‘ದೇಶಕ್ಕಾಗಿ ಒಂದು ಹೆಜ್ಜೆ’ ಧ್ಯೇಯದ ಅಡಿ ಬೀದರ್‌ನಲ್ಲಿ ವಿವೇಕ ನಡಿಗೆ

ಕನ್ನಡಪ್ರಭ ವಾರ್ತೆ ಬೀದರ್ ಸಿಡಿಲ ಸನ್ಯಾಸಿ ಸ್ವಾಮಿ ವಿವೇಕಾನಂದರ ಜಯಂತೋತ್ಸವ ಅಂಗವಾಗಿ ಜಿಲ್ಲಾ ಬಿಜೆಪಿ ಯುವ ಮೋರ್ಚಾದಿಂದ ದೇಶಕ್ಕಾಗಿ ಒಂದು ಹೆಜ್ಜೆ ಎಂಬ ವಾಕ್ಯದಡಿ "ವಿವೇಕ ನಡಿಗೆ "ಮಾಡಲಾಯಿತು.ಭಾನುವಾರ ಬೆಳಿಗ್ಗೆ ಬೀದರ್ ನಗರದ ದೇವಿ ಕಾಲೋನಿಯ ದೇವಿ ಮಂದಿರದಿಂದ ಬೇಟಿ ವೃತದ ವರೆಗೇ ಕಾರ್ಯಕರ್ತರು ವಿವೇಕಾನಂದರ ಬೋಧನೆಗಳು ಪ್ರಪಂಚದಾದ್ಯಂತ ಲಕ್ಷಾಂತರ ಜನರಿಗೆ ಸ್ಫೂರ್ತಿಯಾಗಲಿ ಎಂದು ವಿವೇಕ್ ನಡಿಗೆ ಕೈಗೊಂಡರು.ಈ ವೇಳೆ ಬೀದರ ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪೀರಪ್ಪಾ ಔರಾದೆ ಮಾತನಾಡಿ, ಸ್ವಾಮಿ ವಿವೇಕಾನಂದರು 1863ರ ಜನವರಿ 12 ರಂದು ಜನಿಸಿದರು. ಭಾರತದ ಅತ್ಯಂತ ಪ್ರಸಿದ್ಧ ಮತ್ತು ಪ್ರಭಾವಶಾಲಿ ತತ್ತ್ವಜ್ಞಾನಿಗಳಲ್ಲಿ ಒಬ್ಬರು. ನಿರ್ಭಿರ್ಯತೆ, ಆಶಾವಾದ ಮತ್ತು ಸಾಮಾಜಿಕ ಸಮಸ್ಯೆಗಳ ಬಗೆಗಿನ ವಿಶಾಲ ದೃಷ್ಟಿಯ ಸಂಕೇತವಾಗಿ ಅವರು ಪರಿಗಣಿತರಾಗಿದ್ದಾರೆ. ಸ್ವಾಮಿ ವಿವೇಕಾನಂದರ ಜನ್ಮ ದಿನವಾದ ಜನವರಿ 12ರಂದು ರಾಷ್ಟ್ರೀಯ ‘ಯುವದಿನ’ವೆಂದು ಆಚರಿಸಲಾಗುತ್ತದೆ ತಿಳಿಸಿದರು.

ಬೀದರ್: ಚಾರಿತ್ರ್ಯ ಮತ್ತು ಆತ್ಮಗೌರವ ನಮಗಿರುವ ಎರಡು ಸರ್ವಶ್ರೇಷ್ಠ ಪದವಿಗಳು. ಸ್ವಾಮಿ ವಿವೇಕಾನಂದರ ಚಿಂತನೆಗಳಂತೆ ಈ ಪದವಿ ಹೊಂದಿದರೆ ಸಮಾಜಕ್ಕೆ ಅಮೋಘ ಕೊಡುಗೆ ಕೊಡಬಹುದು. ವ್ಯಕ್ತಿಯ ಭವಿಷ್ಯ ರೂಪಿಸಲು ಹಾಗೂ ಸುಂದರ ಸಮಾಜ ನಿರ್ಮಿಸಲು ಪೂರಕವಾಗಿ ಸಾರ್ಥಕ ಬದುಕು ಸಾಗಿಸಲು ಚಾರಿತ್ರ್ಯ ಮತ್ತು ಆತ್ಮಗೌರವಗಳೇ ಶ್ರೇಷ್ಠ ಸಾಧನಗಳಾಗಿವೆ ಎಂದು ರಾಮಕೃಷ್ಣ ವಿವೇಕಾನಂದ ಆಶ್ರಮ ಅಧ್ಯಕ್ಷರಾದ ಜ್ಯೋತಿರ್ಮಯಾನಂದ ಸ್ವಾಮಿ ಹೇಳಿದರು.ಇಲ್ಲಿಯ ಶಿವನಗರದ ರಾಮಕೃಷ್ಣ ವಿವೇಕಾನಂದ ಆಶ್ರಮದಲ್ಲಿ ಭಾನುವಾರ ಆಯೋಜಿಸಿದ್ದ ಸ್ವಾಮಿ ವಿವೇಕಾನಂದ ಜಯಂತಿ ಹಾಗೂ ಸ್ವಾಮಿ ವಿವೇಕಾನಂದ ಚೆಸ್ ಅಕಾಡೆಮಿ ಉದ್ಘಾಟನಾ ಸಮಾರಂಭದ ಸಾನಿಧ್ಯ ವಹಿಸಿ ಮಾತನಾಡಿದ ಅವರು, ಯುಪಿಎಸ್‌ಸಿ ಸೇರಿದಂತೆ ಯಾವುದೇ ಪದವಿಯಲ್ಲಿ ರ್ಯಾಂ ಕ್ ಗಳಿಸಿ ಹುದ್ದೆ ಗಿಟ್ಟಿಸಿಕೊಳ್ಳುವುದು ದೊಡ್ಡದಲ್ಲ. ಉತ್ತಮ ಚಾರಿತ್ರ್ಯ ಮತ್ತು ಆತ್ಮಗೌರವದಿಂದ ಕೆಲಸ ಮಾಡಿದಾಗಲೇ ಈ ಪದವಿ, ಹುದ್ದೆಗೆ ಬೆಲೆಯಿದೆ. ಇವೆರಡೂ ಅಂಶ ನಮ್ಮೊಳಗೆ ಇರದಿದ್ದರೆ ನಾವೆಷ್ಟೇ ಕಲಿತಿದ್ದರೂ, ಎಂಥದ್ದೇ ಹುದ್ದೆಯಲ್ಲಿದ್ದರೂ ಸಮಾಜಕ್ಕೆ ಏನೂ ಪ್ರಯೋಜನವಾಗದು ಎಂದರು.

ಹಿರಿಯ ಪತ್ರಕರ್ತ ಸದಾನಂದ ಜೋಶಿ ಮಾತನಾಡಿ, ವಿವೇಕಾನಂದರ ಚಿಂತನೆಗಳು ಸಾರ್ವಕಾಲಿಕ ಶ್ರೇಷ್ಠ.ವಿಜ್ಞಾನ, ತಂತ್ರಜ್ಞಾನ, ಆತ್ಮಜ್ಞಾನ ಹೀಗೆ ಪ್ರತಿಯೊಂದು ಜ್ಞಾನಗಳ ಮೂಲವೇ ಭಾರತವಾಗಿದೆ. ಸ್ವಾಮಿ ವಿವೇಕಾನಂದರನ್ನು ತಿಳಿದಾಗ ನಮಗೆ ಭಾರತ ಏನೆಂಬುದು ತಿಳಿಯಲು ಸಾಧ್ಯವಾಗುತ್ತದೆ ಎಂದರು. ಹಿರಿಯ ಆರ್ಥೋಪೆಡಿಕ್ ಸರ್ಜನ್ ಡಾ.ರಘು ಕೃಷ್ಣಮೂರ್ತಿ, ಬಗದಲ್ ಮೊರಾರ್ಜಿ ದೇಸಾಯಿ ವಸತಿಶಾಲೆ ಪ್ರಾಂಶುಪಾಲ ಚನ್ನಬಸವ ಹೇಡೆ, ಚೆಸ್ ಅಕಾಡೆಮಿ ಅಧ್ಯಕ್ಷ ನಿತಿನ್ ಕರ್ಪೂರ್ ಮಾತನಾಡಿದರು.

ಕೋವಿಡ್ ಮುಂಚೆ 14 ವರ್ಷದೊಳಗಿನ ಶಾಲಾ ಮಕ್ಕಳಲ್ಲಿ ಸಾಮಾನ್ಯ ದೃಷ್ಟಿದೋಷತೆ ಪ್ರಮಾಣ ಶೇ.6ರಷ್ಟಿತ್ತು. ಕೋವಿಡ್ ಬಳಿಕ ಇದು ಶೇ.30ಕ್ಕೇರಿದೆ. ಈ ಪ್ರಮಾಣ ಇನ್ನೂ ಕ್ರಮೇಣ ಹೆಚ್ಚುತ್ತಲೇ ಇರುವುದು ಅಪಾಯಕಾರಿ ಎಂದು ಆತಂಕ ವ್ಯಕ್ತಪಡಿಸಿದರು.

ಬೀದರ್: ಯುವ ಜನರು ಸ್ವಂತ ಬಲದ ಮೇಲೆ ಭವಿಷ್ಯ ಕಟ್ಟಿಕೊಳ್ಳಬೇಕೆಂದು ಅಪರ ಜಿಲ್ಲಾಧಿಕಾರಿ ಶಿವಕುಮಾರ ಶೀಲವಂತ ಕರೆ ನೀಡಿದರು.ನಗರದ ನೆಹರೂ ಕ್ರೀಡಾಂಗಣದಲ್ಲಿ ಭಾನುವಾರ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯಿಂದ ಹಮ್ಮಿಕೊಂಡಿದ್ದ ರಾಷ್ಟ್ರೀಯ ಯುವ ದಿನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿ, ಸರ್ಕಾರ ಅಥವಾ ಬೇರೆಯವರ ನೆರವಿಗಾಗಿ ಕಾಯಬಾರದು. ಯಾರನ್ನೂ ಅವಲಂಬಿಸಬಾರದು. ಗಟ್ಟಿ ನಿರ್ಧಾರ ಕೈಗೊಂಡು, ಪರಿಶ್ರಮದಿಂದ ಉತ್ತಮ ಬದುಕು ರೂಪಿಸಿಕೊಳ್ಳಬೇಕೆಂದರು.

ಲಂಡನ್ ಯುವ ಪರಿಷತ್ ಗೌರವ ಸಂಚಾಲಕ ಆದೀಶ್ ರಜನೀಶ್ ವಾಲಿ ಮಾತನಾಡಿ, ಯುವಕರು ಉನ್ನತ ಗುರಿ ಇಟ್ಟುಕೊಳ್ಳಬೇಕು. ಮಹೋನ್ನತ ಸಾಧನೆ ಮಾಡಬೇಕೆಂದರು.

ನೆಹರೂ ಯುವ ಕೇಂದ್ರದ ಅಧಿಕಾರಿ ಮಯೂರಕುಮಾರ ಗೋರಮೆ ಉಪಸ್ಥಿತರಿದ್ದರು. ಯುವ ಸಬಲೀಕರಣ ಹಾಗೂ ಕ್ರೀಡಾ ಇಲಾಖೆಯ ಸಹಾಯಕ ನಿರ್ದೇಶಕ ನಾಗರಾಜ ಮಠ ಪ್ರಾಸ್ತಾವಿಕ ಮಾತನಾಡಿದರು. ಪವನ್ ಸ್ವಾಗತಿಸಿದರೆ ಜಯಪ್ರಕಾಶ ನಿರೂಪಿಸಿದರು. ಲಕ್ಷ್ಮಣ ಎಂ. ವಂದಿಸಿದರು.ಭಾರತದ ಸಾಂಸ್ಕೃತಿಕ ಏಕತೆ ಪ್ರತಿಪಾದಿಸಿದ ವಿವೇಕಾನಂದ: ನವೀಲಕುಮಾರ ಉತ್ಕಾರ್ಔರಾದ್: ಭಾಷಾ, ಜನಾಂಗೀಯ, ಐತಿಹಾಸಿಕ ಮತ್ತು ಪ್ರಾದೇಶಿಕ ವೈವಿಧ್ಯತೆಗಳ ಭಾರತದ ಸಾಂಸ್ಕೃತಿಕ ಏಕತೆಯನ್ನು ಬಲವಾಗಿ ಪ್ರತಿಪಾದಿಸಿದವರು ಸ್ವಾಮಿ ವಿವೇಕಾನಂದರು ಎಂದು ಪ್ರಾಂಶುಪಾಲ ನವೀಲಕುಮಾರ ಉತ್ಕಾರ್ ಹೇಳಿದರು.ಸಂತಪೂರ ಸಿದ್ದರಾಮೇಶ್ವರ ಪದವಿಪೂರ್ವ ಕಾಲೇಜಿನಲ್ಲಿ ವೀರ ಸನ್ಯಾಸಿ ಸ್ವಾಮಿ ವಿವೇಕಾನಂದರವರ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿ, ಅಸೂಯೆ, ಅಹಂಕಾರ ತ್ಯಜಿಸಿ ಒಗ್ಗಟ್ಟಿನಿಂದ ಇರಲು ಹಾಗೂ ಯುವಕರು ಧೈರ್ಯ ತುಂಬಿ ಕೆಲಸ ಮಾಡಲು ಸಲಹೆ ನೀಡಿದವರು ಸ್ವಾಮಿ ವಿವೇಕಾನಂದರು.