ಕಾರ್ಕಳದ ಅತ್ತೂರಿನಲ್ಲಿರುವ ರಕ್ತಸಾಕ್ಷಿ ಸಂತ ಲಾರೆನ್ಸ್ ಅವರಿಗೆ ಸಮರ್ಪಿತವಾದ ಪ್ರಸಿದ್ಧ ಬಸಿಲಿಕಾದಲ್ಲಿ ವಾರ್ಷಿಕ ಮಹೋತ್ಸವವು ಭಕ್ತಿಭಾವ ಮತ್ತು ವೈಭವದಿಂದ ಆರಂಭಗೊಂಡಿತು.

ಕಾರ್ಕಳ: ಕಾರ್ಕಳದ ಅತ್ತೂರಿನಲ್ಲಿರುವ ರಕ್ತಸಾಕ್ಷಿ ಸಂತ ಲಾರೆನ್ಸ್ ಅವರಿಗೆ ಸಮರ್ಪಿತವಾದ ಪ್ರಸಿದ್ಧ ಬಸಿಲಿಕಾದಲ್ಲಿ ವಾರ್ಷಿಕ ಮಹೋತ್ಸವವು ಭಕ್ತಿಭಾವ ಮತ್ತು ವೈಭವದಿಂದ ಆರಂಭಗೊಂಡಿತು.

ಮಹೋತ್ಸವದ ಅಂಗವಾಗಿ ಸಂತ ಲಾರೆನ್ಸ್ ಅವರ ಪ್ರತಿಮೆಯನ್ನು ಮೂಲ ಸ್ಥಾನದಿಂದ ಪೂಜಾ ಸ್ಥಳಕ್ಕೆ ಕರೆದೊಯ್ಯುವ ಅದ್ಧೂರಿ ಮೆರವಣಿಗೆ ನಡೆಯಿತು. ಬಸಿಲಿಕಾದ ರೆಕ್ಟರ್ ಅತೀ ವಂ. ಅಲ್ಬನ್ ಡಿ''''''''ಸೋಜಾ ಅವರು ಪ್ರಾರ್ಥನೆಗಳನ್ನು ಮುನ್ನಡೆಸಿದರು.ಮಹೋತ್ಸವದ ಮೊದಲ ದಿನ ಬೆಳಿಗ್ಗೆ 7.30ಕ್ಕೆ ನಡೆದ ಬಲಿಪೂಜೆಯನ್ನು ಬಸಿಲಿಕಾದ ಸಹಾಯಕ ಧರ್ಮಗುರು ವಂ. ರಾಬಿನ್ ಸಾಂತುಮಾಯೆರ್ ನೆರವೇರಿಸಿದರು. ಬಳಿಕ ಉಡುಪಿ ಧರ್ಮಕ್ಷೇತ್ರದ ಧರ್ಮಾಧ್ಯಕ್ಷ ಪರಮಪೂಜ್ಯ ಜೆರಾಲ್ಡ್ ಐಸಾಕ್ ಲೋಬೋ ಅವರು ಧ್ವಜಾರೋಹಣ ನೆರವೇರಿಸಿದರು. ಬಸಿಲಿಕಾದ ಪಾಲನಾ ಸಮಿತಿಯ ಉಪಾಧ್ಯಕ್ಷ ಸಂತೋಷ್ ಡಿಸಿಲ್ವಾ ಸ್ವಾಗತ ಭಾಷಣ ಮಾಡಿದರು. ಕಾರ್ಯದರ್ಶಿ ರೊನಾಲ್ಡ್ ನೊರೊಕ್ಟರ್ ಧನ್ಯವಾದ ಅರ್ಪಿಸಿದರು. ನಿಯೋಜಿತ ಉಪಾಧ್ಯಕ್ಷ ವಂದಿಶ್ ಮಥಿಯಾಸ್ ಮತ್ತು ಕಾರ್ಯದರ್ಶಿ ಮೆಲ್ವಿನ್ ಕ್ಯಾಸ್ಟೆಲಿನೋ ಉಪಸ್ಥಿತರಿದ್ದರು.ಧ್ವಜಾರೋಹಣದ ಬಳಿಕ ಪರಮಪೂಜ್ಯ ಜೆರಾಲ್ಡ್ ಐಸಾಕ್ ಲೋಬೋ ಅವರು ದಿವ್ಯ ಜ್ಯೋತಿ (ದೈವಾರಾಧನ ಆಯೋಗ) ಪ್ರಕಟಿಸಿದ ನೂತನ ಪುಸ್ತಕವನ್ನು ಬಿಡುಗಡೆ ಮಾಡಿದರು. ಈ ಪುಸ್ತಕದಲ್ಲಿ ದಿನನಿತ್ಯದ ಪ್ರಾರ್ಥನೆಗಳು ಮೂರು ಲಿಪಿಗಳಲ್ಲಿ ಮುದ್ರಿತವಾಗಿವೆ. ಅಲ್ಲದೇ “ಉತ್ತಮ ಸಮಾರಿಯಾಗಾರ” ಉಪಮೆಯನ್ನು ಆಧರಿಸಿದ ಹೊಸ ಧಾರಾವಾಹಿ ದೃಶ್ಯ ಚಿತ್ರಣವನ್ನು ಸಂಕೇತಾತ್ಮಕವಾಗಿ ಬಿಡುಗಡೆ ಮಾಡಲಾಯಿತು. ಈ ದೃಶ್ಯಾವಳಿಯನ್ನು ಕಾರ್ಕಳ ಪಟ್ಟಣದ ಧರ್ಮಕೇಂದ್ರದ ಧರ್ಮಗುರು ವಂ. ಕ್ರೆಮೆಂಟ್ ಮಸ್ಕರೇನ್ಸಾಸ್ ಅವರು ಸಿದ್ಧಪಡಿಸಿದ್ದಾರೆ.ಧರ್ಮಾಧ್ಯಕ್ಷರು ಅನೇಕ ಧರ್ಮಗುರುಗಳೊಂದಿಗೆ ಸಂಯುಕ್ತವಾಗಿ ಭವ್ಯ ಬಲಿಪೂಜೆಯನ್ನು ಆಚರಿಸಿದರು. ತಮ್ಮ ಉಪದೇಶದಲ್ಲಿ ಪವಿತ್ರ ಗ್ರಂಥದ ಓದು ಹಾಗೂ ದೇವರ ವಾಕ್ಯದ ಬೆಳಕಿನಲ್ಲಿ ಜೀವನವನ್ನು ಪುನರ್ವ್ಯಾಖ್ಯಾನಿಸುವ ಅಗತ್ಯವಿದೆ ಎಂದು ಒತ್ತಿಹೇಳಿದರು. ಈ ದಿನವನ್ನು “ದೇವರ ವಾಕ್ಯದ ಭಾನುವಾರ”ವಾಗಿ ಆಚರಿಸಲಾಯಿತು.ಸಂಜೆಯ ಸಂಯುಕ್ತ ಬಲಿಪೂಜೆಯನ್ನು ಮಂಗಳೂರು ಧರ್ಮಕ್ಷೇತ್ರದ ನಿವೃತ್ತ ಧರ್ಮಾಧ್ಯಕ್ಷ ಪರಮಪೂಜ್ಯ ಅಲೋಶಿಯಸ್ ಪೌಲ್ ಡಿಸೋಜಾ ನೆರವೇರಿಸಿದರು. ಸಾವಿರಾರು ಭಕ್ತರು ಬಸಿಲಿಕಾಕ್ಕೆ ಆಗಮಿಸಿ ತಮ್ಮ ಪ್ರಿಯ ಸಂತನ ಆಶೀರ್ವಾದ ಪಡೆದರು.

