ಅಧಿ ನಿಯಮ ೧೯೯೯ ಮತ್ತು ಅದರಡಿ ಹೊರಡಿಸಲಾದ ನಿಯಮಗಳನ್ನು ಪಾಲಿಸಬೇಕು. ೨೦೨೪-೨೫ ನೇ ಸಾಲಿಗೆ ಕಾಲೇಜಿಗೆ ಮಂಜೂರು ಮಾಡಲಾದ ಭಾಷಾ ವಿಷಯ ಹಾಗೂ ಸಂಯೋಜನೆಗಳಿಗೆ ಸಂಬಂಧಿಸಿದಂತೆ ಕಡಿಮೆ ಕಾರ್ಯ ಭಾರವಿರುವ ಉಪನ್ಯಾಸಕರ ನಿಯೋಜಿಸಬೇಕು. ನಿಯೋಜನೆಗೆ ಉಪನ್ಯಾಸಕರು ಲಭ್ಯವಿಲ್ಲದಿದ್ದಲ್ಲಿ ಎಲ್ಲಾ ೯ ಹುದ್ದೆಗಳಿಗೆ ಅತಿಥಿ ಉಪನ್ಯಾಸಕರನ್ನು ಪಡೆದ ತರಗತಿ ಆರಂಭಿಸಲು ಸೂಚನೆ ನೀಡಲಾಗಿದೆ. ಹೊಸದಾಗಿ ಆರಂಭವಾಗಲಿರುವ ಆದರ್ಶ ಪದವಿ ಪೂರ್ವ ಕಾಲೇಜಿಗೆ ಪ್ರಭಾರ ಪ್ರಾಂಶುಪಾಲರಾಗಿ ಕಬ್ಬಹಳ್ಳಿ ಸರ್ಕಾರಿ ಕಾಲೇಜಿನ ಉಪನ್ಯಾಸಕ ಬಸವನಾಯಕ ನೇಮಕವಾಗಿದ್ದಾರೆ.

ಪ್ರಭಾರ ಪ್ರಾಂಶುಪಾಲ ಬಸವನಾಯಕ ಆದರ್ಶ ವಿದ್ಯಾಲಯಕ್ಕೆ ಭೇಟಿ ನೀಡಿ ಕ್ಲಾಸ್‌ರೂಂ , ಲ್ಯಾಬ್‌ ರೂಂ, ಸ್ಟಾಪ್‌ ರೂಂ, ಕಚೇರಿ ರೂಂ ಗುರುತಿಸಿ ಉಪ ನಿರ್ದೇಶಕರಿಗೆ ವರದಿ ಕೂಡ ಸಲ್ಲಿಸಿದ್ದಾರೆ. ಪ್ರಸಕ್ತ ಆದರ್ಶ ವಿದ್ಯಾಲಯದಲ್ಲಿ ಎಸ್‌ಎಸ್ಎಲ್‌ಸಿ ಓದುತ್ತಿರುವ ವಿದ್ಯಾರ್ಥಿಗಳೊಂದಿಗೆ ಆದರ್ಶ ವಿದ್ಯಾಲಯದ ಮುಖ್ಯ ಶಿಕ್ಷಕ ಎಂ.ಸುಕನ್ಯ ಜೊತೆಗೂಡಿ ಪ್ರಭಾರ ಪ್ರಾಂಶುಪಾಲರು ಚರ್ಚಿಸಿ ಹೊಸದಾಗಿ ಆರಂಭವಾಗುವ ಕಾಲೇಜಿನಲ್ಲೇ ಓದಿ ಎಂದು ಮನವಿ ಮಾಡಿ ಕೊಟ್ಟಿದ್ದಾರೆ.

ಆದರ್ಶ ವಿದ್ಯಾಲಯ ಇನ್ನುಮುಂದೆ ಆದರ್ಶ ಪದವಿ ಪೂರ್ವ ಕಾಲೇಜು ಆಗಲಿದ್ದು ವಿದ್ಯಾರ್ಥಿಗಳು ಹಾಗೂ ಪೋಷಕರೊಂದಿಗೆ ಮತ್ತೊಮ್ಮೆ ಚರ್ಚಿಸಿ ಕಾಲೇಜಿಗೆ ಸೇರಿಸಲು ಮನವೊಲಿಸಲಾಗುವುದು.