ದೇಶದಲ್ಲಿ ಎಷ್ಟೇ ನೇಮಕಾತಿ ಪರ್ವಗಳನ್ನು ನಡೆಸಿದರೂ ಕೇಂದ್ರ ಸರ್ಕಾರದಲ್ಲಿ 8.23 ಲಕ್ಷಕ್ಕೂ ಹೆಚ್ಚು ಮಂಜೂರಾದ ಹುದ್ದೆಗಳು ಖಾಲಿ ಇವೆ ಎಂಬ ಉತ್ತರ ಮಾಹಿತಿ ಹಕ್ಕಿನ ಅಡಿ ಕೇಳಲಾದ ಪ್ರಶ್ನೆಯಿಂದ ಲಭಿಸಿದೆ.
ಭೋಪಾಲ್: ದೇಶದಲ್ಲಿ ಎಷ್ಟೇ ನೇಮಕಾತಿ ಪರ್ವಗಳನ್ನು ನಡೆಸಿದರೂ ಕೇಂದ್ರ ಸರ್ಕಾರದಲ್ಲಿ 8.23 ಲಕ್ಷಕ್ಕೂ ಹೆಚ್ಚು ಮಂಜೂರಾದ ಹುದ್ದೆಗಳು ಖಾಲಿ ಇವೆ ಎಂಬ ಉತ್ತರ ಮಾಹಿತಿ ಹಕ್ಕಿನ ಅಡಿ ಕೇಳಲಾದ ಪ್ರಶ್ನೆಯಿಂದ ಲಭಿಸಿದೆ.
ವಿವಿಧ ಇಲಾಖೆಗಳವರೆಗೆ ಹುದ್ದೆಗಳು ಖಾಲಿ
ರೈಲ್ವೆ, ರಕ್ಷಣಾ ಮತ್ತು ಗೃಹ ಇಲಾಖೆಯಿಂದ ಹಿಡಿದು ರಾಷ್ಟ್ರಪತಿಗಳ ಸಚಿವಾಲಯ ಮತ್ತು ಪ್ರಧಾನ ಮಂತ್ರಿ ಕಚೇರಿಯವರೆಗೆ ಹಾಗೂ ಕೇಂದ್ರ ಸರ್ಕಾರದ ವಿವಿಧ ಇಲಾಖೆಗಳವರೆಗೆ ಇಷ್ಟು ಹುದ್ದೆಗಳು ಖಾಲಿ ಇವೆ. ಆದರೆ ಈ ಅಂಕಿ ಅಂಶವು ಸಾರ್ವಜನಿಕ ವಲಯದ ಬ್ಯಾಂಕುಗಳು ಅಥವಾ ಸಾರ್ವಜನಿಕ ವಲಯದ ಸಂಸ್ಥೆಗಳ (ಪಿಎಸ್ಯು) ಖಾಲಿ ಹುದ್ದೆಗಳನ್ನು ಒಳಗೊಂಡಿಲ್ಲ.
ಪ್ರತಿ 5 ಹುದ್ದೆಗಳಲ್ಲಿ 1 ಹುದ್ದೆ ಖಾಲಿ
ಮಾರ್ಚ್ 1, 2024ರ ವೇಳೆಗೆ ಒಟ್ಟು 39,23,212 ಮಂಜೂರಾದ ಹುದ್ದೆಗಳಿದ್ದವು. ಇದಕ್ಕೆ ಪ್ರತಿಯಾಗಿ ಕೇವಲ 30,99,556 ಉದ್ಯೋಗಿಗಳು ಮಾತ್ರ ಕೆಲಸದಲ್ಲಿ ಇದ್ದರು. ಅಂದರೆ, 8,23,656 ಹುದ್ದೆಗಳು ಅಥವಾ ಶೇ.21ರಷ್ಟು ಹುದ್ದೆಗಳು ಖಾಲಿಯಾಗಿ ಉಳಿದಿವೆ ಎಂದು ಮಧ್ಯಪ್ರದೇಶದ ನೀಮಚ್ ಮೂಲದ ಕಾರ್ಯಕರ್ತ ಚಂದ್ರ ಶೇಖರ್ ಗೌರ್ ಸಲ್ಲಿಸಿದ ಆರ್ಟಿಐ ಅರ್ಜಿಯಿಂದ ಗೊತ್ತಾಗಿದೆ, ಅರ್ಥಾತ್ ಸರ್ಕಾರ ಮಂಜೂರು ಮಾಡಿದ ಪ್ರತಿ 5 ಹುದ್ದೆಗಳಲ್ಲಿ 1 ಹುದ್ದೆ ಖಾಲಿ ಇದೆ.
Related Articles
ಆರ್ಟಿಐ ಮಾಹಿತಿಯ ಪ್ರಕಾರ, ರಾಷ್ಟ್ರಪತಿಗಳ ಸಚಿವಾಲಯ 803 ಅನುಮೋದಿತ ಹುದ್ದೆ ಹೊಂದಿತ್ತು ಆದರೆ ಕೇವಲ 516 ಜನರು ಮಾತ್ರ ಹುದ್ದೆಯಲ್ಲಿದ್ದರು, ಇದರಿಂದಾಗಿ 287 ಹುದ್ದೆಗಳು ಖಾಲಿಯಾಗಿವೆ. ಪ್ರಧಾನ ಮಂತ್ರಿ ಕಚೇರಿಯ 315 ಹುದ್ದೆಗಳಲ್ಲಿ 126 ಖಾಲಿ ಇದ್ದವು.
