ಕುಂಭಮೇಳ ದೇವಲೋಕದ ಅಪೂರ್ವ ಸಂಗಮ: ಡಾ.ಕೈಲಾಸನಾಥ ಶ್ರೀ

ಕನ್ನಡಪ್ರಭ ವಾರ್ತೆ ಕೊಲ್ಹಾರ: ಉತ್ತರ ಪ್ರದೇಶದ ಪ್ರಯಾಗರಾಜದಲ್ಲಿ ನಡೆಯುತ್ತಿರುವ ಮಹಾಕುಂಭ ಮೇಳ ನಿಜಕ್ಕೂ ಸನಾತನ ಧರ್ಮೀಯರ ದೇವಲೋಕದ ಅಪೂರ್ವ ಸಂಗಮ ಎಂದು ಪಟ್ಟಣದ ಶೀಲವಂತ ಹಿರೇಮಠದ ಡಾ.ಕೈಲಾಸನಾಥ ಮಹಾಸ್ವಾಮಿಗಳು ಹೇಳಿದರು.

144 ವರ್ಷಗಳಿಗೊಮ್ಮೆ ನಡೆಯುವ ಮಹಾಕುಂಭ ಮೇಳ ಈ ವರ್ಷದ ಮಾಘ ಮಾಸದಲ್ಲಿ ನಡೆಯುತ್ತಿರುವದು ಮಹತ್ವಪೂರ್ಣಣದ್ದಾಗಿದೆ. ಸನಾತನ ಧರ್ಮೀಯರು ಜ.13ರಿಂದ ಫೆ.26ರವರೆಗೆ ಮಾಡುವ ಪುಣ್ಯ ಸ್ನಾನ ಪವಿತ್ರಮಯವಾದುದು. ಮಹಾಕುಂಭ ಮೇಳದಲ್ಲಿ ಭಾಗವಹಿಸಿಲು ಸಾಧ್ಯವಾಗದವರು ಹೋಗಿ ಬಂದಿರುವವರಿಂದ ತೀರ್ಥ ಪ್ರಸಾದ ಪಡೆದು ಭಕ್ತಿ ಭಾವದಿಂದ ಸ್ವೀಕರಿಸಿದರೆ ಅಮೃತ ಸ್ನಾನ ಮಾಡಿದ ಭಾಗ್ಯ ಲಭಿಸುವುದು. ಈ ಸಲದ ಮಹಾಕುಂಭ ಮೇಳ ಮಾನವ ಜನ್ಮದ ಸಾರ್ಥಕತೆಗೆ ಸನ್ಮಾರ್ಗ, ಸರ್ವ ಜನಾಂಗದ ಸಮಾನತೆ, ಸರ್ವರಲ್ಲಿ ದೈವಿ ಭಾವ ಕಾಣುವದೆ ತ್ರೀವೇಣಿ ಸಂಗಮ ಸ್ನಾನದ ಪ್ರಾಮುಖ್ಯತೆ ಪಡೆಯಿತು ಎಂದರು.