ಶಾಸಕರ ನಕಲಿ ಲೆಟರ್ ಹೆಡ್ ಬಳಸಿ ವರ್ಗಕ್ಕೆ ಯತ್ನಿಸಿದ ಅರಣ್ಯಾಧಿಕಾರಿ!

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಕಾಡುಗೋಡಿಯಲ್ಲಿರುವ ರಾಜ್ಯ ಅರಣ್ಯ ಇಲಾಖೆಯ ತಾಂತ್ರಿಕ ಮತ್ತು ಆಡಳಿತ ತರಬೇತಿ ಸಂಸ್ಥೆಯ ಅಧಿಕಾರಿ ಹರಿಕಿರಣ್ ವೆಂ.ಭಟ್ ಮೇಲೆ ಆರೋಪ ಬಂದಿದೆ. ಈ ಸಂಬಂಧ ತುಮಕೂರು ಜಿಲ್ಲೆ ಗುಬ್ಬಿ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಎಸ್.ಆರ್‌.ಶ್ರೀನಿವಾಸ್‌ ಅವರ ಆಪ್ತ ಸಹಾಯಕ ಅನಂತ್‌ ಕುಮಾರ್ ದೂರು ನೀಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಆ ಲೆಟರ್‌ ಹೆಡ್‌ನಲ್ಲಿ ತಾಂತ್ರಿಕ ಮತ್ತು ಆಡಳಿತ ತರಬೇತಿ ಸಂಸ್ಥೆಯಲ್ಲಿರುವ ಹರಿಕಿರಣ್‌ ಅವರು ಪಾವಗಡ ತಾಲೂಕಿನ ಅರಣ್ಯ ವಲಯ ಸಂರಕ್ಷಣಾಧಿಕಾರಿ ಹುದ್ದೆಗೆ ವರ್ಗಾವಣೆಗೆ ಶಾಸಕರ ಸಹಿಯುಳ್ಳ ಶಿಫಾರಸು ಮಾಡಿದ್ದರು. ಹೀಗಾಗಿ ಶಾಸಕರ ಲೆಟರ್‌ ಹೆಡ್‌ ಅನ್ನು ಅಕ್ರಮವಾಗಿ ದುರುಪಯೋಗಪಡಿಸಿ ಕೊಂಡಿರುವ ಅರಣ್ಯಾಧಿಕಾರಿ ಹರಿಕಿರಣ್ ಹಾಗೂ ಇಬ್ಬರು ಅಪರಿಚಿತರ ಮೇಲೆ ಕಾನೂನುಕ್ರಮ ಜರುಗಿಸುವಂತೆ ಒತ್ತಾಯಿಸಿ ವಿಧಾನಸೌಧ ಠಾಣೆಗೆ ಶಾಸಕರ ಪಿಎ ದೂರು ನೀಡಿದ್ದರು. ಅದರನ್ವಯ ಎಫ್‌ಐಆರ್ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.