ಬಸವಾಪಟ್ಟಣದಲ್ಲಿ ವೀರಶೈವ ಯುವಕ ಬಳಗದಿಂದ ಬಸವೇಶ್ವರ ವರ್ಧಂತಿ

ಬಸವಾಪಟ್ಟಣ: ಸಮಾನತೆಯ ಹರಿಕಾರ ಸಮಾಜದ ಅಂಕುಡೊಂಡುಗಳನ್ನು ತಿದ್ದಿ ಮಹಿಳೆಯರ ಸಮಾನ ಹಕ್ಕುಗಳನ್ನು ನೀಡಿದ, ಆಧುನಿಕ ಪ್ರಜಾಪ್ರಭುತ್ವಕ್ಕೆ ತಳಹದಿ ಹಾಕಿದ ೧೨ನೇ ಶತಮಾನದ ಯುಗಪುರಷ ಬಸವನ ಬಾಗೇವಾಡಿ ಶ್ರೀ ಬಸವೇಶ್ವರರ ೮೯೨ನೇ ಜನ್ಮದಿನವನ್ನು ಬಸವಾಪಟ್ಟಣ ಗ್ರಾಮದ ವೀರಶೈವ ಯುವಕರ ಬಳಗದ ವತಿಯಿಂದ ಅಚರಿಸಲಾಯಿತು.

ಬಸವಾಪಟ್ಟಣ: ೧೨ನೇ ಶತಮಾನದ ಯುಗಪುರುಷ, ಸಮಾನತೆಯ ಹರಿಕಾರ, ಮಹಿಳಾ ಸಮಾನತೆ, ಸಾಮಾಜಿಕ ಅಸಮತೋಲನದ ವಿರುದ್ದ ಹೋರಾಡಿದ ಮಹಾನ್ ಪುರುಷ ಬಸವಣ್ಣನವರ ೮೯೨ನೇ ಜನ್ಮದಿನದ ಅಂಗವಾಗಿ ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅರಕಲಗೂಡು ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕರಾದ ಎ.ಟಿ.ರಾಮಸ್ವಾಮಿ ಬಸವಣ್ಣನವರ ಕಾಯಕನಿಷ್ಠೆ, ಕಾಯಕವೇ ಕೈಲಾಸ. ನುಡಿದಂತೆ ನಡೆಯುವ ಅವರ ತತ್ವ ಅದರ್ಶಗಳು, ಸಮಾನತೆಯ ಭಾವನೆ ಇಂದಿಗೂ ಎಂದೆಂದಿಗೂ ಅನುಕರಣಿಯ ಎಂದು ತಿಳಿಸಿದರು. ಅವರ ತತ್ವ, ಆದರ್ಶ, ಸಿದ್ಧಾಂತಗಳನ್ನು ಜೀವನದಲ್ಲಿ ಅಳವಡಿಸಕೊಳ್ಳಬೇಕು. ಪ್ರತಿಯೊಬ್ಬರು ಕಾರ್ಯನಿಷ್ಠರಾಗಿ ಇರಬೇಕು ಎಂದರು. ಎಲ್ಲರಿಗೂ ಬಸವ ಜಯಂತಿಯ ಶುಭಾಷಯಗಳನ್ನು ಕೋರಿದರು. ಇದೇ ವೇಳೆ ತಾಲೂಕು ಪಂಚಾಯಿತಿ ಮಾಜಿ ಸದಸ್ಯರಾದ ವಿರೇಶ್, ಮ್ಯತ್ಯುಂಜಯ, ರವಿ, ಪ್ರಭಾಕರ, ವಿರೂಪಾಕ್ಷ, ಯಶ್ವಂತ್, ಎ.ಟಿ.ರಾಮಸ್ವಾಮಿ ಹಾಜರಿದ್ದರು.