ಚಿಕ್ಕಮಗಳೂರಿನತ್ತ 18 ಕಾಡಾನೆಗಳ ಪ್ರಯಾಣ

ದಂಬದಹಳ್ಳಿಯ ಮಾರಿಕಟ್ಟೆ ಬಳಿ ಬಿಡಾರ । ಯಾವುದೇ ಆನೆಗೂ ಕಾಲರ್‌ ಐಡಿ ಇಲ್ಲ,

ಸುಮಾರು 60 ಆನೆಗಳ ಹಿಂಡಿನಿಂದ ಬೇರ್ಪಟ್ಟು ಕಳೆದ ಒಂದು ವಾರದಿಂದ ಮೂಡಿಗೆರೆ ತಾಲೂಕು ಮುಗಿಸಿ ಚಿಕ್ಕಮಗಳೂರು ತಾಲೂಕಿನಲ್ಲಿ ಜರ್ನಿ ಮುಂದುವರಿಸಿರುವ ಸುಮಾರು 18 ಕಾಡಾನೆಗಳ ಹಿಂಡು ಭಾನುವಾರ ಜಿಲ್ಲಾ ಕೇಂದ್ರದತ್ತ ಮುಖ ಮಾಡಿದೆ.

ಕಾರಣ, ಈ ಗುಂಪಿನಲ್ಲಿರುವ ಯಾವುದೇ ಆನೆ ಕೊರಳಿನಲ್ಲಿ ಕಾಲರ್‌ ಐಡಿ ಇಲ್ಲ. ಭುವನೇಶ್ವರಿ, ಬೀಟಮ್ಮ- 1 ಹಾಗೂ ಬೀಟಮ್ಮ- 2 ಆನೆಗಳ ಹಿಂಡಿನಲ್ಲಿ ಇದ್ದಿದ್ದರೆ ಅರಣ್ಯ ಇಲಾಖೆಯ ಕಚೇರಿಯಲ್ಲಿಯೇ ಕುಳಿತು ಗುಂಪಿನ ಚಲನವಲನದ ಮೇಲೆ ನಿಗಾ ಇಡಬಹುದಾಗಿತ್ತು. ಇದೀಗ ಗುಂಪಿನ ಮೇಲೆ ನಿಗಾ ಇಡುವುದು ಸವಾಲಾಗಿದೆ.

ಅವುಗಳ ಮೇಲೆ ನಿಗಾ ಇಡಬೇಕಷ್ಟೇ, ಕೆಣಕಿದರೆ ಪ್ರತಿರೋಧ ವ್ಯಕ್ತಪಡಿಸುವ ಸಾಧ್ಯತೆ ಇದೆ. ಅವುಗಳು ದಂಬದಹಳ್ಳಿಯ ಮಾರಿಕಟ್ಟೆಯಿಂದ ಹಿಂದಕ್ಕೆ ಹೋದರೆ ಸಮಸ್ಯೆ ಆಗಲಾರದು, ನಗರದ ಜನ ವಸತಿ ಪ್ರದೇಶಕ್ಕೆ ಪ್ರವೇಶ ಮಾಡಿದರೆ ಪರಿಸ್ಥಿತಿ ನಿಭಾಯಿಸುವುದು ಕಷ್ಟವಾಗಲಿದೆ ಎಂದು ಹೇಳಿದ್ದಾರೆ.ಮುಂಜಾಗ್ರತಾ ಕ್ರಮ:

ಆಲ್ದೂರು ಸಮೀಪದ ಪುರ ಬಳಿ ಶನಿವಾರ ಮೃತಪಟ್ಟ ಆನೆ ಸುತ್ತ ಇತರೆ ಆನೆಗಳು ಇದ್ದರಿಂದ ಶನಿವಾರ ಮರಣೋತ್ತರ ಪರೀಕ್ಷೆ ಮಾಡಲು ಆಗಿರಲಿಲ್ಲ. ಅವುಗಳು ಬೆಳಿಗ್ಗೆ ಸ್ಥಳದಲ್ಲಿ ಇರಲಿಲ್ಲ. ಹಾಗಾಗಿ ಭಾನುವಾರ ಮಧ್ಯಾಹ್ನ 3 ಗಂಟೆಗೆ ಆನೆ ಮೃತಪಟ್ಟ ಸ್ಥಳದಲ್ಲೇ ಮರಣೋತ್ತರ ಪರೀಕ್ಷೆ ಮಾಡಲಾಯಿತು.