ಮಹೋತ್ಸವದ ಇತರ ಬಲಿಪೂಜೆಗಳನ್ನು ವಂ. ರಾಜೇಶ್ ರೊಸಾರಿಯೊ (ಜೆಪ್ಪು ಗುರುಮಠದ ರೆಕ್ಟರ್), ವಂ. ಡ್ಯಾನ್ಸಿ ಮಾರ್ಟಿಸ್ (ಕಪ್ಪುಚಿನ್ ಸಭೆ), ವಂ. ಫ್ರಾಂಕ್ಲಿನ್ ಡಿ''''''''ಸೋಜಾ (ಶಿವಮೊಗ್ಗಾ ಧರ್ಮಕ್ಷೇತ್ರ), ವಂ. ಚೆತನ್ ಲೋಬೋ (ಅಸಿಸಿ ಪ್ರೆಸ್ ನಿರ್ದೇಶಕ), ವಂ. ಸ್ಟೀಫನ್ ಡಿ''''''''ಸೋಜಾ (ಉಡುಪಿ ಧರ್ಮಕ್ಷೇತ್ರದ ಕುಲಪತಿ) ಹಾಗೂ ವಂ. ಆಲ್ವಿನ್ ಸಿಕ್ವೆರಾ (ಕಾಮೆಲ್ ಸಭೆ) ನೆರವೇರಿಸಲಿದ್ದಾರೆ.

ಗಣರಾಜ್ಯೋತ್ಸವದ ಹಿನ್ನೆಲೆಯಲ್ಲಿ ನಾಳೆ ಹೆಚ್ಚಿನ ಭಕ್ತರ ಭಾಗವಹಿಸುವಿಕೆ ನಿರೀಕ್ಷಿಸಲಾಗಿದೆ. ಮುಖ್ಯ ಮಹೋತ್ಸವ ಬಲಿಪೂಜೆ ಸಂಜೆ 5 ಗಂಟೆಗೆ ಕನ್ನಡ ಭಾಷೆಯಲ್ಲಿ ಕಾರವಾರ ಧರ್ಮಕ್ಷೇತ್ರದ ಧರ್ಮಾಧ್ಯಕ್ಷ ಪರಮಪೂಜ್ಯ ಡ್ಯೂಮಿಂಗ್ ಡಯಾಸ್ ಅವರಿಂದ ನಡೆಯಲಿದೆ.