ವಿಶ್ವಕ್ಕೆ ಶಾಂತಿ ಸಂದೇಶ ನೀಡಿದ ಬುದ್ಧ ಧಮ್ಮ: ರಹೀಂ ಖಾನ್

ಕನ್ನಡಪ್ರಭ ವಾರ್ತೆ ಬೀದರ್

ನಗರದ ಬ್ಯಾಂಕ್ ಕಾಲೋನಿ, ರಾಮಪುರ ಕಾಲೋನಿ ಹಾಗೂ ಕುಂಬಾರವಾಡದ ಸಿದ್ಧಾರ್ಥ ಬುದ್ಧ ವಿಹಾರದಲ್ಲಿ ಆಯೋಜಿಸಿದ್ದ ವರ್ಷಾವಾಸ ಮುಕ್ತಾಯ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಬುದ್ಧರು ಜ್ಞಾನೋದಯ ಪಡೆದ ನಂತರ 18 ವರ್ಷಗಳ ಬಳಿಕ ತಮ್ಮ ತಾಯ್ನಾಡಿಗೆ ಮರಳಿ, ಪ್ರತಿಯೊಬ್ಬರೂ ಸ್ವಯಂ ಪ್ರಕಾಶಿತರಾಗಬೇಕು ಎಂಬ ಸಂದೇಶ ನೀಡಿದರು.

ಕಾರ್ಯಕ್ರಮದ ಅಂಗವಾಗಿ ಬೆಳಿಗ್ಗೆ 9ರಿಂದ ಸಂಜೆ 7ರವರೆಗೆ ಜಿಲ್ಲೆಯ ವಿವಿಧ ಭಜನಾ ತಂಡಗಳಿಂದ ಸಾಂಸ್ಕೃತಿಕ ಹಾಗೂ ಸಂಗೀತ ಕಾರ್ಯಕ್ರಮಗಳು ನಡೆದವು. ಸ್ಪರ್ಧೆಯಲ್ಲಿ ಪ್ರಬುದ್ಧ ಭಾರತ ತಂಡ ಪ್ರಥಮ ಬಹುಮಾನವಾಗಿ 10 ಸಾವಿರ, ಕರ್ನಾಟಕ ಪಂಚಶೀಲ ಸಾಹಿತ್ಯ ಪರಿಷತ್ತು ದ್ವಿತೀಯ 5 ರು.ಸಾವಿರ ಹಾಗೂ ಬೋಧಿವೃಕ್ಷ ತಂಡ ತೃತೀಯ 3 ಸಾವಿರ ರು. ಪಡೆದುಕೊಂಡವು. ಸ್ಪರ್ಧೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮ ನೀಡಿದ ಉಳಿದ ಭಜನಾ ತಂಡಗಳಿಗೆ ತಲಾ 1 ಸಾವಿರ ರು. ಪ್ರೋತ್ಸಾಹಧನ ನೀಡಲಾಯಿತು.

ಸಿದ್ಧಾರ್ಥ ಬುದ್ಧ ವಿಹಾರ ಹಾಗೂ ಡಾ.ಬಿ.ಆರ್.ಅಂಬೇಡ್ಕರ್ ಭವನ ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಸುಭಾಷ್‌ ಶರ್ಮಾ ಅಧ್ಯಕ್ಷತೆ ವಹಿಸಿದ್ದರು. ಸಮಿತಿಯ ಖಜಾಂಚಿ ಬಕ್ಕಪ್ಪ ಹೊಸಮನಿ ಪ್ರಾಸ್ತಾವಿಕ ಮಾತನಾಡಿದರು. ಸಂಗಮ ಭೀಮರಾವ್‌ ನಿರೂಪಿಸಿ ದರು. ಸಮಿತಿಯ ಕಾರ್ಯದರ್ಶಿ ನಾಗಸೇನ ಗಾಯಕವಾಡ ವಂದಿಸಿದರು.

--

ಬೀದರ್ ನಗರದ ಬ್ಯಾಂಕ್ ಕಾಲೋನಿ, ರಾಮಪುರ ಕಾಲೋನಿ ಹಾಗೂ ಕುಂಬಾರವಾಡದ ಸಿದ್ಧಾರ್ಥ ಬುದ್ಧ ವಿಹಾರದಲ್ಲಿ ವರ್ಷಾವಾಸ ಮುಕ್ತಾಯ ಸಮಾರಂಭ ಜರುಗಿತು.