2 ಕಾರು, 10 ಬೈಕ್, 83 ಗ್ರಾಂ ಚಿನ್ನಾಭರಣ ವಶ

ಕನ್ನಡಪ್ರಭ ವಾರ್ತೆ, ಚಾಮರಾಜನಗರ

ನಗರದ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ಅವರು ಜಿಲ್ಲಾ ಅಪರಾಧ ವಿಶೇಷ ಪತ್ತೆದಳವು ಚಾಮರಾಜನಗರ ಪಟ್ಟಣ ಠಾಣೆ ವ್ಯಾಪ್ತಿಯ ಸೋಮವಾರಪೇಟೆಯ ಮಾದಲಾಂಭಿಕೆ ಎಂಬುವರ ಮನೆಯಲ್ಲಿ ಕಳ್ಳತನವಾಗಿದ್ದ ೪೬ ಗ್ರಾಂ.ಚಿನ್ನಾಭರಣದಲ್ಲಿ ೪೩ ಗ್ರಾಂ.ಚಿನ್ನ, ಹಾಗೂ ಒಂದು ಲಕ್ಷ ರುಪಾಯಿಗಳನ್ನು ವಶಪಡಿಸಿಕೊಂಡು ಆರೋಪಿ ನಗರದ ಅರ್ಫಾಜ್‌ನನ್ನು ಬಂಧಿಸಿ ಒಂದು ಬೈಕ್ ಮತ್ತು ಮೊಬೈಲ್ ವಶಪಡಿಸಿಕೊಳ್ಳಲಾಗಿದೆ ಎಂದರು.

ನಗರದಲ್ಲಿ ಕಳ್ಳತನವಾಗಿದ್ದ ೩೦ ಗ್ರಾಂ, ಚಿನ್ನಾಭರಣ, ಒಂದುವರೆ ಲಕ್ಷ ರು.ಗಳನ್ನು ವಶಪಡಿಸಿಕೊಂಡು ಆರೋಪಿ ಯಳಂದೂರಿನ ಸೊಪ್ಪಿನಕೇರಿಯ ಹರೀಶ್‌ನನ್ನು ಬಂಧಿಸಲಾಗಿದೆ. ಯಳಂದೂರು ಪಟ್ಟಣ ಠಾಣೆಯ ವ್ಯಾಪ್ತಿಯ ಬಳೇಪೇಟೆಯ ಆರ್. ಮಂಜು ಅವರ ಮನೆಮುಂದೆ ಬಜಾಪ್ ಪಲ್ಸರ್ ಬೈಕ್‌ನ್ನು ಕಳ್ಳತನಮಾಡಿದ್ದ ಬನ್ನೂರು ಹೋಬಳಿ, ಬಿ.ಕೆ. ಬಿ.ಬೆಟ್ಟಹಳ್ಳಿಯ ಮದನ್, ಕೆ.ಆರ್. ತಾಲೂಕಿನ ಗಂಧನಹಳ್ಳಿಯ ಅರ್ಜುನ್, ಟಿ. ನರಸೀಪುರ ತಾಲೂಕಿನ ಅಲಗೂಡಿನ ಪ್ರವೀಣ ಹಾಗೂ ನಂಜನಗೂಡು ತಾಲೂಕಿನ ಹೆಡತಲೆ ಗ್ರಾಮದ ಕಾರ್ತಿಕ್‌ರನ್ನು ಬಂಧಿಸಿ ಇವರು ವಿವಿಧೆಡೆಯಲ್ಲಿ ಕಳ್ಳತನ ಮಾಡಿದ್ದ ೭ ಲಕ್ಷದ ಮೌಲ್ಯದ ೮ ಬೈಕ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದರು.

ಪತ್ರಿಕಾಗೋಷ್ಠಿಯಲ್ಲಿ ಅಡಿಷನಲ್ ಎಸ್ಪಿ ಶಶಿಧರ್, ಡಿವೈಎಸ್ಪಿಗಳಾದ ಲಕ್ಷ್ಮಯ್ಯ ಧರ್ಮೆಂದರ್, ಇನ್ಸಪೆಕ್ಟರ್‌ಗಳಾದ ಶ್ರೀಕಾಂತ್, ಸಾಗರ್ ಮಂಜುನಾಥ್ ಲೋಕೇಶ್ ಹಾಗೂ ಸಿಬ್ಬಂದಿ ಇದ್ದರು.