)
)
)
ಸಾರಾಂಶ
ರಾಷ್ಟ್ರೀಯ ಏರೋಸ್ಪೇಸ್ ಪ್ರಯೋಗಾಲಯ (ಎನ್‌ಎಎಲ್‌) 90 ದಿನಗಳ ಕಾಲ ಸತತವಾಗಿ ಹಾರಾಟ ನಡೆಸಬಲ್ಲ ಸೋಲಾರ್‌ ವಿಮಾನವನ್ನು ಅಭಿವೃದ್ಧಿಪಡಿಸಿದೆ.
ನವದೆಹಲಿ: 90 ದಿನ ಸತತವಾಗಿ ಹಾರಾಟ ನಡೆಸಬಲ್ಲ ಸೋಲಾರ್‌ ವಿಮಾನವನ್ನು ಬೆಂಗಳೂರಿನ ರಾಷ್ಟ್ರೀಯ ಏರೋಸ್ಪೇಸ್ ಪ್ರಯೋಗಾಲಯ (ಎನ್‌ಎಎಲ್‌) ಅಭಿವೃದ್ಧಿಪಡಿಸಿದ್ದು, ಇದು ರಕ್ಷಣಾ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಬೆಳವಣಿಗೆ ಎನ್ನಲಾಗಿದೆ.
ಹೈ-ಆಲ್ಟಿಟ್ಯೂಡ್‌ ಪ್ಲಾಟ್‌ಫಾರ್ಮ್‌ (ಎಹ್‌ಎಪಿ) ಎಂಬ ಹೆಸರಿನ ಈ ವಿಮಾನ ಭೂಮಿಯಿಂದ 17ರಿಂದ 20 ಕಿ.ಮೀ. ಎತ್ತರದಲ್ಲಿ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿದೆ. ಇದು 12 ಮೀ. ಉದ್ದವಿದ್ದು, ಸುಸಜ್ಜಿತವಾದಾಗ 22 ಕೆ.ಜಿ. ತೂಗುತ್ತದೆ.‘ಈ ವಿಮಾನವು ಸಂಘರ್ಷದ ಸಮಯದಲ್ಲಿ ಸೃಷ್ಟಿಯಾಗಬಲ್ಲ ಸವಾಲುಗಳನ್ನು ಸಮರ್ಥವಾಗಿ ನಿರ್ವಹಿಸುತ್ತದೆ. ಜೊತೆಗೆ ಗುಪ್ತಚರ, ಕಣ್ಗಾವಲು, ಸ್ಥಳಪರಿಶೀಲನೆ, ಹಾಗೂ ಸಂವಹನಕ್ಕೆ ಸಹಕಾರಿಯಾಗಿದೆ. ವಾಯುರಕ್ಷಣಾ ಸೇವೆಗಳಿಗೆ ಬಳಸಿದಾಗ, ಕಾರ್ಯಾಚರಣೆಗಳನ್ನು ನಿರ್ದೇಶಿಸುವಲ್ಲಿಯೂ ಇದು ಪ್ರಮುಖ ಪಾತ್ರ ನಿರ್ವಹಿಸುತ್ತದೆ’ ಎಂದು ಎನ್‌ಎಎಲ್‌ ಹೇಳಿದೆ.
ಈಗಾಗಲೇ ಸತತವಾಗಿ 64 ಗಂಟೆ ಹಾರಬಲ್ಲ ಏರ್‌ಬಸ್ ಜೆಫಿರ್ ಎಂಬ ಎಹ್‌ಎಪಿಯನ್ನು ಅಮೆರಿಕ ಹೊಂದಿದೆ. ಬ್ರಿಟನ್‌ ಜರ್ಮನಿ, ನ್ಯೂಜಿಲೆಂಡ್‌ ದೇಶಗಳು ಇಂತಹ ವಿಮಾನ ಅಭಿವೃದ್ಧಿ ಪಡಿಸಲು ಶ್ರಮಿಸುತ್ತಿವೆ.ಇದೇ ವೇಳೆ, ಬೆಂಗಳೂರು ಮೂಲದ ನ್ಯೂ ಸ್ಪೇಸ್‌ ರಿಸರ್ಚ್‌ ಆಂಡ್‌ ಟೆಕ್ನಾಲಜೀಸ್‌ ಸಂಸ್ಥೆ 24 ಗಂಟೆಗಳ ಕಾಲ ಸತತ ಹಾರಾಟ ನಡೆಸಬಲ್ಲ ಮೂಲಮಾದರಿಯನ್ನು ತಯಾರಿಸಿದೆ.
)
)
)
;Resize=(128,128))
)