ವಿಜಯಪುರ: ಕಳೆದ ತಿಂಗಳು ಬೆಂಗಳೂರಿನ ರಾಜೀವ ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ ನಡೆಸಿದ ಯುನಾನಿ ಸ್ನಾತಕೋತ್ತರ ಕೋರ್ಸಿನ ಅಂತಿಮ ವರ್ಷದ ಫಲಿತಾಂಶ ಪ್ರಕಟಗೊಂಡಿದ್ದು, ವಿಜಯಪುರದ ಸಿಕ್ಯಾಬ ಸಂಸ್ಥೆಯ ಲುಕ್ಮಾನ್ ಯುನಾನಿ ಮೆಡಿಕಲ್ ಕಾಲೇಜ್ ಆಸ್ಪತ್ರೆ ಮತ್ತು ಸಂಶೋಧನಾ ವಿಭಾಗದ ಸ್ನಾತಕೋತ್ತರ ವಿದ್ಯಾರ್ಥಿಗಳು 5 ರ್ಯಾಂಕ್ ತಮ್ಮದಾಗಿಸಿಕೊಂಡು ಕಾಲೇಜಿನ ಮತ್ತು ವಿಶ್ವವಿದ್ಯಾಲಯದ ಘನತೆ ಹೆಚ್ಚಿಸಿದ್ದಾರೆ.
ಮೆಡಿಸಿನ್ ವಿಭಾಗದ ರ್ಯಾಂಕ್ಗಳು :ಡಾ.ಮಹಮ್ಮದ್ ಸಂಜೀತ್ (71.92%) - ವಿ.ವಿ.ಗೆ ಪ್ರಥಮ ರ್ಯಾಂಕ್, ಡಾ.ಮೊಹಮ್ಮದಿ ಬೇಗಮ್. ಕೆ (71.75%) ವಿ.ವಿ.ಗೆ 2ನೆಯ ರ್ಯಾಂಕ್, ಡಾ.ಶಿಬಾ ಫಾತೀಮಾ(69.25%)- ವಿವಿಗೆ 5ನೆಯ ರ್ಯಾಂಕ್,
ಪ್ರಸೂತಿ ಮತ್ತು ಸ್ತ್ರೀರೋಗ ವಿಭಾಗದ ರ್ಯಾಂಕುಗಳು : ಡಾ.ಶೇಖ ಸಬನಾಜ ನಾಸೀರ್ ಅಹ್ಮದ್ (69.18%) ವಿವಿಗೆ 5ನೆಯ ರ್ಯಾಂಕ್, ಡಾ.ಶಫಾ ಆರಾ ಅಂಜುಮ್ .ಎ (67.64%) ವಿವಿಗೆ 6ನೆಯ ರ್ಯಾಂಕ್ ಪಡೆದಿದ್ದಾರೆ.ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಸಿಕ್ಯಾಬ ಸಂಸ್ಥೆಯ ಅಧ್ಯಕ್ಷ ಎಸ್. ಎಸ್. ಪುಣೆಕರ್, ಪ್ರಧಾನ ಕಾರ್ಯದರ್ಶಿ ಎ.ಎಸ್. ಪಾಟೀಲ, ಪ್ರಾಚಾರ್ಯೆ ಡಾ.ಶಹನಾಜ್ ಬಾನು, ಡೀನ್ ಡಾ.ಅಕೀಲ್ ಖಾದ್ರಿ ಮತ್ತು ಸಮಸ್ತ ಬೋಧಕ ಬೋಧಕೇತರ ಸಿಬ್ಬಂದಿ ಅಭಿನಂದಿಸಿದ್ದಾರೆ.
