ಅರಸೀಕೆರೆ ಪುರಸಭೆಯಿಂದ ಬಡವರಿಗೆ ಸೈಟ್‌ ಹಂಚಿಕೆ

ಕನ್ನಡಪ್ರಭ ವಾರ್ತೆ ಬೇಲೂರು

ಕ್ಯಾಲೆಂಡರ್ ಉದ್ಘಾಟನೆ ನಡೆಸಿ ಮಾತನಾಡಿದ ಪುರಸಭೆ ಅಧ್ಯಕ್ಷ ಎ ಆರ್ ಅಶೋಕ್, ಹೊಯ್ಸಳ ವಿದ್ಯುತ್ ಉಪಕರಣಗಳ ರಿಪೇರಿದಾರರ ಕಾರ್ಮಿಕರ ಸಂಘ ಉತ್ತಮವಾದ ಕೆಲಸವನ್ನು ನಿರ್ವಹಣೆ ಮಾಡಿದೆ. ಕ್ಯಾಲೆಂಡರ್ ಬಿಡುಗಡೆ ಕಾರ್ಯಕ್ರಮವನ್ನು ದೊಡ್ಡ ದೊಡ್ಡ ಇಂಡಸ್ಟ್ರಿ ಉಳ್ಳವರು ಕೇವಲ ಹೆಸರು ಮಾಡಲು ಮಾತ್ರ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳುತ್ತಿದ್ದರು. ಆದರೆ ನೀವು ಕಷ್ಟಪಟ್ಟು ಮೇಲೆ ಬಂದು ಈ ಕ್ಯಾಲೆಂಡರ್ ಅನ್ನು ಬಿಡುಗಡೆ ಮಾಡುತ್ತಿರುವುದು ಸಂತೋಷದ ವಿಚಾರ. ಪುರಸಭಾ ಅಧ್ಯಕ್ಷನಾಗಿ ನಾನು ಹಾಗೂ ಶಾಸಕರು ಸೈಟ್ ಹಂಚಿಕೆಯನ್ನು ಮಾಡಬೇಕೆಂದು ತೀರ್ಮಾನಿಸಿದ್ದು ಅದು ಇನ್ನೇನು ಹತ್ತಿರಕ್ಕೆ ಬಂದಿದ್ದು ನಿಮ್ಮ ಸಂಘದಲ್ಲಿ ಅತಿ ಬಡವರು ಯಾರಾದರೂ ಇದ್ದರೆ ನಮಗೆ ಕೂಡಲೇ ತಿಳಿಸಿ ಅಂಥವರಿಗೆ ಪುರಸಭೆಯಿಂದ ಒಂದು ಸೈಟನ್ನು ಕೊಡುತ್ತೇವೆ. ಈ ಸಂಘದಲ್ಲಿ ಸದಸ್ಯರು ತೀರ ಕಷ್ಟದಲ್ಲಿದ್ದಾರೆ ಅವರಿಗೆ ಪುರಸಭೆಯದ ಸಹಾಯಧನವನ್ನು ಕೊಡಿಸುತ್ತೇವೆ. ಸಂಘಕ್ಕೆ ಒಂದು ನಿವೇಶನವನ್ನು ಮಾಡಿಸಿಕೊಡಬೇಕೆಂದು ಕೇಳಿಕೊಂಡಿದ್ದಾರೆ ಅದರಂತೆ ನಮ್ಮ ಲೇಔಟ್ ಒಳಗಡೆ ಸಿ ಎ ಸೈಟ್ ಎಂಬುದನ್ನು ಕೊಡಲು ಅವಕಾಶವಿದ್ದು ಮುಂದಿನ ದಿನಗಳಲ್ಲಿ ಅಧಿಕಾರಿಗಳೊಂದಿಗೆ ಚರ್ಚಿಸಿ ಪರಿಶೀಲನೆ ನಡೆಸಿ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದರು.

ಪುರಸಭೆ ಸದಸ್ಯ ಜಗದೀಶ್ ಮಾತನಾಡಿ, ಹೊಯ್ಸಳ ವಿದ್ಯುತ್ ಉಪಕರಣಗಳ ರಿಪೇರಿದಾರರ ಕಾರ್ಮಿಕರ ಸಂಘವು ಕ್ಯಾಲೆಂಡರ್ ಬಿಡುಗಡೆ ಮಾಡುತ್ತಿರುವುದು ವಿಶೇಷ ಸಂಗತಿಯಾಗಿದ್ದು, ಸಮಾಜದ ಕೆಲವು ಮುಖ್ಹ ಗಣ್ಯರು ಸಮಾಜ ಸೇವಕರು ತಮ್ಮ ಪ್ರಚಾರಕ್ಕಾಗಿ ಕ್ಯಾಲೆಂಡರ್‌ಗಳನ್ನು ಕೆಲವು ಸಮಯಗಳಲ್ಲಿ ಬಿಡುಗಡೆ ಮಾಡುತ್ತಾರೆ. ಆದರೆ ಈ ಸಂಘವು ಒಂದು ವಿಭಿನ್ನ ಪ್ರಯತ್ನದೊಂದಿಗೆ ವಿಶೇಷವಾದ ಕ್ಯಾಲೆಂಡರ್ ಬಿಡುಗಡೆ ಮಾಡಿದ್ದಾರೆ. ಪುರಸಭೆ ವತಿಯಿಂದ ಏನಾದರೂ ಸಹಾಯ ಬೇಕು ಅಂದರೆ ಅಗತ್ಯವಾಗಿ ಮಾಡಿಕೊಡುತ್ತೇವೆ ಎಂದರು.

=====

ಹೊಯ್ಸಳ ವಿದ್ಯುತ್ ಉಪಕರಣಗಳ ರಿಪೇರಿದಾರರ ಕಾರ್ಮಿಕರ ಸಂಘದಿಂದ ಕ್ಯಾಲೆಂಡರ್ ಬಿಡುಗಡೆ ಕಾರ್ಯಕ್ರಮ ನಡೆಯಿತು.