ಜನರ ದುಃಖಗಳನ್ನು ಕಡಿಮೆ ಮಾಡುವ ದಾರಿದೀಪವಾಗಿ: ಡಾ. ಸುಜಾತ ರಾಥೋಡ್

ಕನ್ನಡಪ್ರಭ ವಾರ್ತೆ ಚಾಮರಾಜನಗರ

ಚಾಮರಾಜನಗರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ೪ನೇ ಘಟಿಕೋತ್ಸವದ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಆರೋಗ್ಯ ರಕ್ಷಣೆ ವಿತರಣಾ ವ್ಯವಸ್ಥೆಯು ಮನುಷ್ಯನ ಕೌಶಲ್ಯ ಮತ್ತು ಯಂತ್ರಗಳ ರೂಪದಲ್ಲಿ ಕಂಡುಬರುವ ತಂತ್ರಜ್ಞಾನದ ನಡುವೆ ಇರುವ ಅತ್ಯಂತ ಅದ್ಭುತವಾದ ಬಾಂಧವ್ಯವಾಗಿದೆ ಎಂದರು.

ಡಿಜಿಟಲ್ ಜಗತ್ತಿನಲ್ಲಿ ಉತ್ತಮ ಆರೋಗ್ಯ ಮತ್ತು ಸ್ವಾಸ್ಥ್ಯದ ರಾಯಭಾರಿಗಳಾಗುವತ್ತ ಮುನ್ನಡೆಯಿರಿ, ಆರೋಗ್ಯಕರ ಸಮಾಜವನ್ನು ಹೊಂದಲು ತಡೆಗಟ್ಟುವ ಮಾರ್ಗಗಳು ಯಾವುವು ಎಂಬುದನ್ನು ಗುರುತಿಸಲು ಕಲಿಯಿರಿ ಎಂದು ಕಿವಿಮಾತು ಹೇಳಿದರು.

ಪದವಿ ಸ್ವೀಕಾರ ಇದು ನಿಮ್ಮ ಜೀವನದ ಪ್ರಮುಖ ಘಟ್ಟ, ಇಂತಯ ಸನ್ನಿವೇಶವು ನಿಮ್ಮ ಜೀವನದಲ್ಲಿ ಒಂದು ಬಾರಿ ಬರುವುದು, ಇಲ್ಲಿಂದ ನಿಮ್ಮ ಜೀವನ ವಿವಿಧ ಘಟ್ಟಗಳಲ್ಲಿ ಬದಲಾಗುತ್ತದೆ, ಜನರ ಸೇವೆ ಮಾಡುವ ಅವಕಾಶ ನಿಮಗೆ ಸಿಕ್ಕಿದೆ, ಹಣವೇ ಮುಖ್ಯವಲ್ಲ, ದೇಶದ, ಸಮಾಜದ ಆರೋಗ್ಯ ಕಾಪಾಡುತ್ತಾ ಕರ್ತವ್ಯದಲ್ಲಿ ಪ್ರಾಮಾಣಿಕತೆ ಮೆರೆಯಿರಿ ಎಂದು ಸಲಹೆ ನೀಡಿದರು.

ಅಧ್ಯಕ್ಷತೆ ವಹಿಸಿದ್ದ ಸಿಮ್ಸ್ ಡೀನ್, ನಿರ್ದೇಶಕ ಡಾ.ಎಚ್.ಜಿ.ಮಂಜುನಾಥ್ ಮಾತನಾಡಿ, ವೈದ್ಯ ವೃತ್ತಿ ಜಗತ್ತಿನ ಶ್ರೇಷ್ಠ ವೃತ್ತಿಯಾಗಿದೆ, ವೈದ್ಯರಾದವರು ಶಿಸ್ತು, ಸಂಯಮ, ಆತ್ಮವಿಶ್ವಾಸ ಮೈಗೂಡಿಸಿಕೊಳ್ಳಬೇಕು, ನಿಮ್ಮ ನಗುಮೊಗದ ಸೇವೆ ರೋಗಿಗಳ ಶೇ. ೮೦ರಷ್ಟು ಕಾಯಿಲೆ ವಾಸಿಮಾಡುತ್ತದೆ ಎಂದು ತಿಳಿಸಿದರು.

೨೦೧೯ನೇ ಬ್ಯಾಚ್ ನ ‘ಅಭ್ಯುದಯನ್ಸ್’ ವಿದ್ಯಾರ್ಥಿಗಳು ಶೈಕ್ಷಣಿಕ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡಿದ್ದು, ೧೫೦ ವಿದ್ಯಾರ್ಥಿಗಳ ಪೈಕಿ ೧೪೭ ವಿದ್ಯಾರ್ಥಿಗಳು ಪದವಿ ಪಡೆದರು.

ಇದಲ್ಲದೇ ಹಲವಾರು ವಿದ್ಯಾರ್ಥಿಗಳು ವಿವಿಧ ವಿಷಯಗಳಲ್ಲಿ ಆರ್.ಜಿ.ಯು.ಎಚ್.ಎಸ್ ರಾಜ್ಯ ಮಟ್ಟದ ಶ್ರೇಣಿಗಳನ್ನು ಪಡೆದಿರುತ್ತಾರೆ. ಡಾ. ಎನ್. ವಿನುತಾ, (ಮೈಕ್ರೋ ಬಯೋಲಜಿ ಇ.ಎನ್.ಟಿ) ಡಾ. ಎಂ. ಶ್ರೇಯಸ್, (ಆಪ್ತಲ್ ಮೋಲಾಜಿ) ಡಾ. ಮೇಹಾ ಜೋಶಿಪುರ (ಮೈಕ್ರೋ ಬಯೋಲಜಿ) ಡಾ. ಗೋವಿಂದ್ ಕೌಸ್ತುಭ್, (ಪೆಡ್ರಿಯಾಟಿಕ್) ಡಾ. ಪ್ರತೀಕ್‌ಗೌಡ ಹಾಗೂ ಡಾ. ಎಚ್.ಎಂ. ಸುಮ (ಪಿ.ಎಸ್.ಎಂ) ವಿಷಯದಲ್ಲಿ ಟಾಪರ್ ಗಳಾಗಿದ್ದಾರೆ.