ಕುಂಭಮೇಳಕ್ಕೆ ತೆರಳಿದ ಶೃಂಗೇರಿ ಶ್ರೀಗಳಿಗೆ ಸಂಭ್ರಮದ ಬೀಳ್ಕೊಡುಗೆ

ಹೊಸಪೇಟೆ: ಶಂಕರ ಭಗವತ್ಪಾದರ ಉಪದೇಶಗಳಲ್ಲಿ ಅಧ್ಯಾತ್ಮ, ಲೌಕಿಕ ಸಮಸ್ಯೆಗಳಿಗೆ ಪರಿಹಾರ ಇದೆ. ಅವರ ಬೋಧನೆಗಳನ್ನು ಪ್ರತಿಯೊಬ್ಬರೂ ಅನುಸರಿಸಬೇಕು ಎಂದು ಶೃಂಗೇರಿ ಶಾರದಾ ಪೀಠದ 37ನೇ ಪೀಠಾಧಿಪತಿ ವಿಧುಶೇಖರ ಭಾರತಿ ಸ್ವಾಮೀಜಿ ಹೇಳಿದರು.

ನಗರದ ಚಿಂತಾಮಣಿ ಮಠದಲ್ಲಿ ಗುರುವಾರ ರಾತ್ರಿ ಆಶೀರ್ವಚನ ನೀಡಿದ ಅವರು, ಶಂಕರರ ಚಿಂತನೆಗಳು, ವಿಚಾರಗಳು, ಬೋಧನೆಗಳು ಪರಮ ಶ್ರೇಷ್ಠ. ಅವುಗಳು ಅಧ್ಯಾತ್ಮದ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವುದರ ಜತೆಗೆ ಲೌಕಿಕ ಸಮಸ್ಯೆಗಳಿಗೂ ಅತ್ಯುತ್ತಮ ಪರಿಹಾರ ಮಾರ್ಗ ತೋರಿಸಿ ಕೊಡುತ್ತದೆ. ಇದನ್ನು ನಾವು ಅರ್ಥ ಮಾಡಿಕೊಂಡರೆ ಜೀವನ ಸುಗಮವಾಗುತ್ತದೆ ಎಂದರು.

ಸಾಧನಾ ಚತುಷ್ಠಯ:

ತಮ್ಮ ಮೂರು ದಿನಗಳ ಹೊಸಪೇಟೆ ಪ್ರವಾಸವನ್ನು ಅತ್ಯಂತ ಸಂಭ್ರಮದಿಂದ ಕೊನೆಗೊಳಿಸುವುದಕ್ಕೆ ಮೊದಲು ವಿಧುಶೇಖರ ಭಾರತಿ ಸ್ವಾಮೀಜಿ ಶುಕ್ರವಾರ ಬೆಳಗ್ಗೆ ನಗರದ ಕೋಟೆಯ ಶಂಕರಲಿಂಗ ದೇವಸ್ಥಾನಕ್ಕೆ, ನ್ಯೂ ಕೃಷ್ಣ ಲೇಔಟ್‌ನ ಗಾಯತ್ರಿ ದೇವಸ್ಥಾನಕ್ಕೆ ಹಾಗೂ ಚಿತ್ತವಾಡ್ಗಿಯ ದತ್ತಾತ್ರೇಯ ದೇವಸ್ಥಾನಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು.

ಬೆಳ್ಳಿ ಕುಂಭ ಸಮರ್ಪಣೆ:

ಹೊಸಪೇಟೆಯ ಸಮಸ್ತ ಜನರ ಒಳಿತಿಗಾಗಿ ಈ ಕುಂಭದ ಜಲವನ್ನು ತ್ರಿವೇಣಿ ಸಂಗಮದಲ್ಲಿ ವಿಸರ್ಜಿಸಿ, ಪವಿತ್ರ ಸ್ನಾನದ ಪುಣ್ಯ ಫಲವನ್ನು ನಗರದ ಜನತೆಗೆ ಒದಗಿಸಿಕೊಡಬೇಕು ಎಂದು ಶ್ರೀಗಳಲ್ಲಿ ಪ್ರಾರ್ಥಿಸಲಾಯಿತು.