ನಿರಂತರ ಪರಿಶ್ರಮದಿಂದ ಗಾಯಕನಾದೆ

ಯಲ್ಲಾಪುರ:

ಹಾಸಣಗಿಯ ಪಂ. ಗಣಪತಿ ಭಟ್ಟರ ನಿವಾಸಕ್ಕೆ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಸಾಧಕರ ಮನೆ ಬಾಗಿಲಿಗೆ ಕಸಾಪ ಅಂಗವಾಗಿ ತೆರಳಿ ಸನ್ಮಾನಿಸಿದ ನಂತರ ಮಾತನಾಡಿದರು.ಮಾಧ್ಯಮಿಕ ಶಾಲೆಯ ನಂತರ ಸಂಗೀತ ನನಗೆ ಆಪ್ತವಾಗತೊಡಗಿತು. ನಾಟಕಗಳಲ್ಲಿ ಪಾತ್ರ ವಹಿಸಿದ್ದ ನಾನು ಮುಂದಿನ ಶಿಕ್ಷಣಕ್ಕಾಗಿ ಧಾರವಾಡಕ್ಕೆ ತೆರಳಿದೆ. ಅಲ್ಲಿ ಸಂಗೀತದ ಕಲಿಕೆಗೆ ಅವಕಾಶವಾಗಿ ಪ್ರತಿಭಾವಂತ ಕಲಾವಿದರ ಪರಿಚಯವೂ ಲಭಿಸಿತು. ನಂತರ ಮುಂಬೈಗೆ ತೆರಳಿದ ಮೇಲೆ, ಅನೇಕ ಅವಕಾಶಗಳು ಬಂದು ಎಲ್ಲವೂ ಯಶಸ್ವಿಯಾದವು. ಎಲ್ಲರ ಸಹಕಾರದಿಂದ ರಾಷ್ಟ್ರಮಟ್ಟದಲ್ಲಿ ಹೆಸರುಗಳಿಸಲು ಸಾಧ್ಯವಾಯಿತು. ಕಾಲ ಎಲ್ಲವನ್ನೂ ನಿರ್ಧರಿಸುತ್ತದೆ. ಪತ್ನಿ ನಾಗವೇಣಿ ಹಾಗೂ ಕೃಷಿಯ ಜವಾಬ್ದಾರಿ ಹೊತ್ತ ಮಗ ವಸಂತನ ಸಹಕಾರದಿಂದ ಸಾಧನೆ ಸಾಧ್ಯವಾಯಿತು ಎಂದು ತಮ್ಮ ಸಾಧನೆಯ ಗಾಥೆಯನ್ನು ವಿವರಿಸಿದರು.

ತಾಲೂಕು ಕಸಾಪ ಘಟಕಾಧ್ಯಕ್ಷ ಸುಬ್ರಹ್ಮಣ್ಯ ಭಟ್ಟ ಪ್ರಾಸ್ತಾವಿಕ ಮಾತನಾಡಿದರು. ಕಸಾಪ ಕಾರ್ಯದರ್ಶಿ ಜಿ.ಎನ್. ಭಟ್ಟ ಸ್ವಾಗತಿಸಿ, ನಿರ್ವಹಿಸಿದರು.