ಯಾವುದೇ ಸಾಧನೆಗೆ ಉತ್ತಮ ಜೀವನಶೈಲಿ ಮುಖ್ಯ: ನ್ಯಾ.ಕೆ.ವೇಲಾ

- ಮಾದಕ ದ್ರವ್ಯ ವಿರೋಧಿ ದಿನ: ಜಾಗೃತಿ ಜಾಥಾಗೆ ಚಾಲನೆ

ಕನ್ನಡಪ್ರಭ ವಾರ್ತೆ ದಾವಣಗೆರೆ ನಿತ್ಯ ನಾವು ಡ್ರಗ್ಸ್ ಬಗ್ಗೆ ಸಾಕಷ್ಟು ಪ್ರಕರಣಗಳನ್ನು ಗಮನಿಸುತ್ತಿದ್ದೇವೆ. ಇಂತಹ ವಸ್ತುಗಳು ಯುವಜನತೆ ಮೇಲೆ ಪರಿಣಾಮ ಬೀರುತ್ತವೆ. ಗಾಂಜಾ, ಅಫೀಮುನಂತಹ ಮಾದಕ ವಸ್ತುಗಳ ಬಗ್ಗೆ ಗಮನಕ್ಕೆ ಬಂದರೆ ತಕ್ಷಣ ಮಕ್ಕಳು ಸಂಬಂಧಿಸಿದ ಅಧಿಕಾರಿಗಳಿಗೆ ಮಾಹಿತಿ ನೀಡಬೇಕು ಎಂದು ಜಿಲ್ಲಾ ಸತ್ರ ಪ್ರಧಾನ ನ್ಯಾಯಾಧೀಶರಾದ ಕೆ.ವೇಲಾ ದಾಮೋದರ್ ಹೇಳಿದರು.

ಜಿಲ್ಲಾಧಿಕಾರಿ ಜಿ.ಎಂ. ಗಂಗಾಧರ ಸ್ವಾಮಿ ಮಾತನಾಡಿ, ಡ್ರಗ್ಸ್ ಚಾಕೊಲೇಟ್, ಸಿಹಿ ರೂಪದಲ್ಲಿರಬಹುದು. ಅದನ್ನು ತಿಂದರೆ ನಿಮಗೆ ಮತ್ತು ಬಂದಂತಾದರೆ, ಏನಾದರೂ ತೊಂದರೆಯಾದರೆ ಕೂಡಲೇ ಇಲಾಖೆ ಗಮನಕ್ಕೆ ತರಬೇಕು. ಆಗ ನಾವು ಕ್ರಮ ಕೈಗೊಳ್ಳುತ್ತೇವೆ. ಡ್ರಗ್ಸ್ ಮಾರಾಟ ನಡೆದಲ್ಲಿ ನಮ್ಮ ಸಹಾಯವಾಣಿ 1933 ಅಥವಾ 112ಗೆ ತಿಳಿಸಿದರೆ ಸಾಕು. ಎಲ್ಲಿಯೂ ಮಾಹಿತಿದಾರರಾದ ನಿಮ್ಮ ಹೆಸರು ಬರದಂತೆ ಗೌಪ್ಯತೆ ಕಾಪಾಡಲಾಗುತ್ತದೆ. ವಿದ್ಯಾರ್ಥಿಗಳು ಜಿಲ್ಲಾಡಳಿತ, ಪೊಲೀಸ್ ಇಲಾಖೆ ಜೊತೆಗೆ ಕೈ ಜೋಡಿಸಬೇಕು ಎಂದರು.

ಜಾಥಾವು ಹೈಸ್ಕೂಲ್ ಮೈದಾನದಿಂದ ಆರಂಭಗೊಂಡು ಪ್ರವಾಸಿ ಮಂದಿರ ರಸ್ತೆ, ಪಿ.ಬಿ. ರಸ್ತೆಯ ಆರ್.ಎಚ್. ಧರ್ಮಛತ್ರ, ಮಹಾನಗರ ಪಾಲಿಕೆ ಮುಖಾಂತರ ರೇಣುಕಾ ಮಂದಿರ ತಲುಪಿತು.

-26ಕೆಡಿವಿಜಿ43, 44: