ಸರ್ಕಾರಿ, ರೈತರ ಜಮೀನು ಕಬಳಿಕೆಗೆ ಖಂಡಿಸಿ ಭೂಮಿತಾಯಿ ಹೋರಾಟ ಸಮಿತಿ ಪ್ರತಿಭಟನೆ

ಕನ್ನಡಪ್ರಭ ವಾರ್ತೆ ಶ್ರೀರಂಗಪಟ್ಟಣ

ಮೈಸೂರು ಬಳಿಯ ಕೆಐಎಡಿಬಿ ಸಂಸ್ಥೆ ಕಚೇರಿ ಮುಂಭಾಗ ಸಮಿತಿ ಹಿರಿಯ ಹೋರಾಟಗಾರ ಕೆ.ಎಸ್. ನಂಜುಂಡೇಗೌಡ ಹಾಗೂ ಅಧ್ಯಕ್ಷ ಬಿ.ಸಿ.ಕೃಷ್ಣೇಗೌಡ ನೃತೃತ್ವದಲ್ಲ್ಲಿಬೀಚನಕುಪ್ಪೆ ಹಾಗೂ ಹೊಸಉಂಡವಾಡಿ ಗ್ರಾಮದ ನೂರಾರು ಕಾರ್ಯಕರ್ತರು ಆಗಮಿಸಿ ಅಧಿಕಾರಿಗಳ ವಿರುದ್ಧ ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು.

ದರಕಾಸು ಆಗಿರುವ ಪೌತಿಯಾಗಿದ್ದರೂ ಪೌತಿ ಖಾತೆ ಮಾಡಿಸದೆ ಆ ಜಮೀನು ಪಡೆದುಕೊಂಡು ಎಲ್ಲವನ್ನು ಒಬ್ಬರ ಹೆಸರಿಗೆ ನಮೂದಿಸಿ ಭೂ ಕಬಳಿಕೆಗೆ ಸ್ಥಳೀಯ ತಾಲೂಕು ಕಚೇರಿ ಅಧಿಕಾರಿಗಳು ಸಾಮೀಲಾಗಿ ರೈತ ವಿರೋಧಿ ನೀತಿ ಅನುಸರಿಸಿರುವುದು ಕಂಡು ಬಂದಿದೆ ಎಂದು ಹೋರಾಟಗಾರ ಕೆ.ಎಸ್ ನಂಜುಂಡೇಗೌಡ ದೂರಿದರು.

ಈ ಹಿಂದೆ ಇದ್ದ ಸರ್ಕಾರಿ ಜಮೀನುಗಳನ್ನು ಒಟ್ಟುಗೂಡಿಸಿ, ಭೂ ಕಬಳಿಸಿ ಪರಿವರ್ತನೆ ಮಾಡಿ ಟೌನ್‌ಶಿಪ್ ಹೆಸರಿನಲ್ಲಿ ಸರ್ಕಾರಕ್ಕೆ ಅನ್ಯಾಯವಾಗಿದೆ. ಇದರ ಜೊತೆ ರೈತರಿಗೆ ಸೇರಿದ ಜಮೀನುಗಳನ್ನು ವಶ ಪಡೆದು ಖಾಸಗಿ ಸಂಸ್ಥೆಗೆ ನೀಡಿ ಅವರ ಪರ ಕೆಲಸ ಮಾಡಿದ್ದಾರೆ ಎಂದು ಕಿಡಿಕಾರಿದರು.

ಪ್ರತಿಭಟನೆಯಲ್ಲಿ ಬೆಳಗೊಳ ಬಿ.ವಿ.ಸುರೇಶ್, ಹುಂಡವಾಡಿ ಮಹದೇವು, ಕೆಆರ್‌ಎಸ್ ವಸಂತ, ಬಲ್ಲೇನಹಳ್ಳಿ ಮಂಜುನಾಥ್, ಮಹದೇವಪುರ ಕೃಷ್ಣ, ಬೆಳಗೊಳ ಸುನೀಲ್, ವಿಶಕಂಠು, ಮಹೇಶ್, ರವಿಲಕ್ಷ್ಮಣ್, ರಾಮಕೃಷ್ಣ, ಗ್ರಾಪಂ ಸದಸ್ಯ ಹರೀಶ್, ಸ್ನೇಕ್‌ದೀಪಕ್, ಗಂಜಾಂ ಮರಿಯಪ್ಪ ಸೇರಿದಂತೆ ಕೆಆರ್‌ಎಸ್, ಹೊಂಗಳ್ಳಿ, ಹುಲಿಕೆರೆ, ಬೀಚನಕುಪ್ಪೆ ಸೇರಿದಂತೆ ಇತರ ಗ್ರಾಮಗಳ ರೈತರು ಭಾಗವಹಿಸಿದ್ದರು.