ನಮ್ಮ ಮೆಟ್ರೋದಲ್ಲಿ ಸೆ.9ರಂದು 11 ಲಕ್ಷ ಜನರಿಂದ ಪ್ರಯಾಣ

ನಮ್ಮ ಮೆಟ್ರೋ ಕಾರ್ಯಾಚರಣೆ ವಿವರ ಬಿಡುಗಡೆ, 96.1 ಕಿಲೋ ಮೀಟರ್ ಸಂಚಾರ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಸೆಪ್ಟೆಂಬರ್ 1ರಿಂದ 30ರವರೆಗೆ ಪ್ರತಿ ದಿನ ಮೆಟ್ರೋದ ನೆರಳೆ ಮಾರ್ಗ, ಹಸಿರು ಮಾರ್ಗ, ಹಾಗೂ ಹಳದಿ ಮಾರ್ಗಗಳಲ್ಲಿ 10 ಲಕ್ಷ ಜನ ಸಂಚರಿಸಿದ್ದಾರೆ, ಅತಿ ಹೆಚ್ಚು ಪ್ರಯಾಣಿಕರು ಸೆ.9ರಂದು 11,45,262 ಮಂದಿ ಪ್ರಯಾಣಿಸಿದ್ದಾರೆ. ಜನದಟ್ಟಣೆ ಸಮಯದಲ್ಲಿ (ಬೆಳಗ್ಗೆ 10 ಹಾಗೂ ಸಂಜೆ 5ರ ಸಮಯ) ಈ ಮೂರು ಮಾರ್ಗಗಳಲ್ಲಿ ರೈಲು ಅತಿ ಕಡಿಮೆ ತಡವಾಗಿ ಬಂದ ಸಮಯ ಎಂದರೆ, ನೆರಳೆ ಮಾರ್ಗದಲ್ಲಿ 3.3 ನಿಮಿಷಗಳು. ಅತಿಹೆಚ್ಚು ತಡವಾಗಿ ಪ್ರಯಾಣಿಕರು ರೈಲಿಗಾಗಿ ಕಾದ ಸಮಯ ಎಂದರೆ ಹಳದಿ ಮಾರ್ಗದಲ್ಲಿ 6 ನಿಮಿಷಗಳು. ಇದನ್ನು ಹೊರತುಪಡಿಸಿ ಈ ತಿಂಗಳಲ್ಲಿ ಯಾವುದೇ ಅಡೆ ತಡೆ ಇಲ್ಲದೆ ಪ್ರಯಾಣಿಕರಿಗೆ ಮೆಟ್ರೋ ತನ್ನ ಸೇವೆ ನೀಡಿದೆ. ಸಮಯ ಪಾಲನೆಯಲ್ಲಿ ಶೇ 99.73ರಷ್ಟು ಸಾಧನೆ ತೋರಿದೆ ಎಂದು ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.