ಜೋಯಿಡಾ ಸಾಹಿತ್ಯ ಸಮ್ಮೇಳನಕ್ಕೆ ಅಜನಾಳ ಭೀಮಾಶಂಕರ ಸರ್ವಾಧ್ಯಕ್ಷ

ಜೋಯಿಡಾ:

ಮೂಲತಃ ಜೋಯಿಡಾ ತಾಲೂಕಿನ ಮಾವಳಂಗಿ ಅವರಾಗಿರುವ ಶ್ರೀ ಭೀಮಾಶಂಕರ್ ಅಜನಾಳ್ ಅವರು ಕವನ ಸಂಕಲನ, ನಾಟಕಗಳನ್ನು ಬರೆದಿದ್ದಲ್ಲದೆ ನಟನೆ ಕೂಡ ಮಾಡಿದ್ದಾರೆ. ಸಾಹಿತ್ಯ ಸಂಕಲನಗಳಾದ ಭಾವ ಬೆಳದಿಂಗಳು ಕವನ ಸಂಕಲನ, ಸೋಲಿಲ್ಲದ ಸಾಧ್ವಿ, ಬಾಡದ ಹೂವುಗಳು, ಯಾರ ಹೊಣೆ ನಾಟಕ ಕೃತಿ ರಚಿಸಿದ ಇವರು ಸ್ವತಃ ನಾಟಕ ಅಭಿನಯಕಾರರು, ನಟನಾಕಾರರು ಆಗಿರುತ್ತಾರೆ. ಜನಮೆಚ್ಚಿದ ಶಿಕ್ಷಕ, ಜ್ಯೋತಿ ರಾಮ‌ಫುಲೆ ಇದು ಇವರ ಶೈಕ್ಷಣಿಕ ಸೇವೆಗೆ ಸಿಕ್ಕ ಪ್ರಶಸ್ತಿ ಆಗಿದೆ. ಇವರು ಎಂಎ, ಬಿ.ಇಡಿ ಪದವಿ ಪಡೆದ ಇವರು ಪ್ರಾಥಮಿಕ ಶಿಕ್ಷಕರಾಗಿ, ಪ್ರೌಢಶಾಲೆ ಮುಖ್ಯೋಪಾಧ್ಯಾಯರಾಗಿ, ಶಿಕ್ಷಣ ಸಂಯೋಜಕರಾಗಿ, ಸಮೂಹ ಸಂಪನ್ಮೂಲ ವ್ಯಕ್ತಿಗಳಾಗಿ ಜೋಯಿಡಾ ತಾಲೂಕಿನಲ್ಲಿ ಕಳೆದ 34 ವರ್ಷಗಳಿಂದ ಸೇವೆ ಸಲ್ಲಿಸಿರುತ್ತಾರೆ.