ಪಟ್ಟಣ ಸೌಂದರ್ಯೀಕರಣ ನೆಪದಲ್ಲಿ ದೌರ್ಜನ್ಯ

ಕನ್ನಡಪ್ರಭ ವಾರ್ತೆ ವಿಜಯಪುರ

ಈ ವೇಳೆ ಹರಳಯ್ಯ ಸಮಾಜದ ಮುಖಂಡ ರಾಘವೇಂದ್ರ ಬಿಜಾಪುರ ಮಾತನಾಡಿ, ತಾಳಿಕೋಟಿ ಬಸ್ ನಿಲ್ದಾಣದ ಕಾಂಪೌಂಡ್‌ ಹೊಂದಿಕೊಂಡಿರುವ ಪರಿಶಿಷ್ಠ ಜಾತಿಗೆ ಸೇರಿದ ಸಮಾಜದ ಅಧಿಕೃತ ಲಿಡ್ಕರ್‌ ಅಂಗಡಿಗಳನ್ನು ನ್ಯಾಯಾಲಯದ ಆದೇಶವಿದ್ದರೂ ದುರುದ್ದೇಶಪೂರ್ವಕವಾಗಿ ಪುರಸಭೆ ಮುಖ್ಯಾಧಿಕಾರಿ ಮೋಹನ ಜಾಧವ ಕೆಡವಿ ನಾಶ ಮಾಡಿದ್ದಾರೆ ಎಂದು ಆರೋಪಿಸಿದರು.

ಅಂಗಡಿಗಳಿಂದ ರಸ್ತೆ ಅಗಲಿಕರಣಕ್ಕೆ ಅಡಚಣೆಯಾಗಿಲ್ಲ. ಸಮಗಾರ(ಚಮ್ಮಾರ) ಸಮಾಜದವರು ಚಪ್ಪಲಿ ಮಾರುವವರು ಬಸ್ ನಿಲ್ದಾಣ ಮುಂದೆ ಇದ್ದರೆ ನಗರದ ಸೌಂದರ್ಯ ಕುಗ್ಗಿಸುತ್ತದೆ ಎನ್ನುವ ಜಾತಿ ಮೇಲಿರುವ ಕೀಳರಿಮೆಯಿಂದ ಈ ರೀತಿ ಅನ್ಯಾಯ ಮಾಡುತ್ತಿದ್ದಾರೆ ಎಂದು ಜಿಲ್ಲಾಧಿಕಾರಿಗಳ ಮುಂದೆ ಅಳಲು ತೋಡಿಕೊಂಡರು.

ಪ್ರತಿಭಟನಾಕಾರರ ಮನವಿ ಆಲಿಸಿದ ಜಿಲ್ಲಾಧಿಕಾರಿ ಟಿ.ಭೂಬಾಲನ್ ಪ್ರತಿಕ್ರಿಯಿಸಿ, ಅದೇ ಸ್ಥಳದಲ್ಲಿ ನಿಮಗೆ ಮುಂದುವರೆಸಿದರೆ ಮತ್ತೆ ಅವರು ಅಂಗಡಿಗಳನ್ನು ತೆರವುಗೊಳಿಸಬಹುದು. ಅದನೆಲ್ಲ ಯೋಚಿಸಿ ತಮಗೆ ಶಾಶ್ವತವಾದ ಪರಿಹಾರವನ್ನು ಕಲ್ಪಿಸಿಕೊಡುವ ಉದ್ದೇಶದಿಂದ ವ್ಯಾಪರಕ್ಕೆ ಸೂಕ್ತ ಸ್ಥಳವನ್ನು ನಾವು ನೋಡುತ್ತಿದ್ದೇವೆ. ಅದರ ಜೊತೆಗೆ ನೀವು ನೋಡಿ ಅಥವಾ ಸೂಕ್ತ ಸ್ಥಳವಿದ್ದಲ್ಲಿ ನನಗೆ ತಿಳಿಸಿ ನಾನು ಖಂಡಿತ ತಮಗೆ ಶಾಶ್ವತ ಪರಿಹಾರವನ್ನು ಕಲ್ಪಿಸುತ್ತೇನೆಂದು ಆಶ್ವಾಸನೆ ನೀಡಿದರು.

ಈ ವೇಳೆ ಶ್ರೀಮಂತ ಹೊನ್ನಕಾಂಬಳೆ, ಲಕ್ಷ್ಮಣ ಕುಂದರಗಿ, ಸುನೀಲ ಜೈನಾಪೂರ, ಸಂತೋಷ ಬಗಲಿ, ಮುತ್ತಪ್ಪ ಜೋಗಿ, ಚಂದ್ರಶೇಖರ ವಿಜಾಪುರ, ಪರಶುರಾಮ ಇಲಕಲ್ಲ, ಪರಶುರಾಮ ವಿಜಾಪುರ, ಶೌಕತ ಲಾಹೋರಿ, ಮಧು ಇಲಕಲ್ಲ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.