‘ಲಿಂಗಾಯತ’ ಮಾನವ ಹಕ್ಕುಗಳ ಪ್ರತಿಪಾದಕ: ನಿಜಗುಣಾನಂದ ಸ್ವಾಮಿ

ಕನ್ನಡಪ್ರಭ ವಾರ್ತೆ, ಬೀದರ್‌

ಅವರು ಬುಧವಾರ ಸಂಜೆ ಇಲ್ಲಿನ ಬಿವಿ ಭೂಮರೆಡ್ಡಿ ಕಾಲೇಜು ಮೈದಾನದಲ್ಲಿ ಲಿಂಗಾಯಕ ಮಠಾಧೀಶರ ಒಕ್ಕೂಟದಿಂದ ಆಯೋಜಿಸಲಾಗಿದ್ದ ಬಸವ ಸಂಸ್ಕೃತಿ ಅಭಿಯಾನದ ಕಾರ್ಯಕ್ರಮದ ಸಾನಿಧ್ಯ ವಹಿಸಿ ಮಾತನಾಡಿ, ಶ್ರೇಣಿಕೃತ ಸಂಸ್ಕೃತಿಯ ದೌಲತ್ತು, ದರ್ಪದ ಕಾಲದಲ್ಲಿ ಬಸವಣ್ಣ ಸಹೋದರತ್ವ, ಸೌಹಾರ್ದತೆಯನ್ನು ಬಿಂಬಿಸುವ ಬಸವ ಸಂಸ್ಕೃತಿಯನ್ನು ತಂದುಕೊಟ್ಟಿದ್ದು ಮಾನವ ಪ್ರೇಮದ ಘನತೆಯ ಸಂಸ್ಕೃತಿಯನ್ನು ಲಿಂಗಾಯತ ಪ್ರತಿಬಿಂಬಿಸುತ್ತದೆ ಎಂದರು.

ಬಸವ ಸಂಸ್ಕೃತಿ ಇತರ ಜಿಲ್ಲೆಗಳಲ್ಲಿ ಅಡ್ಡ ಗೋಡೆಯ ಮೇಲೆ ದೀಪ ಇಟ್ಟಂತೆ ನಡೆದರೆ ಬೀದರ್‌ ಅದಕ್ಕೆ ಬೇರು. ಇಲ್ಲೇನಾದರೂ ಗೆದ್ದಲು ಹತ್ತಿದರೆ ಎಲ್ಲವೂ ನಾಶವಾಗುತ್ತೆ ಎಚ್ಚರ. ಬೇರಿಗೆ ನೀರೆರುವ ಕಾರ್ಯಕ್ರಮವೇ ಈ ಬಸವ ಸಂಸ್ಕೃತಿ ಅಭಿಯಾನ ಎಂದು ನಿಜಗುಣಾನಂದ ಶ್ರೀಗಳು ಹೇಳಿದರು.

ಲಿಂಗಾಯತ ಮಠಾಧಿಪತಿಗಳ ಒಕ್ಕೂಟದ ಅಧ್ಯಕ್ಷರಾದ ನಾಡೋಜ ಬಸವಲಿಂಗ ಪಟ್ಟದ್ದೇವರು ಮಾತನಾಡಿ, ನಾವು ಮಾಡಿದ್ದ ಸಂಕಲ್ಪಕ್ಕೆ ಇಂದಿನ ಸಭೆಯೇ ಸಾಕ್ಷಿಯಾಗಿದೆ ಎಂದರು.

ಬೆಳಗಾವಿಯ ಹಿರಿಯ ಸಾಹಿತಿ ಡಾ.ವಿ.ಎಸ್‌.ಮಾಳಿ ಅವರು ಅನುಭಾವ ಮಂಡಿಸಿದರು.

ಇದೇ ಸಂದರ್ಭದಲ್ಲಿ ಅಭಿಯಾನದ ಅಧ್ಯಕ್ಷರಾದ ಬಸವರಾಜ ಧನ್ನೂರ್‌ ದಂಪತಿಗಳಿಗೆ ಮಠಾಧೀಶರುಗಳು ಆಶೀರ್ವದಿಸಿ ಶ್ಲಾಘಿಸಿದರು. ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಪ್ರಶಸ್ತಿ ಪತ್ರ ಹಾಗೂ ನಗದು ಪುರಸ್ಕಾರ ಪ್ರದಾನ ಮಾಡಲಾಯಿತು.