10ರಂದು ರಥೋತ್ಸವ, ಅಗ್ನಿ ಕೊಂಡೋತ್ಸವಟ್ಟಣದ ಇತಿಹಾಸ ಪ್ರಸಿದ್ಧ ಶ್ರೀ ವೀರಭದ್ರೇಶ್ವರಸ್ವಾಮಿ ರಥೋತ್ಸವ ಹಾಗೂ ಅಗ್ನಿ ಕೊಂಡೋತ್ಸವವು ಅ.10 ರಂದು ನಡೆಯಲಿದೆ. ರಥೋತ್ಸವದ ಹಿನ್ನಲೆಯಲ್ಲಿ ಕಳೆದ 13 ದಿನಗಳಿಂದ ವಿವಿಧ ಧಾರ್ಮಿಕ ಪೂಜಾ ಕೈಂಕರ್ಯಗಳು ನಡೆಯುತ್ತಿವೆ. ರಥೋತ್ಸವದ ಪ್ರಯುಕ್ತ ಕಳೆದ ಸೆ.25ರಿಂದ ಅ.7ರ ವರೆಗೆ ಅಂಕುರಾರ್ಪಣೆ, ಧ್ವಜಾರೋಹಣ, ಕಲಶಸ್ಥಾಪನೆ, ಕೌತುಕಧಾರಣ, ನಂದಿವಾಹನ, ನವಿಲುವಾಹನ, ತ್ರಿಪುರ ಸಂಹಾರ ಲೀಲೆ, ಪಲ್ಲಕಿ ಉತ್ಸವ, ಚಂದ್ರಮಂಡಲೋತ್ಸವ ಸೇವೆ ಸೇರಿದಂತೆ ಹಲವು ಬಗೆಯ ಧಾರ್ಮಿಕ ಕಾರ್ಯಗಳು ನಡೆದವು. ಅ.8ರ ಭಾನುವಾರ ದಕ್ಷಬ್ರಹ್ಮ ಸಂಹಾರ ಸೇವೆ. ಅ.9ರ ಸೋಮವಾರ ಹೋಮ ಹವನಾದಿ ಪೂಜಾ ಕೈಂಕರ್ಯಗಳು ನಡೆಯಲಿವೆ. ಅ.10ರ ಮಂಗಳವಾರ ರಥೋತ್ಸವ ಹಾಗೂ ಅಗ್ನಿ ಕೊಂಡೋತ್ಸವ ನಡೆಯಲಿದೆ.