‘ಅಕ್ಕ’ ಇನ್ನು ನೆನಪು: ಬಡವಾದ ಬಸವ ಅನುಯಾಯಿಗಳು

ಕನ್ನಡಪ್ರಭ ವಾರ್ತೆ ಬೀದರ್‌

ಗುರುವಾರ ಲಿಂಗೈಕ್ಯರಾದ ಅಕ್ಕ ಅನ್ನಪೂರ್ಣನವರ ಪಾರ್ಥಿವ ಶರೀರದ ಅಂತಿಮ ಯಾತ್ರೆಯಲ್ಲಿ ಅವರ ಅನುಯಾಯಿಗಳು ವಚನ ಸಾಹಿತ್ಯವನ್ನು ತಮ್ಮ ತಲೆಯ ಮೇಲೆ ಹೊತ್ತು ಪಾಲ್ಗೊಂಡಿದ್ದರು.

ನಗರದ ಪಾಪನಾಶ ದೇವಸ್ಥಾನದ ಬಳಿಯ ಬಸವ ಗಿರಿಯ ವರೆಗೆ ನಡೆದ ಅಂತಿಮಯಾತ್ರೆಯಲ್ಲಿ ಸಾವಿವಾರು ಸಂಖ್ಯೆಯಲ್ಲಿ ಅವರ ಭಕ್ತರು, ಅನುಯಾಯಿಗಳು ಪಾಲ್ಗೊಂಡು ಅಕ್ಕನವರನ್ನು ನೆನೆದು ಕಣ್ಣೀರು ಹಾಕಿದರಲ್ಲದೇ ಅವರ ಶರೀರಕ್ಕೆ ಪುಷ್ಪ ನಮನ ಸಲ್ಲಿಸಿ ಅಂತಿಮ ದರ್ಶನ ಪಡೆದರು.

ಅಕ್ಕ ಗಂಗಾಂಬಿಕೆ ಅವರು ವಚನ ಪಠಣ ಮಾಡಿದರು. ಬೈಲೂರು ನಿಷ್ನಿಕಲ ಮಂಟಪದ ನಿಜಗುಣಾನಂದ ಸ್ವಾಮಿಗಳು, ಕೂಡಲಸಂಗಮದ ಜಗದ್ಗುರು ಡಾ. ಗಂಗಾಮಾತಾ, ಹುಲಸೂರಿನ ಶಿವಾನಂದ ಮಹಾಸ್ವಾಮಿಗಳು, ಭಾಲ್ಕಿ ಹಿರೇಮಠ ಸಂಸ್ಥಾನದ ಗುರುಬಸವ ಪಟ್ಟದ್ದೇವರು, ಡಾ. ಗಂಗಾಬಿಕೆ ಅಕ್ಕ, ಕೌಠಾದ ಸಿದ್ದರಾಮ ಶರಣ ಬೆಲ್ದಾಳ, ಡಾ. ಬಸವಲಿಂಗ ಅವಧೂತರು, ಗುರುಮಿಠಕಲ್‌ ಶ್ರೀಗಳು, ಜಿಲ್ಲಾ ಉಸ್ತುವಾರಿ ಸಚಿವರಾದ ಈಶ್ವರ ಖಂಡ್ರೆ, ಕೇಂದ್ರ ಸಚಿವರಾದ ಭಗವಂತ ಖೂಬಾ, ಮಾಜಿ ಸಚಿವರಾದ ರಾಜಶೇಖರ ಪಾಟೀಲ್‌ ಹುಮನಾಬಾದ್‌, ಮಾಜಿ ಸಚಿವೆ ಶಶಿಕಲಾ ಜೊಲ್ಲೆ, ಸಂಸದ ಅಣ್ಣಾಸಾಹೇಬ ಜೊಲ್ಲೆ, ಶಕುಂತಲಾ ಬೆಲ್ದಾಳೆ, ಸಾವಿತ್ರಿ ಸಲಗರ, ಶಾಹೀನ್‌ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಡಾ. ಅಬ್ದುಲ್‌ ಖದೀರ, ಬುಡಾ ಅಧ್ಯಕ್ಷ ಬಸವರಾಜ ಜಾಬಶೆಟ್ಟಿ, ಪ್ರಮುಖರಾದ ಗುರುನಾಥ ಕೊಳ್ಳೂರ, ಸೂರ್ಯಕಾಂತ ನಾಗಮಾರಪಳ್ಳಿ, ಬಸವರಾಜ ಧನ್ನೂರ, ಶರಣಪ್ಪ ಮಿಠಾರೆ ರಮೇಶ ಮಠಪತಿ, ಬಾಬು ವಾಲಿ, ಜಯರಾಜ ಖಂಡ್ರೆ, ಶಿವಶಂಕರ ಟೋಕರೆ, ಚಂದ್ರಶೇಖರ ಹೆಬ್ಬಾಳೆ, ಅಲ್ಲಂಪ್ರಭು ನಾವದಗೇರೆ, ಶಿವಕುಮಾರ ಸಾಲಿ, ಡಾ. ಎಸ್‌ಆರ್‌ ಮಠಪತಿ ವೀರಶೆಟ್ಟಿ ಪಟ್ನೆ, ವಿರುಪಾಕ್ಷ ಗಾದಗಿ, ವಿಜಯಕುಮಾರ ಸೋನಾರೆ, ನವಲಿಂಗ ಪಾಟೀಲ್‌, ವೈಜನಾಥ ಸಜ್ಜನಶೆಟ್ಟಿ, ರಮೇಶ ಮಠಪತಿ ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.