ಶಾಂತಿ, ಸಂಯಮದಿಂದ ಗಣೇಶೋತ್ಸವ ಆಚರಿಸಿ

ಕನ್ನಡಪ್ರಭ ವಾರ್ತೆ ಕೆರೂರ

ಪಟ್ಟಣದ ಪೊಲೀಸ್‌ ಠಾಣೆಯಲ್ಲಿ ಕರೆದ ಶಾಂತಿಪಾಲನಾ ಸಭೆಯಲ್ಲಿ ಮಾತನಾಡಿದ ಅವರು, ಗಣೇಶ ಮೆರವಣಿಗೆ ಸಮಯದಲ್ಲಿ ಕುಡಿದು ಕುಪ್ಪಳಿಸಿ ಇಲ್ಲ ಸಲ್ಲದ ವಾದ ವಿವಾದಕ್ಕೆ ಆಸ್ಪದ ಕೊಡುವದಾಗಲಿ ಹಳೆಯ ಹಗೆತನ ಸಾಧಿಸುವದಾಗಲಿ ಮಾಡಬಾರದು. ಯುವಕರು ನಾಡು ಕಟ್ಟುವ ಶಿಲ್ಪಿಗಳು, ಜಾಗ್ರತೆಯಿಂದ ಹಬ್ಬವನ್ನು ಸಂಭ್ರಮದಿಂದ ಜರುಗುವಂತೆ ನೋಡಿಕೊಳ್ಳಬೇಕು. ಕಳೆದ 2 ವರ್ಷಗಳ ಹಿಂದೆ ಇದೇ ಹಬ್ಬದಲ್ಲಿ ನಡೆದ ಅಹಿತಕರ ಘಟನೆ ಪಟ್ಟಣದ ಸಾಮರಸ್ಯವನ್ನು ಹಾಳುಮಾಡಿತ್ತು. ಪಟ್ಟಣದ ಹಿರಿ-ಕಿರಿಯರು ಪುನಃ ಆ ಘಟನೆ ಮರುಕಳಿಸದಂತೆ ನೋಡಿಕೊಳ್ಳುವ ಜವಾಬ್ದಾರಿ ಹೊತ್ತು ಹಬ್ಬವನ್ನು ಶಾಂತಿ ಸೌಹಾರ್ದತೆಯಿಂದ ಆಚರಿಸಬೇಕೆಂದು ಮನವಿ ಮಾಡಿದರು.ಸಿಪಿಐ ಕರಿಯಪ್ಪ ಬನ್ನೆ ಮಾತನಾಡಿ, ಪಟ್ಟಣದಲ್ಲಿ 20 ಕಡೆ ಸಾರ್ವಜನಿಕ ಗಣೇಶ ಪ್ರತಿಷ್ಠಾಪನೆ ಮಾಡುವರೆಂದು ತಿಳಿದಿದ್ದು, ಎಲ್ಲರೂ ಕಡ್ಡಾಯವಾಗಿ ಪರವಾನಗಿ ಪಡೆಯಬೇಕು. ನಿಗದಿತ ಸಮಯದಲ್ಲಿ ವಿಸರ್ಜನೆ ಕಾರ್ಯ ನಡೆಯಬೇಕು. ಗುರುತಿಸಿದ ಸ್ಥಳಗಳಲ್ಲಿ ಪಪಂ ಅಧಿಕಾರಿಗಳು ಸ್ವಚ್ಛತೆ ಸುಗಮ ದಾರಿ ಹೆಸ್ಕಾಂ ಅಧಿಕಾರಿಗಳು ವಿದ್ಯುತ್‌ ವ್ಯವಸ್ಥೆ ಕಲ್ಪಿಸಬೇಕೆಂದು ಸೂಚಿಸಿದರು. ಶಾಂತಿ ಸಭೆಯಲ್ಲಿ ಠಾಣಾಧಿಕಾರಿ ಆರ್‌.ವೈ.ಬೀಳಗಿ, ಐ.ಎಮ್‌.ಹಿರೇಗೌಡರ ಹಾಗೂ ಸಿಬ್ಬಂದಿ ಹೆಸ್ಕಾಂ ಶಾಖಾಧಿಕಾರಿ ಸೋಮಪ್ಪ ಕೊನೇರಿ, ಪ.ಪಂ ಅಧಿಕಾರಿ ಬಸವರಾಜ ಕಟ್ಟಿಮನಿ, ಜಿಪಂ ಮಾಜಿ ಸದಸ್ಯ ಡಾ.ಎಮ್‌.ಜಿ.ಕಿತ್ತಲಿ, ಗುಂಡಣ್ಣ ಬೋರಣ್ಣವರ, ಭರಮಪ್ಪ ಹೊಸಮನಿ, ಉಸ್ಮಾನ ಮುಲ್ಲಾ, ಅಶೋಕ ಕೊಪ್ಪದ, ವಿಷ್ಣು ಕಠಾರಿ ಸೇರಿದಂತೆ ಹಲವಾರು ಜನರಿದ್ದರು.

ಬಾಕ್ಸ್‌

ಕನ್ನಡಪ್ರಭ ವಾರ್ತೆ ಬಾಗಲಕೋಟೆ

ಪ್ಲಾಸ್ಟರ್ ಆಫ್ ಪ್ಯಾರೀಸ್ ಅಥವಾ ಸೀಮೆಂಟ್‌ನಂತಹ ಕೊಳೆಯದ ವಸ್ತುಗಳಿಂದ ರಚಿಸಲಾಗದ ಮತ್ತು ವಿಷಕಾರಿ ಬಣ್ಣ ಮತ್ತು ಆಭರಣಗಳಿಂದ ಅಲಂಕರಿಸಲ್ಪಟ್ಟ, ಅಸಂಖ್ಯಾತ ಗಣಪತಿಯ ವಿಗ್ರಹಗಳು ನಮ್ಮ ಪರಿಸರ ವ್ಯವಸ್ಥೆಗೆ ಗಮನಾರ್ಹ ಹಾನಿಯನ್ನುಂಟುಮಾಡುತ್ತಿವೆ. ಹಾನಿಕಾರಕ ಪದಾರ್ಥಗಳನ್ನು ಉಪಯೋಗಿಸಿ ತಯಾರಿಸಿದ ಈ ವಿಗ್ರಹಗಳು ಸುಲಭವಾಗಿ ಕರಗುವುದಿಲ್ಲವಾದ್ದರಿಂದ ಅವು ಅನುಕೂಲಕರವಾಗಿ ನದಿಯಲ್ಲಿ ತ್ಯಾಜ್ಯವಾಗಿ ಸೇರಿಕೊಳ್ಳುತ್ತವೆ. ಹೀಗಾಗಿ ನದಿಯ ಪರಿಸರಕ್ಕೆ ಅಪಾಯವನ್ನುಂಟುಮಾಡುತ್ತವೆ. ಪರಿಸರ ಪ್ರೇಮಿ ಗಣಪತಿ ಪ್ರತಿಷ್ಠಾಪನೆ ಮಾಡಬೇಕು ಎನ್ನುವ ಸರ್ಕಾರದ ಆದೇಶ ಕೇವಲ ಘೋಷಣೆಯಾಗಿ ಉಳಿದಿದೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ ಎಂದಿದ್ದಾರೆ.