ಬೀಜೋಪಚಾರದಿಂದ ಉತ್ತಮ ಇಳುವರಿ: ಎನ್. ರವಿಕುಮಾರ

ಹಾವೇರಿ: ರೈತರು ಬಿತ್ತನೆ ಮಾಡಿದ ನಂತರ ಬೆಳೆಗಳಿಗೆ ರೋಗಗಳ ಹತೋಟಿಗೆ ಕಷ್ಟ ಪಡುವ ಮುನ್ನ ಬಿತ್ತನೆ ಪೂರ್ವದಲ್ಲಿಯೆ ಮಣ್ಣು ಪರೀಕ್ಷೆಯನ್ನು ಮಾಡಿ ಅದಕ್ಕೆ ಬೇಕಾದ ಸಮಗ್ರ ಔಷಧೋಪಚಾರ ಹಾಗೂ ಬೀಜೋಪಚಾರ ಕೈಗೊಳ್ಳುವುದರಿಂದ ಉತ್ತಮ ಇಳುವರಿ ಪಡೆಯಬಹುದು ಎಂದು ಹನುಮನಮಟ್ಟಿಯ ಕೃಷಿ ಮಹಾವಿದ್ಯಾಲಯದ ಸಸ್ಯರೋಗ ತಜ್ಞ ಎನ್. ರವಿಕುಮಾರ ತಿಳಿಸಿದರು.ತಾಲೂಕಿನ ದೇವಗಿರಿ ಗ್ರಾಮದಲ್ಲಿ ನಡೆದ ಕೃಷಿ ಮತ್ತು ತೋಟಗಾರಿಕಾ ಬೆಳೆಗಳಲ್ಲಿ ಸಮಗ್ರ ರೋಗ ನಿರ್ವಹಣೆ ಕಾರ್ಯಾಗಾರದಲ್ಲಿ ಮಾತನಾಡಿ, ಪ್ರಸಕ್ತ ವರ್ಷ ಜಿಲ್ಲೆಯ ಪ್ರಮುಖ ಬೆಳೆಗಳಾದ ಮೆಕ್ಕೆಜೋಳ, ಅಡಕೆ, ಮೆಣಸಿನಕಾಯಿ, ಕಬ್ಬು ತರಕಾರಿಗೆ ತಗಲುವ ರೋಗಗಳ ಬಗ್ಗೆ ಸೇರಿದ ರೈತರಿಗೆ ಮಾಹಿತಿ ನೀಡಿದರು.